KORONAVİRUSA YOLUXANLARIN SAYI - CANLI STATİSTİKA

Azərbaycanda koronavirusla bağlı yalan məlumat yayan qadın saxlanılıb — FOTO

Azərbaycanda koronavirusla bağlı yalan məlumat yayan qadın saxlanılıb
16:49
26.03.2020
2279
Ölkə
A
Koronavirusla bağlı yalan məlumat yayan qadın saxlanılıb.

"Ölkə.Az" DİN-in Mətbuat Xidmətinin Gəncə regional qrupuna istinadən xəbər verir ki, “What’sapp” sosial şəbəkə istifadəçisi olan bir qadın həmin şəbəkə vasitəsi ilə “Koronavirus” pandemiyası ilə əlaqədar guya Şəmkir rayonu ərazisində vəziyyətin ağır olduğunu, Gürcüstan Respublikasının Marneuli rayonundan Azərbaycan Respublikasına gəlmiş bir ailənin yeddi üzvünün virusa yoluxması və həmin şəxslərin digər vətəndaşlara da virus yoluxdurması barədə heç bir dövlət qurumlarının rəsmi məlumatlarına istinad etmədən, reallığı əks etdirməyən və cəmiyyətdə çaşqınlıq yarada biləcək uydurma məlumatlar yayıb.

Sözügedən səs yazısı ilə əlaqədar Şəmkir Rayon Polis Şöbəsində araşdırmalar başlanılıb. Həyata keçirilən müvafiq tədbirlərlə həmin qadının Gəncə şəhər sakini, 1979-cu il təvəllüdlü Elmira Məmməd qızı Məmmədova olması müəyyən edilib və o, aidiyyəti üzrə Rayon Polis Şöbəsinə dəvət olunub.

Aparılmış araşdırmalarla E.Məmmədovanın hərəkətlərində İnzibati Xətalar Məcəlləsinin 388.1-ci (İnternet informasiya ehtiyatında və ya informasiya-telekommunikasiya şəbəkəsində yayılması qadağan edilən informasiyanın yerləşdirilməsi) maddəsində nəzərdə tutulmuş xətanın əlamətləri müəyyən edildiyindən, əməlinə hüquqi qiymət verilməsi üçün barəsində toplanmış materiallar rayon məhkəməsinə göndərilib və məhkəmə tərəfindən həmin qadın barəsində inzibati həbs qətiimkan tədbiri seçilib.

Ölkə.Az

ŞƏRH YAZ
0

“Koronavirusun fəsadları 2008-2009 böhranından da ağır olacaq”

“Koronavirusun fəsadları 2008-2009 böhranından da ağır olacaq”
01:02
Bu gün
1209
Ölkə
A
“Əlbəttə, koronavirus ölkə iqtisadiyyatına da böyük zərbədir. Bizim iqtisadiyyatımız yanvar-fevral aylarında çox yüksək templərlə inkişaf edib. Təkcə onu demək kifayətdir ki, qeyri-neft sektorunda iqtisadi artım 6,7 faizdir. Bu, dünya miqyasında ən yüksək göstəricilərdən biridir”.

"Ölkə.Az" xəbər verir ki, bu sözləri Prezident İlham Əliyev “Yeni klinika”nın açılışındakı çıxışında koronavirusun dünya iqtisadiyyatına vurduğu zərbədən danışarkən deyib:

“Qeyri-neft sektorunda sənaye istehsalı isə 21,7 faiz artıb. Mən düşünürəm ki, bu, rekord göstəricidir. İnflyasiya 2,8 faizdir, əhalinin gəlirləri 9 faiz artıb. Yəni, bu artım inflyasiyanı böyük dərəcədə üstələyir. Orta əməkhaqqı əhəmiyyətli dərəcədə artıb. Azərbaycana gələn turistlərin sayı yanvar-fevral aylarında 18 faiz artıb. Onu da nəzərə almalıyıq ki, son 5 il ərzində turistlərin sayı ardıcıllıqla artıbdır. Yəni, bütün bunlara indi elə bil ki, ara verilir. Əlbəttə ki, indiki şəraitdə bütün ölkələr böyük iqtisadi çətinliklərlə üzləşirlər. İnkişaf etmiş ölkələrin dövlət, hökumət başçıları artıq açıq bəyan edirlər ki, bu xəstəlik çox ciddi böhrana gətirib çıxaracaq. Eyni zamanda, aparıcı beynəlxalq maliyyə qurumları da artıq açıq şəkildə bəyan edirlər ki, bu xəstəlik və onun törətdiyi və törədə biləcəyi fəsadlar 2008-2009-cu illərin böhranından daha da ağır olacaqdır. Dünya iqtisadiyyatına böyük zərbə vurulubdur. Üstəgəl neftin qiyməti iki dəfədən çox düşdü və 24 dollar səviyyəsindədir. Bu, əlbəttə ki, bizim üçün böyük itkilərə gətirib çıxaracaq. Ancaq bizim əvvəlcədən qəbul edilmiş qərarlar əsasında gördüyümüz işlər hesab edirəm imkan verəcək ki, biz bu sınaqdan da şərəflə çıxa bilək”.

Ölkə.Az

 

ŞƏRH YAZ
0

Rektor distant ali təhsil üçün 3 addımı — AÇIQLADI

Rektor distant ali təhsil üçün 3 addımı
00:20
Bu gün
1547
Ölkə
A
UNEC-in rektoru, professor Ədalət Muradov distant ali təhsillə bağlı rəsmi Facebook səhifəsində status paylaşıb.

"Ölkə.Az" xəbər verir ki, rektor statusunda distant ali təhsil üzrə beynəlxalq təcrübə nəzərə alınmaqla, bu istiqamətdə qaydaların və vahid tələblərin hazırlanmasının vacib məqamlarına toxunub.

“DİSTANT ALİ TƏHSİL: 3 ADDIM

1. DİSTANT TƏHSİL ÜZRƏ QAYDALAR. Sirr deyil ki, distant ali təhsilə münasibət birmənalı olmayıb. Onun üstünlüklərini önə çəkənlərlə distant təhsilin zərərli olduğunu sübut etməyə çalışanlar arasında ciddi, hətta demək olar ki, barışmaz müzakirə və mübarizə aparılırdı. Koronavirus 21-ci əsr təhsilinin özəlliklərini qabartmaqla həm də distant təhsili zərurətə çevirdi. İndi distant ali təhsil alternativ təhsil forması kimi gündəliyi zəbt etmiş və distant təhsilə deyil, distant təhsil tətbiq edə bilməyən təhsil müəssisələrinə, yumşaq desək, münasibət müsbət deyil. Ona görə də, distant ali təhsilin postkoronavirus mərhələsi indidən müzakirə edilsə və beynəlxalq təcrübə nəzərə alınmaqla vacib və zəruri olan qaydalar hazırlansa yaxşı olar. Həmin qaydalar distant təhsilə tələbələrin qəbulundan məzun olmasına qədər bütün məsələləri özündə ehtiva etməlidir.

2. DİSTANT TƏHSİLƏ VAHİD TƏLƏBLƏR. Distant ali təhsilin necə olması haqqında müzakirələrə və vahid yanaşmaya ehtiyac duyulur. Bu da təbiidir. Belə ki, postkoronavirus dövründə ali təhsilin keyfiyyətilə bağlı bu və ya digər problemin məhz təhsilin distant forması ilə "izah ediləcəyi" istisna olunmur. Şübhəsiz ki, ilk növbədə təcrübə azlığı səbəbindən distant ali təhsilin tətbiqilə əlaqədar problemlər və qüsurlar qaçılmazdır. Bu zaman diqqətin distant təhsilin uğursuzluğuna deyil, həmin problemlərin həllinə və qüsurların aradan qaldırılmasına yönəldilməsi daha uyğun görünür. Ona görə də, düşünürük ki, distant ali təhsillə bağlı vahid tələblərin hazırlanması vaxtı yetişmişdir.

3. OFF-LİNE + ON-LİNE. Postkoronavirus dövründə çox ehtimal ki, yenidən dərslərin ənənəvi formaya qaytarılması baş verəcək. Hesab edirik ki, distant ali təhsilin müəyyən müddət ərzində tətbiqindən sonra geriyə qayıtmaq yox, irəliyə addımlar atıla bilər. Bu baxımdan ali təhsilin təşkili zamanı ənənəvi və distant (off-line və on-line) təhsilin sintezi məsələsinin geniş təhlili məqsədəuyğundur. Düşünürük ki, postkoronavirus dövründə dərslərin təşkilinin yeni forması kimi, qarışıq və ya off-line+on-line müsbət addımlardan ola bilər”.

Ölkə.Az

ŞƏRH YAZ
0
BAĞLA