KORONAVİRUSA YOLUXANLARIN SAYI - CANLI STATİSTİKA

Bakı-Naxçıvan-Bakı aviareysinin qrafiki dəyişdirildi

Bakı-Naxçıvan-Bakı aviareysinin qrafiki dəyişdirildi
20:11
26.03.2020
2646
Ölkə
A
Koronavirus infeksiyasının (COVID-19) yayılmasının qarşısını almaq məqsədilə "Azərbaycan Hava Yolları" aviaşirkətinin Bakı-Naxçıvan-Bakı marşrutu üzrə müntəzəm reysləri bu gündən etibarən həftədə bir dəfə cümə axşamları həyata keçiriləcək.

"Ölkə.Az" "Azərbaycan Hava Yolları" aviaşirkətinə istinadən xəbər verir ki, beləliklə, növbəti Bakı-Naxçıvan-Bakı istiqaməti üzrə reys 2 aprel tarixində həyata keçiriləcək. Bakıdan uçuş saat 13:10-da, Naxçıvandan uçuş saat 15:30-da baş tutacaq.

Bundan əlavə, insanların bir yerə sıx toplaşmasının qarşısının alınması məqsədilə "AZAL"-ın aviabilet satış ofisləri bağlı olacaq, Bakıdan Naxçıvan istiqaməti üzrə reysə aviabiletləri "AZAL" aviaşirkətinin saytından əldə edə bilərsiniz (www.azal.az).

Bakıdan Naxçıvana yalnız Naxçıvanda yaşayan sərnişinlər, Naxçıvandan Bakıya yalnız Azərbaycan paytaxtının sakinləri uçub gələ bilərlər.

Uçuşlar 2-ci Terminaldan/ 2-ci Terminala yerinə yetiriləcək. Yalnız adlarına aviabilet əldə edən sərnişinlərin aerovoğzal binasına daxil olmasına icazə verilir. Digər şəxslərin müşayiət edən (qarşılayan/ yola salan) şəxslərin aerovoğzal binasına girişi qadağandır.

"AZAL" aviaşirkəti vətəndaşları ehtiyac olmadan evlərindən çıxmamağa və hava yolu ilə səyahət etməməyə çağırır. Aviaşirkət dünyanın əksər ölkələrinin qarşılaşdığı hazırkı fövqəladə vəziyyətdə daha təmkinli olmağı və görülən tədbirlərə anlayışla yanaşmağı xahiş edir.

Ölkə.Az

ŞƏRH YAZ
0

Bakıda keçmiş məhkum arvadını və qayınanasını öldürüb yandırdı — MƏHKƏMƏ

Bakıda keçmiş məhkum arvadını və qayınanasını öldürüb yandırdı
13:52
Bu gün
117
Ölkə
A
Bakının Binəqədi rayonunda həyat yoldaşı və qayınanasını qətlə yetirməkdə təqsirli bilinən Vaqif Hüseynovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Hakim Zeynal Ağayevin sədrliyi ilə keçiriləcək məhkəmə baxış iclası avqustun 7-nə təyin olunub.

Qeyd edək ki, hadisə oktyabrın 16-da Binəqədi rayonu, Aydınbəyov küçəsi 22 ünvanında baş verib.

Belə ki, 1971-ci il təvəllüdlü Vaqif Hüseynov bibisi qızı olan həyat yoldaşı, 40 yaşlı Təranə İsmayılovanı bıçaqlayıb. Daha sonra V.Hüseynov bibisi, 85 yaşlı Luiza İsmayılovanı - qayınanasını bıçaqlayıb.

Hər iki şəxs hadisə yerində ölüb.

Qətli törədən V.Hüseynov hər iki meyitin üzərinə neft tökərək onları yandırıb. Özü isə hadisə yerindən qaçarkən “Azadlıq” prospektində onu sərnişin avtobusu vurub. V.Hüseynov 1 saylı şəhər xəstəxanasına yerləşdirilib.

Ona göstərilən ixtisaslı tibbi yardım nəticəsində həyatını xilas etmək mümkün olub. 

V.Hüseynova qarşı Cinayət Məcəlləsinin 120.2.4-cü (xüsusi amansızlıqla adam öldürmə) və 120.2.7-ci (iki və ya daha çox şəxsi öldürmə) maddələri ilə ittiham elan olunub.

Ölkə.Az

 

ŞƏRH YAZ
0

İcra hakimiyyəti şəhid mayorun ailəsinə ev tikdirir — FOTO

İcra hakimiyyəti şəhid mayorun ailəsinə ev tikdirir
12:40
Bu gün
1161
Ölkə
A
Tovuzdakı döyüşlər zamanı şəhid olan mayor Namiq Hajan oğlu Əhmədovun ailəsi üçün Qazax rayon icra hakimiyyəti yeni ev tikdirir.

"Ölkə.Az" xəbər verir ki, bu barədə tanınmış jurnalist Elçin Alıoğlu sosial şəbəkədə yazıb.

Jurnalist bildirib ki, tikinti başa çatmaq üzrədir: "Gözəl əməldir, Namiqin ailəsi adından minnətdaram".

Ölkə.Az
 

ŞƏRH YAZ
0
BAĞLA