KORONAVİRUSA YOLUXANLARIN SAYI - CANLI STATİSTİKA

Bakıda polis həyatını riskə atıb iranlını xilas etdi

Bakıda polis həyatını riskə atıb iranlını xilas etdi
18:50
10.10.2019
3995
Ölkə
A
Oktyabrın 9-da paytaxtın Nərimanov rayonunda İran vətəndaşının iştirakı ilə xoşagəlməz hadisə baş verib.

"Ölkə.Az" xəbər verir ki, Nərimanov Rayon Polis İdarəsindən Oxu.Az-a verilən məlumata görə, “102” xidmətinə İran vətəndaşı S.Touloun tərəfindən zəng gəlib.

Kişi həyəcanla oğlu, 1998-ci il təvəllüdlü Seyidrzanın saat 19:20-də intihar etmək məqsədilə evi tərk etdiyini bildirib.

18-ci Polis Bölməsinin əməkdaşları xəbərdarlığa cəld reaksiya verərək, saat 22:00-da Əliəşrəf Əlizadə küçəsində 61 nömrəli, 17 mərtəbəli yaşayış binasının damından cavan oğlanı tapıblar.

Əməliyyatçılardan biri həyatı bahasına intiharın qarşısını alıb. Sahə müvəkkili İran vətəndaşını yüksəklikdən endirərkən özünü çətinliklə saxlayıb.

Polis S.Toulounun problemli gənc olduğunu bildirib. Bundan əvvəl onun adı bıçaqlanma hadisəsində hallanıb. Həmin hadisə ilə bağlı aparılan istintaq zamanı S.Touloun Azərbaycandan çıxmağa cəhd edib.

İstintaq davam edir.

Ölkə.Az

ŞƏRH YAZ
0

DSMF-nin Ağdaş rayon şöbəsinin vəzifəli şəxslərinin cinayət işi məhkəməyə göndərilib

DSMF-nin Ağdaş rayon şöbəsinin vəzifəli şəxslərinin cinayət işi məhkəməyə göndərilib
14:57
Bu gün
86
Ölkə
A
Dövlətin sosial sahədə reallaşdırdığı ardıcıl və uğurlu islahatlar fonunda vətəndaşların hüquqlarını pozan, xidməti səlahiyyətlərindən şəxsi mənafeləri üçün istifadə edən, habelə bu hərəkətləri ilə dövlət orqanlarının fəaliyyətinə kölgə salan vəzifəli şəxslərin aşkar olunaraq məsuliyyətə cəlb olunmaları istiqamətində prokurorluq orqanlarının qətiyyətli tədbirləri davam etdirilir.

Baş Prokurorluğun mətbuat xidmətindən "Ölkə.Az"a verilən məlumata görə, belə tədbirlərdən biri kimi, Baş prokuror yanında Korrupsiyaya qarşı Mübarizə Baş İdarəsinin əməkdaşları tərəfindən həyata keçirilmiş təxirəsalınmaz əməliyyat-axtarış tədbirləri nəticəsində Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Ağdaş rayon şöbəsinin Ünvanlı sosial yardım və sosial müavinətlər sektorunun məsləhətçisi Məharət Əhmədov xidməti vəzifələrinin icrası ilə əlaqədar vətəndaşdan istədiyi rüşvətin bir hissəsini alarkən cinayət başında yaxalanıb.

Aparılmış istintaqla Ünvanlı sosial yardım və sosial müavinətlər sektorunun digər məsləhətçisi Qaraş Şahmuradovun Məharət Əhmədovla qabaqcadan əlbir olub vətəndaşa sosial yardımın alınması istiqamətində kömək ediləcəyini bildirməsinə, nəticədə onun əlbir olduğu Məharət Əhmədovun vətəndaşdan ilk dəfə 400 manat, növbəti dəfə isə 600 manat olmaqla cəmi 1.000 manat məbləğində pul vəsaitini rüşvət qismində təkrarən almasına əsaslı şübhələr müəyyən edilib. 

Bundan başqa, istintaqla Qaraş Şahmuradovun Ağdaş rayon Telekommunikasiya qovşağında mühasib vəzifəsində işləyən Nigar Həsənovanın vasitəsilə vətəndaşdan sosial yardımın təyin olunması müqabilində 400 manat məbləğində pul vəsaitini rüşvət qismində istəyərək almasına da əsaslı şübhələr müəyyən edilib. 

Əldə edilmiş sübutlar əsasında Qaraş Şahmuradov 23 may 2020-ci il tarixdə Cinayət Məcəlləsinin 311.3.1 (qabaqcadan əlbir olan bir qrup şəxs və ya mütəşəkkil dəstə tərəfindən rüşvət alma) və 311.3.2-ci (təkrar rüşvət alma) maddələri ilə, Məharət Əhmədov isə həmin Məcəllənin 311.3.1-ci maddəsi ilə təqsirləndirilən şəxs qismində cəlb edilmiş və hər iki şəxs barəsində məhkəmənin müvafiq qərarları ilə həbs qətimkan tədbiri seçilib.

Həmçinin, Nigar Həsənova Məcəllənin 32.5, 311.1-ci (rüşvət almaya köməkçilik) maddəsi ilə təqsirləndirilən şəxs qismində cəlb edilməklə barəsində başqa yerə getməmək haqqında iltizam qətimkan tədbiri seçilib.

Hazırda cinayət işi üzrə ibtidai istintaq tamamlanaraq baxılması üçün Şəki Ağır Cinayətlər Məhkəməsinə göndərilib.

ŞƏRH YAZ
0

COVID-19 virusuna yoluxma ehtimalı qan qrupundan asılıdır

COVID-19 virusuna yoluxma ehtimalı qan qrupundan asılıdır
14:44
Bu gün
607
Ölkə
A
İspaniyanın Barselona Universiteti ilə Braziliyanın Kampinas Universitetinin tədqiqatçıları koronavirusa yoluxma ehtimalının qan qrupu ilə bağlı olduğu qənaətinə gəliblər.

"Ölkə.Az" Report-a istinadən xəbər verir ki, 126 ölkədə virusun yayılmasını araşdıran alimlər məhz mənfi qan qrupu (Rh-) sahiblərinin əksəriyyət təşkil etdiyi ölkələrdə yoluxma hallarının daha çox olduğunu aşkar ediblər.

Belə ölkələr arasında ABŞ, Avstraliya, Avstriya, Böyük Britaniya, Braziliya, İspaniya, İsveçrə, Yeni Zelandiya sadalanır.

Həmçinin mənfi qan qrupu sahiblərinin koronavirusla yanaşı tez-tez yoluxan immun xəstəliklərinə qarşı daha həssas olmaları faktı da bu fərziyənin xeyrinə dəlalət edir.

ŞƏRH YAZ
0
BAĞLA