KORONAVİRUSA YOLUXANLARIN SAYI - CANLI STATİSTİKA

Bakıda həyət evində narkotik tərkibli bitkilər əkib-becərən şəxs tutuldu — FOTO/VİDEO

Bakıda həyət evində narkotik tərkibli bitkilər əkib-becərən şəxs tutuldu
14:58
13.07.2020
3022
Ölkə
A
Sabunçu Rayon Polis İdarəsi və 14-cü Polis Bölməsi əməkdaşlarının “Xaş-Xaş 2020” tədbirlər planına əsasən, həyata keçirdikləri əməliyyat-axtarış tədbiri nəticəsində narkotik vasitələrin kultivasiyası ilə məşğul olmaqda şübhəli bilinən Maştağa qəsəbəsinin sakini Sərxan Kərimov saxlanılıb.

Daxili İşlər Nazirliyindən bildirilib ki, ona məxsus qəsəbə ərazisindəki evin həyətyanı sahəsinə baxış keçirilən zaman kultivasiya yolu ilə yetişdirilən, yaş halda çəkisi 27 kiloqram olan 225 ədəd çətənə kolu, yaşadığı evdən isə 60 qram qurudulmuş marixuana və 20 qrama yaxın marixuana toxumları aşkar olunaraq götürülüb. Sərxan Kərimov ifadəsində narkotik tərkibli bitkiləri bir müddət əvvəl əkdiyini və xüsusi qulluq etdiyini etiraf edib.

Faktla bağlı 14-cü Polis Bölməsində toplanan materiallar Sabunçu Rayon Polis İdarəsinin İstintaq Şöbəsinə göndərilib. İstintaq tədbirləri davam etdirilir.

 

 

 

 

ŞƏRH YAZ
0

Gəncədə idmançı öldürülüb, yoxsa intihar edib? — DƏHŞƏTLİ FOTOLAR - AÇIQLAMA

Gəncədə idmançı öldürülüb, yoxsa intihar edib?
17:59
Bu gün
76
Ölkə
A

Gəncədə ölüm hadisəsi baş verib.

“MediaPost”un məlumatına görə, şəhərin Nizami rayonunda yaşayış binasının damında, tavandan asılmış meyit aşkarlanıb. Onun Gəncə sakini, Kamran Qasımov olduğu müəyyən edilib.

Saytımıza daxil olan məlumatda sözügedən şəxsin idmançı olduğu və qətlə yetirildiyi iddia edilir.

Məsələ ilə bağlı DİN-in Mətbuat Xidmətinin Gəncə şəhərindəki regional qrupunun baş inspektoru, polis baş leytenantı Eşqin Qasımov “MediaPost”a açıqlamasında bildirib ki, iyul ayının 18-də Gəncə şəhər Baş Polis İdarəsinin Nizami Rayon Polis İdarəsinə bir nəfərin xidməti ərazidəki binalardan birinin damında intihar etməsi ilə bağlı məlumat daxil olub:

img

"Şəhər Prokurorluğunun və Baş Polis İdarəsinin əməkdaşları hadisə yerində olub, prokuror-kriminalistin və məhkəmə-tibb ekspertinin iştirakı ilə meyitə baxış keçirilib, digər zəruri hərəkətlər yerinə yetirilib.

İlkin araşdırma zamanı müəyyən edilib ki, Gəncə şəhər sakini Kamran Qasımov  iyulun 16-da yaşadığı binanın damında özünü asaraq intihar edib.

Faktla bağlı Gəncə şəhər Prokurorluğunda Azərbaycan Respublikasının Cinayət Məcəlləsinin 125-ci maddəsi (  Özünü öldürmə həddinə çatdırma - Təqsirkardan maddi, xidməti və ya sair cəhətdən asılı olmuş zərərçəkmiş şəxsi onunla amansız rəftar etmə, onun ləyaqətini mütəmadi olaraq alçaltma, ona hədə-qorxu gəlmə yolu ilə özünü öldürmə və ya özünü öldürməyə cəhd həddinə çatdırma) ilə başlanan cinayət işi üzrə zəruri istintaq hərəkətləri aparılıb". 

“Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izlərinin aşkarlanmamış, mərhumun həyat yoldaşından ayrıldığı üçün dərin psixoloji gərginlik keçirməsi nəticəsində intihar etməsinə dair əsaslı dəlillər toplanmışdır. Hazırda faktla bağlı araşdırmalar davam etdirilir”, - o bildirib.img

ŞƏRH YAZ
0

Kafe-restoranlar, rayonlara gediş-gəlişlə bağlı qərar qəbul edilir — Operativ Qərargah

Kafe-restoranlar, rayonlara gediş-gəlişlə bağlı qərar qəbul edilir
17:29
Bu gün
2098
Ölkə
A
Azərbaycan Respublikası ərazisində koronavirus pandemiyası ilə əlaqədar sərtləşdirilmiş xüsusi karantin rejimi çərçivəsində müəyyən qadağalar hələ də qüvvədədir.

"Ölkə.Az" xəbər verir ki, Nazirlər Kabineti yanında Operativ Qərargahın son brifinqində kafe və restoranların açılacağı barədə məlumat verilib.

Səhiyyə Nazirinin müavini Viktor Qasımov Qazet.az-a açıqlamasında bildirib ki, bu gün Nazirlər Kabineti yanında Operativ Qərargah gündəmdə olan məsələlərlə bağlı brifinq keçirəcək.

"Ölkədə koronavirus pandemiyasının gedişi ilə bağlı ətraflı məlumat brifinqdə veriləcək”, – deyə nazir müavini vurğulayıb.

Qeyd edək ki, kafe və restoranların fəaliyyətini bərpa etməsi və regionlara gediş-gəlişlə bağlı rəsmi açıqlamanın olması da gözlənilir.
 

ŞƏRH YAZ
0
BAĞLA