KORONAVİRUSA YOLUXANLARIN SAYI - CANLI STATİSTİKA

Azərbaycanda qanunsuz əməlləri aşkar edilən bank əməkdaşları cəzalandırıldı — AÇIQLAMA

Azərbaycanda qanunsuz əməlləri aşkar edilən bank əməkdaşları cəzalandırıldı
15:52
06.05.2020
3576
İqtisadiyyat
A
“Yelo Bank” ASC əməkdaşlarının cinayət məsuliyyətinə cəlb olunması ilə əlaqədar açıqlama yayıb.

Bankın yaydığı açıqlamaya əsasən, 2020-ci il martın 17-də “Yelo Bank”ın (keçmiş “Nikoil Bank”) müvafiq strukturları tərəfindən filial müdirinin və əməkdaşının qanunsuz əməlləri aşkarlanıb.

“Martın 19-da isə bu barədə Maliyyə Monitorinqi Xidmətinə məlumat verilib. Daxili araşdırma aparıldıqdan sonra həmin əməkdaşlar müvafiq maddə ilə işdən çıxarılıb və əlavə məlumatlar Maliyyə Monitorinqi Xidmətinə göndərilib”, - açıqlamada deyilir.

“Yelo Bank”ın İdarə Heyətinin sədri Nikoloz Şurqaia bildirib: 

“Sevindiricidir ki, tərəfimizdən göndərilən məlumatlar hüquq-mühafizə orqanları tərəfindən həmin şəxslərin saxlanılmasına kömək edib və inanırıq ki, onlar qanun çərçivəsində layiqli cəzasını alacaq. Biz həm də əməkdaşlıq çərçivəsində məlumatların hüquq-mühafizə orqanlarına ötürdüyü üçün Maliyyə Monitorinqi Xidmətinə minnətdarıq.

“Yelo Bank” ın dəyərləri şəffaflığa əsaslanır ki, bu da bizim fəaliyyətimizin əsasıdır. Vəzifəsindən asılı olmayaraq, istənilən əməkdaşlarımız tərəfindən yol verilən qanun pozuntusu bağışlana bilməz. Baş verənlərdən banka heç bir maddi zərər dəyməyib. Buna baxmayaraq, təəssüf edirik ki, iki əməkdaş qanunsuz əmələ əl ataraq həm özünü biabır etdi, həm də işlədiyi kollektivə ləkə saldı. Mən təcrübəli və öz işinə sadiq olan daxili nəzarət komandasına təşəkkür edirəm.

Məhz onların sayəsində bu faktlar aşkarlandı və operativ reaksiya verildi. Biz həm də prinsipial mövqe tutaraq qanun pozuntularını araşdıran və onlara qiymət verən, həmin əməkdaşların işdən çıxarılmasına qərar verən hər bir əməkdaşımıza təşəkkür edirik. Mən həm də Maliyyə Monitorinqi Xidmətinin və hüquq-mühafizə orqanlarının əməkdaşlarına göstərdiyi peşəkarlığa görə minnətdaram”.

ŞƏRH YAZ
0

“Qarabağ” dayaq bloku bir ay ərzində dənizdə quraşdırılacaq — AÇIQLAMA

“Qarabağ” dayaq bloku bir ay ərzində dənizdə quraşdırılacaq
12:39
11.08.2020
309
İqtisadiyyat
A
“Qarabağ” dayaq blokunun hündürlüyü 187 metrdir. Xəzər dənizində ən böyük dayaq blokudur”.

Oxu.Az-ın məlumatına görə, bunu “Qarabağ” əməliyyat şirkətinin layihə rəhbəri Ağamalı Qurbanov bildirib.

O qeyd edib ki, dayaq blokunun bir ay müddətində dənizdə quraşdırılması planlaşdırılır:

“Dəniz əməliyyatlarında normal hava şəraiti zamanı 260-280 gün lazımdır ki, blok dənizdə quraşdırılsın”.

O qeyd edib ki, blok vasitəsilə yataqdan 21 milyon tondan çox neftin hasil olunması nəzərdə tutulur. Eyni zamanda, yataqdan 13 milyard kubmetrdən çox qazın hasil olunması planlaşdırılır.

“Platformadan altı neft quyusu, üç suvurma və iki sualtı qaz quyusu qazılacaq”, - deyə layihə rəhbəri əlavə edib.

ŞƏRH YAZ
0

Xəzərin tarixində neft və qaz hasilatı üçün ən böyük sualtı qurğu quraşdırıldı - RƏSMİ

Xəzərin tarixində neft və qaz hasilatı üçün ən böyük sualtı qurğu quraşdırıldı - RƏSMİ
11:23
11.08.2020
334
İqtisadiyyat
A
“Heydər Əliyev adına Bakı Dərin Özüllər Zavodunun operatoru olan “BOS Şelf” şirkəti tərəfindən Xəzərin tarixində neft və qaz hasilatı üçün ən böyük sualtı qurğu olan “Qarabağ” dayaq blokunun inşasını artıq başa çatdırılıb”.

"Ölkə.Az"ın oxu.az-a istinadən məlumatına görə, “BOS Şelf” şirkətinin baş direktor müavini Nazim Hüseynov bildirib.

Onun sözlərinə görə, “Qarabağ” dayaq blokunun inşası başa çatıb və konstruksiyanın STB1 barjasına yüklənilməsinə başlanılıb:

“Daha sonra isə dayaq bloku dənizdəki yatağa daşınacaq”.

Qeyd edək ki, blokun hündürlüyü 187 metr və çəkisi 16,302 ton olan konstruksiya “Qarabağ” dəniz yatağında suyun 182 metr dərinliyində quraşdırılacaq. Dayaq bloku iki il ərzində inşa edilib.

ŞƏRH YAZ
0
BAĞLA