Bakı metrosunda həyəcan — Maşinist işıqları söndürdü - FOTO

Bakı metrosunda həyəcan
10:48
17.09.2019
2226
Ölkə
A
Bu gün səhər saatlarında Bakı metrosunda qatarların hərəkətində problemlər yaranıb.

"Ölkə.Az" baku.ws-ə istinadən xəbər verir ki, “Həzi Aslanov” istiqamətindən “Dərnəgül” istiqamətinə hərəkət edən qatarlarda sərnişin sıxılığı müşahidə edilib.

Eyni zamanda qatarlar tuneldə yubanıb. Məsələ ilə əlaqədar olaraq “Bakı Metropoliteni” ilə əlaqə saxladıq.

Qurum rəsmisi Bəxtiyar Məmmədov BAKU.WS-ə bildirdi ki, səhər saatlarında sərnişinlər "Xalqlar Dostluğu" stansiyasında qatarın qapılarını tutub saxlayıblar.

Bununla da,vaqonlardan birinin qapısı sıradan çxııb.

“Qatarın qapısını saxlamağa cəhd göstəriblər. Sıxma əleyhinə avtomatlaşdırılmış sistemi var. Qapı bağlanarkən sıxılıb saxlanıldıqda proqram təminatı sıradan çıxır.

Nəticədə maşinist məcbur olub sistemə müdaxilə edib. Bir qatar gecikəndə qrafikdə problemlər yaranır”, - deyə B.Məmmədov bildirib.
Qeyd edək ki, hadisənin görüntülərini “modern.az” saytı yayımlayıb.

Bildirilir ki, qatarın qapılarında problem yarananda, maşinist işıqları söndürüb. Həmin görüntüləri təqdim edirik.

Ölkə.Az

ŞƏRH YAZ
1

Saxta 100 manat verdi — Polis axtarır

Saxta 100 manat verdi
02:03
Bu gün
210
Ölkə
A
Gəncədə polis yanacaq doldurma məntəqəsində operator vəzifəsində işləyən şəxsə saxta yüz manatlıq əskinas verən şəxsi axtarır.

"Ölkə.Az" baku.ws-ə istinadən bildirir ki, şəhərin Nizami prosspektində yerləşən yanacaq doldurma məntəqəsində operator vəzifəsində çalışan Abbasov Rauf Ramiz oğlu polisə müraciət edərək bildirib ki, 19 oktyabr tarixində gecə saat 01:30-da naməlum avtomobillə gələn şəxs ona yanacaq doldurması üçün yüz manat verib.

Bir müddət sonra verilən pulun saxta olduğu məlum olub.

Hazırda faktla bağlı Kəpəz rayon Polis İdarəsində araşdırma başlanılıb.

Saxta əskinası dövriyyəyə buraxan şəxsin kimliyi araşdırılır.

Ölkə.Az

ŞƏRH YAZ
0

Müharibə veteranına “Hərbi xidmətlərə görə” medalı təqdim olunub — FOTO

Müharibə veteranına “Hərbi xidmətlərə görə” medalı təqdim olunub
22:06
20.10.2019
3495
Ölkə
A
Hərbi hissənin qarşısında qoyulmuş tapşırıqları və xidməti vəzifələrini yerinə yetirərkən fərqləndiyinə görə Azərbaycan Respublikası Prezidentinin Sərəncamına əsasən təltif edilmiş birinci Qarabağ müharibəsinin iştirakçısı, ehtiyatda olan kiçik çavuş Elçin Əjdər oğlu Vəliyevə “Hərbi xidmətlərə görə” medalı təqdim olunub.

"Ölkə.Az" Müdafiə Nazirliyinə idtinadən xəbər verir ki, nazirliyin rəsmiləri, Ağcabədi rayon İcra Hakimiyyəti rəhbərliyi, qeyri-hökumət təşkilatları və hərbi hissənin nümayəndələrinin, eləcə də müharibə veteranları, gənclər, məktəblilərin iştirak etdikləri tədbirdə əvvəlcə xalqımızın ümummilli lideri Heydər Əliyevin və respublikamızın müstəqilliyi, ərazi bütövlüyü uğrunda şəhid olanların xatirəsi yad edilib.

Ağcabədi rayon İcra Hakimiyyətinin başçısı Şahin Məmmədov ölkəmizin müstəqilliyi tarixindən, bu müstəqilliyin əbədi, sarsılmaz və dönməz olmasında ulu öndər Heydər Əliyevin müstəsna xidmətlərindən danışıb, ölkə başçısı cənab İlham Əliyevin rəhbərliyi altında dövlətimizin daha da möhkəmləndirilməsindən, ordu quruculuğunda qazanılmış nailiyyətlərdən bəhs edib.

Qeyd olunub ki, ölkəmizin iqtisadi yüksəlişi, vətəndaşların firavan yaşaması üçün uğurlu dövlət siyasəti aparılır.

“Sözün həqiqi mənasında Azərbaycan müstəqillik yollarında inamla irəliləyir. Azərbaycan Ordusu bu gün dünyanın güclü orduları sırasında yer alıb. Hərbi qulluqçuların sosial müdafiəsi istiqamətində mühüm irəliləyişlər var.

Şəhid ailələrinə, müharibədə sağlamlığını itirən döyüşçülərə, həmçinin müharibə veteranlarına dövlət qayğısı yüksək səviyyədədir. Məhz bugünkü tədbir də ölkə rəhbərliyinin keçmiş döyüşçüyə diqqət və qayğısının bariz nümunəsidir”, – Ş.Məmmədov deyib.

Bütün bunlara görə ölkə rəhbərliyinə şəxsən möhtərəm Prezidentimiz, Ali Baş Komandan cənab İlham Əliyevə dərin minnətdarlığını bildirən rayon icra hakimiyyətinin başçısı bir daha bəyan edib ki, bütün xalqımız kimi ağcabədililər də Qarabağ uğrunda mübarizədə Azərbaycan naminə Ali Baş Komandanın hər bir əmrinə müntəzirdir.

Müdafiə Nazirliyinin nümayəndəsi, Əməkdar incəsənət xadimi, Prezidentin fərdi təqaüdçüsü, polkovnik Abdulla Qurbani Azərbaycan əsgərinin bu gün ölkə rəhbərliyi tərəfindən hər zaman yüksək qiymətləndirilməsindən, həyatını hərbi peşəyə həsr edənlərə xüsusi önəm verildiyindən geniş söhbət açıb.

O, bildirib ki, uzun illər keçməsinə baxmayaraq bir qrup keçmiş döyüşçü prezidentin Sərəncamına əsasən döyüş orden və medalları ilə təltif olunublar.

Onlardan biri də Ağcabədi rayonunun Füzuli kəndindən olan müharibə veteranı kiçik çavuş Elçin Vəliyevdir.

Tədbir iştirakçılarının nəzərinə çatdırılıb ki, ehtiyatda olan kiçik çavuş E.Vəliyev 1992-ci ildə həqiqi hərbi xidmətə çağırılıb.

Yeni yaranmaqda olan Azərbaycan Ordusunun ilk döyüşçülərindəndir. Laçın, Qubadlı, Ağdərə, Tərtər uğrunda döyüşlərdə mahir topçu kimi tanınıb. Düşmənə texnika və canlı qüvvə sarıdan xeyli itki verib.

Ondan yaşca böyük olan qardaşları Mahir və Vüqar da birinci Qarabağ müharibəsinin iştirakçılarıdırlar. Onlar 1996-cı ilə qədər Azərbaycan Odusunun sıralarında cəbhə bölgələrində xidmət ediblər və bu gün də Qarabağ uğrunda döyüşlərə hazır olduqlarını bildiriblər.

Ölkə.Az

ŞƏRH YAZ
0
BAĞLA