Azərbaycanın nümayəndə heyətinin üzvü AŞPA-da medianın durumundan danışdı

Azərbaycan nümayəndə heyətininü zvü Sevinc Fətəliyeva bu gün AŞPA-da Media Azadlığına dair müzakirələrdə iştrak edib.

Bu barədə “Ölkə.Az” məlumat verən Sevinc Fətəliyeva bildirib ki,  müzakirə zamanı medianın müasir dövrümüzdə həyatımızda oynadığı roldan bəhs etdim:

“Azad media nədir? Bu gün medianın rolu və əhəmiyyəti çox böyükdür. Azad media  səhvləri tənqid edib, qanun pozuntularının qarşısını alan bir resurs olmaqla yanaşı, müxtəlif fikirlərin, cəmiyyətin inkişafına da töhfə verir. Bəşəriyyət tarix boyu sərbəst müzakirələr olduğu, müxtəlif fikirlərin yoxlandığı və mübahisə edildiyi zaman ən sürətli tərəqqiyə nail olub. Nelson Mandelanın sözlərini yada salaq: "Media, özümüzü başqalarının tanıdığı kimi görə biləcəyimiz bir aynadır: bütün qüsurlarımız, çatışmazlıqlarımız və digərləri ilə ... Bu cür tənqidlər inkişafımıza töhfə verməlidir. Necə ki, hərəkətlərimizdən və hərəkətsizliyimizdən insanlar bizdən gözlədiklərinə uyğun olmayan şeylərə diqqət çəkir.

Müasir jurnalistika sosial şəbəkələr, sosial media ilə sıx bağlıdır. Hər bir vətəndaş informasiya daşıyıcısı olur. Blogerlərin sayının artmasına səbəb olur. Onların fəaliyyəti isə öz növbəsində cəmiyyətin mövgeyinin formalaşmasına təsir edir”- S. Fətəliyeva bildirib.

Onun sözlərinə görə, bunu da unutmamalıyıq ki, hər bir vətəndaş hansı sahədə fəaliyyət göstərməyindən asılı olmayaraq qanun qarşısında eyni məsuliyyəti daşıyır: “Söz azadlığına sığınaraq, vətəndaşlar,  jurnalistlər və ya blogerlər qanuna zidd hərəkət və fəaliyyət göstərə bilməz!”

Bununla belə o əlavə edib ki, medianın cəmiyyətin və dövlətin inkişafında rolu da böyükdür: “Bu gün Azərbaycanda sürətli islahatlar aparılır. Hər bir sahədə şəffaflığın təmin edilməsi isitqamətində ölkə başçısı daima həm media nümayəndələrini, həm də hər bir vətəndaşı ictimai nəzarətin həyata keçirilməsində fəal iştirak etməyə çağırır”.

Mürtəza
Ölkə.Az