KORONAVİRUSA YOLUXANLARIN SAYI - CANLI STATİSTİKA

Bakıda baş verən ağır qəzanın görüntüləri — VİDEO

Bakıda baş verən ağır qəzanın görüntüləri
07:07
10.07.2020
25195
Ölkə
A
Dünən Bakıda baş verən ağır yol-nəqliyyat hadisəsinin görüntüləri yayılıb.

"Ölkə.Az" oxu.az-a istinadən xəbər verir ki, hadisə zamanı BMW və “Renault” markalı avtomobillər toqquşub.

Qəza nəticəsində BMW-nin sürücüsü, 1992-ci il təvəllüdlü Quliyev Yaqub Səfər oğlu xəsarət alıb.

İlkin ehtimallara görə, qəza “Renault” markalı avtomobilin əks yola çıxması səbəbindən baş verib.

Həmin görüntüləri təqdim edirik:

ŞƏRH YAZ
0

Hayko Lanqner: “Dağlıq Qarabağa Livan ermənilərinin yerləşdirilməsi beynəlxalq hüququn pozulmasıdır”

Hayko Lanqner: “Dağlıq Qarabağa Livan ermənilərinin yerləşdirilməsi beynəlxalq hüququn pozulmasıdır”
15:12
Bu gün
83
Ölkə
A

Almaniya hökuməti Ermənistan-Azərbaycan sərhədində iyul ayında baş verən gərginliyə baxmayaraq, güman edir ki, Ermənistan və Azərbaycan arasında “danışıqlar aparmaq arzusu artır” və Dağlıq Qarabağ münaqişəsinin həlli perspektivlərinə ehtiyatlı optimizmlə baxır.

“2018-ci ildən 2020-ci ilin iyul ayına qədər ağır və böyük çaplı silahların istifadəsi getdikcə nadir hala gəlib və yalnız bir neçə atəşkəs pozuntusu qeydə alınıb. Ölənlərin və yaralananların sayı da azalıb”, - “Der Tagesspiegel” nəşrinin ixtiyarında olan məlumata görə, Almaniya Xarici İşlər Nazirliyinin Dövlət Katibi Migel Berger solçu parlament qrupunun sorğusuna cavab olaraq belə yazıb.

M. Bergerin sorğuya cavabında qeyd olunur ki, “iyul döyüşlərinə qədər gözə çarpan hala gələn və dialoqa hazırlığın artması ilə xarakterizə olunan proses davam edib”

“Almaniya inkişafa dəstəyi stimullaşdırıcı addımlarla uyğunlaşdıra bilər”

Ermənistan və Azərbaycan Sovet İttifaqı dağılandan sonra Dağlıq Qarabağ uğrunda mübarizə aparırlar. Beynəlxalq hüquqa görə, bölgə Azərbaycana məxsusdur, lakin ermənilər tərəfindən nəzarət olunur.

2020-ci ilin iyulunda ermənilər və azərbaycanlılar Dağlıq Qarabağdan şimal istiqamətində yerləşən bölgədə bir-birlərinə atəş açıblar.

Federal hökumətin verdiyi məlumata görə, 12-15 iyul 2020-ci il tarixlərində beş erməni və 12 azərbaycanlı əsgər və hər tərəfdən bir mülki şəxs öldürülüb (redaktorun qeydi - Ermənistanın rəsmi məlumatına görə, erməni tərəfində mülki itkilər olmayıb).

Almaniya Ermənistan üçün ən vacib donor ölkələrindən biridir. 1992-ci ildən Almaniya Federativ Respublikası bu inkişafa 750 milyon avrodan çox pul xərcləyib.

Üç milyon əhalisi olan Ermənistan üçün bu, ABŞ-dan sonra adambaşına düşən ən yüksək yardım hesab olunur.

“Sülh prosesinə gəldikdə, federal hökumət öz potensialından çox aşağı səviyyədə davranır”, deyə müəllif və “Solçu” fraksiyasında Cənubi Qafqaz üzrə ekspert olan Hayko Lanqner bildirir.

“Almaniya Ermənistana vəsait ayrılmasını sülh siyasətinə hazırlığı ilə bağlaya bilərdi”, deyə Lanqner qeyd edir.

Livandan olan ermənilər Dağlıq Qarabağda?

Münaqişə tərəfləri 2007-ci ildə razılaşdırılmış əsas Madrid prinsiplərini də həyata keçirməlidirlər: Ermənistan azərbaycanlı məcburi köçkünlərin geri qayıtması üçün Dağlıq Qarabağ ətrafındakı ərazilərdən çəkilməli olacaq. Dağlıq Qarabağ bölgəsi üçün isə aralıq status və referendum planlaşdırılır.

Livandan ermənilərin köçürülməsi ilə bağlı məlumatlar da azərbaycanlılar tərəfindən təxribat kimi qəbul olunur.

Yerli mediada yer alan xəbərlərə görə, Beyrutdakı partlayışdan sonra Ermənistan hökumətinin nümayəndələri orada yaşayan erməniləri işğal altındakı Dağlıq Qarabağa dəvət ediblər.

Hayko Lanqner beynəlxalq hüququn pozulmasından bəhs edir ki, bu da əvvəlki təcrübəyə görə Azərbaycanın kəskin reaksiyasına səbəb olmalıdır.

Mənbə: “Vestnik Kavkaza”

ŞƏRH YAZ
0

Şamaxıda kişi arvadını mağazada bıçaqlayıb

Şamaxıda kişi arvadını mağazada bıçaqlayıb
15:07
Bu gün
76
Ölkə
A
Sentyabrın 16-da Şamaxı rayonu ərazisində rayon sakini Xanım Teymurovaya çoxsaylı bıçaq xəsarətlərinin yetirilməsi barədə rayon prokurorluğuna məlumat daxil olub.

Bu barədə "Ölkə.Az"a Şamaxı Rayon Prokurorluğundan məlumat verilib.

Bildirilib ki, dərhal prokurorluq əməkdaşları tərəfindən hadisə yerinə baxış keçirilmiş və digər zəruri prosessual hərəkətlər yerinə yetirilib.

Aparılan araşdırmalarla zərərçəkmişin əri Elton Hüseynovun ailə-məişət münasibətləri zəminində aralarında yaranmış münaqişə zamanı bıçaqla çoxsaylı xəsarətlər yetirərək Xanım Teymurovanı qəsdən öldürməyə cəhd etməsinə əsaslı şübhələr müəyyən ediib.

Faktla bağlı Şamaxı Rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb.

Elton Hüseynov təqsirləndirilən şəxs qismində cəlb olunub və barəsində rayon məhkəməsinin qərarı ilə həbs qətimkan tədbiri seçilib.

Hazırda cinayət işi üzrə zəruri istintaq tədbirləri davam etdirilir.

Ölkə.Az

ŞƏRH YAZ
0
BAĞLA
X Mostbet