KORONAVİRUSA YOLUXANLARIN SAYI - CANLI STATİSTİKA

Bakıda qız oğlanlarla cinsi əlaqə təklif edən rəfiqəsini öldürdü — TƏFƏRRÜAT

Bakıda qız oğlanlarla cinsi əlaqə təklif edən rəfiqəsini öldürdü
19:31
08.11.2019
6370
Hadisə
A
Bakıda rəfiqəsini qətlə yetirməkdə ittiham olunan 1998-ci il təvəllüdlü Samirə Məmmədovanın (ad və soyadlar şərti verilib - red.) cinayət işi üzrə məhkəmə prosesi başa çatıb.

"Ölkə.Az" Teleqraf.com-a istinadən xəbər verir ki, qətl Xəzər rayonu, Buzovna qəsəbəsi, Albalılıq yaşayış massivində olan evdə baş verib.

Vəfa Səlimova kirayə qaldığı evdə rəfiqəsi Samirə Məmmədovaya oğlanlarla münasibət qurub, cinsi əlaqədə olmağı təklif edib. Buna etiraz edən Samirə Məmmədova onunla qalmaq istəmədiyini deyib. Paltarlarının bir qismini toplayıb və anasının yaşadığı evə gedib.

Bundan sonra Samirə Məmmədova ilə Vəfa Səlimovanın münasibətləri pozulub.

Hadisə günü Samirə Məmmədova Vəfa Səlimovaya birlikdə kafeyə getmək barədə razılaşıb.

Vəfanı evdən götürmək üçün Samirə tanışı Samir Bağırovla birlikdə sonuncuya məxsus "Mercedes-Benz Vito" markalı avtomobillə yola çıxıblar, Vəfanın olduğu kirayə ev istiqamətində gəliblər.

Yolda Samirə Məmmədova Vəfa Səlimovanı tanışı Orxan Sultanovun "VAZ 2106" markalı avtomobilində görüb.

Samirə Vəfaya zəng vurub və ondan paltarını dəyişmək üçün kirayə qaldıqları evin açarını istəyib. Lakin Vəfa Səlimova evin açarını verməkdən imtina edib, sonra Samirə Məmmədovanı və ailə üzvlərinin ünvanına söyüş söyüb.

Bu səbəbdən onların arasında münasibət daha da gərginləşib. Samirə Məmmədova tanışının avtomobilindən düşüb və Vəfa Səlimovanın oturduğu avtomobilə yaxınlaşıb.

Samirə əvvəlcədən götürdüyü bıçaqla "VAZ 2106" markalı avtomobilin içərisində Vəfa Səlimovanı vurub. Ürək nahiyəsindən xəsarət alan Vəfa Səlimova hadisə yerində ölüb.

İstintaq orqanı tərəfindən Samirə Məmmədovanın barəsində Cinayət Məcəlləsinin 120.1-ci (qəsdən adam öldürmə) və 228.4-cü (qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə, milli geyim ləvazimatı hesab olunan ərazilərdə və ya ovçuluq peşəsi ilə bağlı olaraq soyuq silahı gəzdirmə) maddələri ilə ittiham elan edilib.

Bakı Ağır Cinayətlər Məhkəməsinin hökmü ilə Samirə Məmmədova 9 il 6 ay müddətinə azadlıqdan məhrum edilib.

Hökmdən narazı qalan Samirə Məmmədova apelyasiya şikayəti verib. O, cəzasının yüngülləşdirilməsini istəyib.

Bakı Apelyasiya Məhkəməsinin qərarı ilə Samirə Məmmədovanın şikayəti təmin olunmayıb.

Bu qərardan narazı qalan Samirə Məmmədova kasasiya şikayəti verib. Onun şikayəti araşdırılması üçün Ali Məhkəməyə göndərilib.

Hakim Əli Seyfəliyevin sədrliyi ilə baş tutan prosesdə kasasiya şikayətinin dəlilləri araşdırılıb, sonda qərar elan edilib. Kasasiya şikayəti təmin olunmayıb.

ŞƏRH YAZ
1

Oğuzda heyvanlar kütləvi zəhərlənib — FOTO

Oğuzda heyvanlar kütləvi zəhərlənib
16:45
Bu gün
241
Hadisə
A
Oğuz rayonu Tərkeş kəndində heyvanların tələf olması ilə bağlı Kənd Təsərrüfatı Nazirliyinin Aqrar Xidmətlər Agentliyinə (AXA) müraciət daxil olub.

Bununla bağlı Nazirlik məlumat yayıb.

Aqrar Xidmətlər Agentliyinin nümayəndələri operativ reaksiya verərək hadisə baş verən təsərrüfatda olub, baytar mütəxəssisləri təsərrüfata baxış keçiriblər.

Ölmüş heyvanların daxili orqanlarından və möhtəviyyatından, ərazidəki ot bitkilərindən nümunələr götürələrək Qida Təhlükəsizliyi İnstitutunun Milli İstinad Laboratoriyasına göndərilib. Heyvanlara ilkin baytarlıq yardımından sonra zəhərlənmənin qarşısı alınıb. Təsərrüfat sahiblərinə heyvanların saxlanılması və bəslənilməsinə dair tövsiyələr verilib. 

Hazırda zəhərlənmiş heyvanların müalicəsi davam etdirilir. Təsərrüfatda vəziyyəti nəzarətdə saxlamaq üçün yerli baytar mütəxəssislər müvafiq tapşırıqlar alıblar.

ŞƏRH YAZ
0

Yevlax Rayon Mərkəzi Xəstəxanası cərimələndi — RƏSMİ - FOTO

Yevlax Rayon Mərkəzi Xəstəxanası cərimələndi
14:39
Bu gün
283
Hadisə
A
Yevlax Şəhər Mərkəzi Xəstəxanasının ətarfında antisanitar vəziyyətlə bağlı məlumat vermişdik. Sözügedən vəziyyətlə bağlı xəstəxana rəhbərliyi cərimələnib.

"Ölkə.Az" xəbər verir ki, bu barədə oxu.az-a Yevlax Rayon Mənzil Kommunal İstehsalat Birliyindən məlumat verilib. Bildirilib ki, xəstəxana uzun müddətdir məişət və xəstəxanada istifadə edilən digər tullantıların daşınması üçün heç bir ödəniş etməyib:

“Belə ki, xəstəxana ilə Yevlax Mənzil Kommunal İstehsalat Birliyi arasında tullantıların daşınması üçün müqavilə imzalanıb. Xəstəxana isə bu müqavilənin tələblərini yerinə yetirməyib. Ödəniş olmadığına görə, tullantıların daşınması həyata keçirilməyib. Bu səbəbdən də tullantılar xəstəxanın tibbi personalı tərəfindən xəstəxana binasının hasarında arxa tərəfə atılıb.

Bu da haqlı olaraq narazılıq yaradıb. Vətəndaşların şikayəti əsasında,əraziyə baxış keçirilib. Pandemiya dövründə belə vəziyyətin yaranmasına şərait yaratdığı üçün Yevlax Şəhər Mərkəzi Xəstəxanasının rəhbərliyi İnzibati Xətalar Məcəlləsinin (İXM) 266.4 maddəsi ilə cərimələnib.

Cərimə tətbiq edildikdən sonra Yevlax Şəhər Mərkəzi Xəstəxanası müqavilə əsasında Yevlax Mənzil Kommunal İstehsalat Birliyinə olan müvafiq maliyyə borcunu dərhal ödəyib. İki qurum arasında yenidən müqavilə imzalanıb. Bundan sonra Yevlax Mənzil Kommunal İstehsalat Birliyinin əməkdaşları tərəfindən ərazi təmizlənib, dezinfeksiya olunub.  Vəziyyətlə bağlı xəstəxana rəhbərliyinə xəbərdarlıq olunub, bənzər vəziyyətin təkrarlanmaması barədə təlimat verilib”.

ŞƏRH YAZ
0
BAĞLA
X Mostbet