KORONAVİRUSA YOLUXANLARIN SAYI - CANLI STATİSTİKA

Bakıda gənclər ordumuza dəstək yürüşü keçiriblər — FOTOLAR

Bakıda gənclər ordumuza dəstək yürüşü keçiriblər
18:43
06.04.2016
7616
Ölkə
A

Yürüşə saat 14:00 da "Elmlər Akademiyası" stansiyasından himn oxunaraq start verilib.

Daha sonra Şəhidlər Xiyabanına doğru bayraqlarla hərəkət edən aksiya iştirakçıları “Şəhidlər ölməz, vətən bölünməz” , “Qarabağ bizimdir, bizim olacaq” , "Vur keç səngəri, Azərbaycan əsgəri" və başqa şüarlar səsləndiriblər.

Aksiyanı milliyyətçi təşkilatlar təşkil etsədə yürüşə istənilən siyasi görüşə sahib insanlar və müxtəlif universitet tələbələri qoşulub. Təşkilat sədrləri bildiriblər ki, yürüşün heç bir siyasi məqsədi yoxdur. Əsas məqsəd ordumuza dəstək olmaq, Azərbaycan xalqının birliyini nümayiş etdirməkdir.

Şəhidlər Xiyabanın önündə şəhidlərimizin adları çəkildikcə yürüş iştirakçıları "Burda" deyərək cavab veriblər. Əbədi Məşəl kompleksinin önündə Azərbaycan himnini səsləndirdikdən sonra aksiya iştirakçıları yenidən "Elmlər Akademiyası" stansiyası istiqamətinə yol alıblar.

Aksiya icazəsiz olsada polislər aksiyanın qarşısını kəsməyiblər.

"Facebook" sosial şəbəkəsində event yaradaraq hər kəsi aksiyaya dəvət edən gənclər, yürüşün adını "Birlik Günü" qeyd ediblər. Yürüşə yol boyu polislər nəzarət etsədə , polis tərəfindən heç bir maneə olmayıb. Polis rəisi səs gücləndirici ilə müraciətdə yürüşün metroya qədər icazə veriləcəyini bildirib.

Polislər həmçinin qeyd etdilər ki, biz sizinlə fəxr edir, hamınıza təşəkkür edirik. Bu açıqlama Aksiya iştirakçıları tərəfindən alqışla qarşılanıb.

Yürüş iştirakçıları "Elmlər Akademiyası" metrosu önündə himn oxuduqdan sonra aksiya başa çatıb.

Ölkə.az aksiyadan fotoları təqdim edir:

Taleh Rəcəb
Fotoların müəllifi: Nurlan Gülməmmədov

ŞƏRH YAZ
0

Məhərrəm ayında toy etmək olarmı? — Hacı Şahindən açıqlama

Məhərrəm ayında toy etmək olarmı?
16:29
Bu gün
46
Ölkə
A
Bu il Azərbaycanda Məhərrəm ayı avqustun 21-də başlayır.

Ölkədə tətbiq olunan karantin rejimi isə tədricən yumşaldığına görə toylara icazə verilməsi məsələsi gündəmə gəlir.


Azərbaycanda mart ayından kütləvi tədbirlərlə yanaşı toyların da keçirilməsi qadağandır. İnsanlar arasında karantin yumşaldılacağı təqdirdə Məhərrəm ayında toyların keçiriləcəyinə haqda fikirlər səsləndirilir.

Bəs Məhərrəmlik ayında toy etmək olarmı? 

AZXEBER.COM bu sualla Məşədi Dadaş Məscidinin imamı, Qafqaz Müsəlmanları İdarəsinin nümayəndəsi Hacı Şahin Həsənliyə müraciət edib.

O, açıqlamasında bildirib ki, Məhərrəm ayında insanlar İmam Hüseynə hörmət əlaməti olaraq əsrlərlə formalaşmış ənənəyə uyğun olaraq, toy və şadlıq etməkdən çəkinirlər: 

"Məhərrəmlik ayında məscidlərdə belə dini ayinlərin icra olunması gözlənilmir. Məhərrəm ayında toy qadağasının götürülməsi haqda dəqiq məlumat yoxdur. Hər bir halda Məhərrəm ayında insanlar İmam Hüseynə hörmət əlaməti olaraq əsrlərlə formalaşmış ənənə olaraq, toy və şadlıq etməkdən çəkinirlər.

Mən düşünürəm ki, Məhərrəm ayının sonuna qədər kütləvi tədbirlərlə bağlı qadağalar ləğv olunmayacaq. Digər məsələlərlə bağlı yumşalmalar var və düşünürəm daha da çox. Ancaq kütləvi tədbirlər haqda qərar olmadığı üçün insanlar da bunu anlayışla qarşılayırlar. Kütləvi tədbirlər koronavirusa yoluxmaq üçün münbit şəraitdir". 

"Bəs Məhərrəm ayında dini ayinlər necə yerinə yetirməlidir?" sualına isə Hacı Şahin belə cavab verib: 

"Bu haqda Qafqaz Müsəlmanları İdarəsi də öz təkliflərini Operativ Qərargaha verir. Onlarla tətbiq olunan qaydalarla bağlı müəyyən müzakirələr olur. Bu gün Məhərrəmlik məclislərində daha çox kütlənin iştirak etdiyinə görə, həmin protokollara əməl etmək bir qədər çətin olur və bununla bağlı da heç bir icma bu məsuliyyəti boynuna götürə bilmir.
 
Əlbəttə, arzu edirik ki, bu proses çox uzanmasın. Hamımızın istəyi odur ki, vaksin tapılsın və xəstəlik bitsin, biz də normal həyata qayıdaq. Bu hər bir insanın arzusudur. İnsanlar Ramazan, Qurban bayramında da o xütbələri online olaraq izləyib, ayinlərdə o şəkildə işrirak etdilər. Məhərrəm ayında da din xadimləri sosial şəbəkə vasitəsilə insanlara müraciət edəcək və ayinlərlə bağlı bilgilər veriləcək. Ancaq hələ ki, kütləvi tədbirlərin keçirilməsi bir qədər mümkün görünmür. İnsanların da bunu anlayışla qəbul etdiyini düşünürəm".

ŞƏRH YAZ
0

Abşeronda sürücü avtobusu arxaya verərkən iş yoldaşını vurub öldürdü

Abşeronda sürücü avtobusu arxaya verərkən iş yoldaşını vurub öldürdü
16:00
Bu gün
218
Ölkə
A
Abşeron rayonunda ölümlə nəticələnən yol-nəqliyyat hadisəsi baş verib.

"Ölkə.Az" xəbər verir ki, hadisə avqustun 11-də saat 22 radələrində Xırdalan şəhəri ərazisində yerləşən avtobus qarajında qeydə alınıb.

Orada işləyən Şəki şəhər sakini E. Bədəlov idarə etdiyi “Daewoo” markalı avtobusu arxaya verərkən iş yoldaşı, şəhər sakini Təbriz Həsənovu vurub.

Xəsarət alan  T.Həsənov xəstəxanaya aparılarkən yolda ölüb.

Abşeron Rayon Polis İdarəsi tərəfindən araşdırma aparılır.

Ölkə.Az

ŞƏRH YAZ
0
BAĞLA