KORONAVİRUSA YOLUXANLARIN SAYI - CANLI STATİSTİKA

“Azərreyl” ikinci amerikalını transfer etdi — FOTO

“Azərreyl” ikinci amerikalını transfer etdi
09:15
07.07.2020
2927
İdman
A
“Azərreyl” klubu daha bir amerikalı voleybolçunu heyətinə qatıb.

"Ölkə.Az" xəbər verir ki, Çağırış Kubokunda ölkəmizi təmsil edəcək Azərbaycan çempionu amerikalı Naya Kritendeni transfer edib.

Bu ay 25 yaşını qeyd edəcək Kritenden əvvəl ölkəsində “Oreqon Yuniversiti” (2013-2015) və “İllinoys Yuniversiti”də (2015-2017) oynayıb. Daha sonra onun legioner karyerası bu ardıcıllıqla davam edib: “Giqantes de Karolina” (Puerto-Riko, 2016/17), “Qolden Tulip” (İtaliya, 2016/17), UTE (Macarıstan, 2018/19), “Voleybol Franşe-Montanye” (İsveçrə, 2019/20).

Qeyd edək ki, Naya Kritenden “Azərreyl”in yeni mövsüm üçün 11-ci oyunçusu olub. Komanda ondan öncə sloveniyalı Moytsa Pene, rusiyalı Anastasiya Mertsalova, millimizin üzvləri Tovuz Ələkbərova, Kseniya Pavlenko və Valeriya Kondratyeva ilə müqavilələrin müddətini artırıb, slovakiyalı Romana Hudetsova, amerikalı Kazmier Braun, ispaniyalı Ana Nyusam, yığmamızın oyunçuları Yuliya Kərimova və Anastasiya Bessonova ilə bir illik anlaşma əldə edib. oxu.az

ŞƏRH YAZ
0

Dünyanın ən zəngin futbolçusu klubsuz qaldı

Dünyanın ən zəngin futbolçusu klubsuz qaldı
20:56
15.08.2020
570
İdman
A
Bruneyli futbolçu Faik Bolkiax İngiltərə "Lester"indən ayrılıb.

"Ölkə.Az" "Report"a istinadən xəbər verir ki, müqaviləsi başa çatan 22 yaşlı yarımmüdafiəçi klubsuz qalıb.

2016-cı ildə Premyer Liqa təmsilçisinə keçən gənc oyunçu əsas komandada meydana çıxmayıb. O, gənclər liqasının oyunlarında forma geyinib.

Qeyd edək ki, KİV Bolkiaxı dünyanın ən zəngin futbolçusu hesab edir. O, Bruney sultanı Hassanal Bolkiaxın qardaşı oğludur. Ailənin ümumi sərvəti 20 milyard ABŞ dollarıdır. Bu, sonda məhz sözügedən futbolçuya miras qalacaq.

ŞƏRH YAZ
0

Əfsanəvi basketbolçunun idman ayaqqabıları hərracda bir milyona satıldı

Əfsanəvi basketbolçunun idman ayaqqabıları hərracda bir milyona satıldı
07:04
15.08.2020
329
İdman
A
Amerika Milli Basketbol Assosiasiyasının (NBA) altıqat çempionu, əfsanəvi basketbolçu Maykl Cordanın idman ayaqqabıları hərracda 615 min dollara (Təxminən bir milyon manat - red.) satılıb.

Bu barədə NSN agentliyi məlumat yayıb.

M.Cordan 1985-ci ildə İtaliyada çıxdığı oyunda şüşə lövhəni sındırmış, nəticədə, şüşə qırıntısı onun hərracda satılan ayaqqabısında qalmışdı.

İdman ayaqqabısı M.Cordanın oynadığı klubun ənənəvi qırmızı, qara və ağ rənglərindədir.

ŞƏRH YAZ
0
BAĞLA