KORONAVİRUSA YOLUXANLARIN SAYI - CANLI STATİSTİKA

Azərbaycanda yeni "Peugeot" modelləri istehsal olunacaq

Azərbaycanda yeni
04:03
31.07.2019
1850
İqtisadiyyat
A
Neftçala sənaye məhəlləsində yeni “Peugeot 207” modelinin istehsalına hazırlıq işləri gedir.

"Ölkə.Az" bildirir ki, bu barədə trend-ə “Azərmaş” şirkətindən bildiriblər.

Mənbənnin məlumatına görə, yeni modelin istehsalı yaxın aylarda başlayacaq:

“Avtomat ötürücülər qutusu ilə təchiz olunacaq “Peugeot 207” avtomobillərinin qiyməti 17 500 manat təşkil edəcək. Paralel olaraq, Neftçala sənaye məhəlləsində istehsal olunan “Khazar SD” minik avtomobillərinin ixracına hazırlıqlar gedir”.

Şirkətdən bildiriblər ki, ixrac Rusiya bazarına planlaşdırılır, hazırda tərəflər detallarla əlaqədar danışıqlar aparır.

O da qeyd olunub ki, bu ilin əvvəlində Neftçala sənaye məhəlləsində yığılmış “Peugeot 407” modelləri daxili bazarda satışa çıxarılıb.

Xatırladaq ki, “Azərmaş” zavodu 2018-ci il martında 29-da açılıb. Zavodun təsisçiləri İranın “Iran Khodro” və Azərbaycanın “AzEuroCar” şirkətləridir.

2018-ci ildə zavodda mindən çox “Khazar” markalı avtomobil istehsal olunub və onlardan 95 faizi satılıb. Bu il 3 min avtomobilin istehsalı planlaşdırılır.

“Khazar LD” modelinin qiyməti 18 min manat, “Khazar SD” modelinin qiyməti isə 16 min manat təşkil edir.

Ölkə.Az

ŞƏRH YAZ
0

Bəzi şəxslər 190 manatlıq ödənişi niyə ala bilməyiblər?

Bəzi şəxslər 190 manatlıq ödənişi niyə ala bilməyiblər?
18:37
04.08.2020
925
İqtisadiyyat
A
“Pandemiya ilə bağlı aprel və may aylarında 600 min vətəndaşa 190 manalıq birdəfəlik ödəmə edilib”.

"Ölkə.Az" Report-a istinadənxəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında Əmək və Əhalinin Sosial Müdafiəsi nazirinin müavini Anar Əliyev deyib.

Onun sözlərinə görə, “Məşğulluq haqqında” qanuna əsasən, birdəfəlik ödəmə işsiz kimi qeydiyyata alınan şəxslərə verilir: “Bundan sonra epidemioloji vəsiyyət nəzərə alınaraq 16 şəhər və rayonda məhdudiyyətlər tətbiq edilmişdi. Həmin yerlərdə də yaşayan və 190 manat alan şəxslərə yenidən 190 manat ödəniş etdik. Biz bu proqramı şəffaf şəkildə icra etdik. Torpaq və pay mülkiyyətçiləri məşğul şəxslər sayılır. Bu mənada həmin şəxslər məşğul şəxslər hesab olunur. Hazırda məşğulluq mərkəzlərində 26 minə yaxın iş yerləri var. 190 manatla bağlı şikayətlər nazirlik tərədindən araşdırılır. Bununla bağlı Əmək və Əhalinin Sosial Müdafiəsi naziri Sahil Babayev göstəriş verib”.

Nazir müavini qeyd edib ki, uzun müddət bank kartlarını götürməyən şəxslərə yenidən ödəniş edilmir: “Çünki biz hesab edirik ki, əgər şəxsin buna ehtiyacı varsa gəlib həmin kartı götürəcək”.

ŞƏRH YAZ
0

DSMF-in gəlir və xərcləri azaldılır

DSMF-in gəlir və xərcləri azaldılır
17:45
03.08.2020
743
İqtisadiyyat
A
Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiəsi Fondunun bu il üzrə gəlirləri və xərcləri üzrə proqnoz azaldılır.

"Ölkə.Az" APA-ya istinadən xəbər verir ki, bu barədə “Sosial təminatı və müdafiəni həyata keçirən müvafiq icra hakimiyyəti orqanının müəyyən etdiyi orqanın (qurumun) 2020-ci il büdcəsi haqqında” Azərbaycan Respublikasının Qanununda dəyişiklik edilməsi barədə qanun layihəsində yer alıb.

Layihəyə əsasən, Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiəsi Fondunun gəlirləri və xərcləri bərabər olmaqla 4 784,7 milyon manat məbləğində proqnozlaşdırılır ki, bu da cari ilin təsdiq edilmiş proqnozu ilə müqayisədə 40,8 milyon manat və ya 0,8% azdır.

Azalma əsasən xərclərin optimallaşdırılması, əmək pensiyalarınn və sosial müavinətlərin hesablanmasında, ödənilməsində nəzarətin və şəffaflığın daha da artırılması hesabına əldə olunub. Qeyd olunmalıdır ki, dürüstləşmə ilə cari ilin əvvəlinə Fondun hesabında formalaşan 197,2 milyon manat sərbəst vəsaitin qalığının Fondun gəlirlərinə daxil edilməsi və xərclər üzrə yaranan 40,8 milyon manat qənaət olunmuş vəsait də nəzərə alınmaqla - cəmi 238,0 milyon manat vəsait hesabına dövlət büdcəsindən Fonda ayrılan trasfertin məbləği 238,0 milyon manat azaldılaraq əvvəldə qeyd olunduğu kimi pandemiya ilə əlaqədar sosial müdafiə və sosial təminat üzrə maliyyə dəstəyinin davam etdirilməsinə yönəldilir.

ŞƏRH YAZ
0
BAĞLA