KORONAVİRUSA YOLUXANLARIN SAYI - CANLI STATİSTİKA

Bakıda bina nəzarətçisini "beşbarmaq"la belə vurdular — VİDEO

Bakıda bina nəzarətçisini
16:46
22.05.2020
4930
Hadisə
A
Dünən Nərimanov rayonunda cinayət hadisəsi baş verib.

"Ölkə.Az" yenicag.az-a istinadən xəbər verir ki, “Kosmos” yaşayış massivinin komendant müavini Fəridə (Soyadı dəqiqləşdirilir) bir qrup şəxs tərəfindən xəsarət yetirilib.

Binanın həyətində, azyaşlı uşaq və qadınların gözləri qarşısında əli silahlı bir qrup şəxs bina nəzarətçisini öncə hədələyib, sonra beşbarmaqla xəsarət yetiriblər.

Sakinlərin sözlərinə görə, bu birinci dəfə deyil. Bir neçə dəfə həmin mütəşəkkil qrup binanın həyətində “razborka” ediblər.

Nəzarət kamerasından da görünür ki, xuliqanlar öncə bıçaq, daha sonra başqa alətlə qarşı tərəfə zərbə endiriblər.

Bina sakinləri məsələ ilə bağlı polisə məlumat verildiyini və əsas xəsarət yetirən şəxsin adının da hüquq-mühafizə orqanlarına verdiklərini bildiriblər.

ŞƏRH YAZ
0

Həbsdən yayınmaq üçün özünə od vurdu — VİDEO

Həbsdən yayınmaq üçün özünə od vurdu
01:15
Bu gün
887
Hadisə
A
Türkiyənin Çankırı şəhərində 50 yaşlı kişi onu həbs etməyə gələn polislərin qarşısında özünü yandırıb.

“Demirören Haber Ajansı”nın (DHA) məlumatına görə, Özcan K. adlı şəxs bu yolla həbsdən yayınmaq istəyib.

İnsident vaxtı onun yaxınları da hadisə yerində olub.

Benzini üstünə tökərək, özünü yandıran şəxsi Çankırı şəhər xəstəxanasına çatdırıblar.

Həkimlərin müdaxiləsi nəticəsində onun həyatını xilas etmək mümkün olub. oxu.az

ŞƏRH YAZ
0

Daha bir dəhşətli qəza xəbəri Şirvandan gəldi — Ölən və xəsarət alan var - FOTO

Daha bir dəhşətli qəza xəbəri Şirvandan gəldi
17:59
30.05.2020
1955
Hadisə
A
Şirvanda baş verən qəzada ölən və xəsarət alanın kimliyi məlum olub.

"Ölkə.Az" APA-ya istinadən xəbər verir ki, Hacıqabul rayon sakini, 1999-cu il təvəllüdlü Ağayev Yaşar Bəkir oğlu idarə etdiyi  “VAZ-2106” markalı 24 BC 805 dövlət nömrə nişanlı avtomobili qarşı tərəfin yoluna çıxararaq dönmə əməliyyatı edən şəhərdaxili marşrut üzrə işləyən 10 MZ 256 dövlət nömrə nişanlı mikroavtobusa çırpıb.

Nəticədə minik avtomobilində olan sərnişin Hacıqabul rayon sakini, 1998-ci il təvəllüdlü İsmayılov Fərid Azər oğlu aldığı xəsarətlərdən hadisə yerində ölüb.

Digər sərnişin, Hacıqabul rayon sakini, 1999-cu il təvəllüdlü Həmidov Maşallah Məhərrəm oğlu Şirvan şəhər xəstəxanasına yerləşdirilib.

Sürücü yüngül xəsarət alıb.

Qəza zamanı mikroavtobus “Şəhidlər xiyabanı”nın hasarına çırpılıb.

Hadisə yerinə FHN-nin Şirvan yanğından mühafizə xidmətinin xilasediciləri cəlb edilib. Ölən şəxsin sıxılmış meyiti deformasiyaya uğrayan avtomobildən xüsusi avadanlığın köməyi ilə çıxarılaraq aidiyyəti üzrə təhvil verilib.

Faktla bağlı Şirvan rayon Polis Şöbəsində araşdırma aparılır.

ŞƏRH YAZ
0
BAĞLA