KORONAVİRUSA YOLUXANLARIN SAYI - CANLI STATİSTİKA

Bakıda silsilə oğurluqlar edən iki azyaşlı tutuldu

Bakıda silsilə oğurluqlar edən iki azyaşlı tutuldu
03:05
18.02.2020
1543
Ölkə
A
Binəqədi rayonunda yerləşən mənzillərdən birindən oğurluq edilib.

"Ölkə.Az" xəbər verir ki, Daxili İşlər Nazirliyinin (DİN) Mətbuat Xidmətindən verilən məlumata görə, naməlum şəxs evə daxil olaraq dolabdan qızıl-zinət əşyaları və 2 ədəd mobil telefon oğurlayıb. 

Məlumat daxil olan kimi Binəqədi Rayon Polis İdarəsinin (RPİ) 5-ci Polis Bölməsinin (PB) əməkdaşları tərəfindən hadisə yerinə baxış keçirilib. 

Müəyyən edilib ki, oğurluq hadisəsini törədən şəxs 2-ci mərtəbə yerləşən mənzilə pəncərəni qıraraq daxil olub. Bölmə əməkdaşlarının həyata keçirdikləri əməliyyat nəticəsində qeyd edilən hadisəni törətməkdə şübhəli bilinən yetkinlik yaşına çatmayan paytaxt sakinləri Oruc Ağayev və İlkin Salayev tutulublar. Araşdırma zamanı onların Binəqədi rayonundan başqa paytaxtın digər ərazilərində də çoxsaylı oğurluq etdikləri məlum olub. 

Faktla bağlı araşdırma aparılır.

Natiq Allahverdiyev
Ölkə.Az

ŞƏRH YAZ
0

Bakıda ruhi əsəb xəstəsi itkin düşdü

Bakıda ruhi əsəb xəstəsi itkin düşdü
20:15
Bu gün
391
Ölkə
A
Bakıda itkin düşən gənc qız axtarışa verilib.

"Ölkə.Az"ın xəbərinə görə, hadisə aprelin 4-ü saat 15 radələrində paytaxtın Sabunçu rayon ərazisində qeydə alınıb.

Belə ki, 1999-cu il təvəllüdlü, ruhi əsəb xəstəsi olan Gülsəfa Həməzətova evdən çıxaraq naməlum istiqamətə gedib və bir daha geri qayıtmayıb.

Faktla bağlı Sabunçu Rayon Polis İdarəsinin 15-ci Polis Bölməsində araşdırma aparılır.

ŞƏRH YAZ
0

Baş Prokurorluq aztəminatlı ailələrə ərzaq yardımı edib

Baş Prokurorluq aztəminatlı ailələrə ərzaq yardımı edib
20:00
Bu gün
688
Ölkə
A
Ölkəmizdə yeni növ koronavirus infeksiyasının yayılmasının qarşısının alınması, əhalinin sağlamlığının qorunması məqsədilə dövlətimiz tərəfindən sistemli və təxirəsalınmaz tədbirlər həyata keçirilməklə yanaşı, həssas əhali qruplarının, həmçinin aztəminatlı ailələrin sosial müdafiəsi də diqqətdə saxlanılır.

Baş Prokurorluqdan "Ölkə.Az"a bildirilib ki, ayrı-ayrı dövlət və özəl təşkilatlar, vətəndaşlar tərəfindən irəli sürülən nəcib təşəbbüslər çərçivəsində təşkil olunan xeyriyyə aksiyaları bu istiqamətdə işlərə töhfə olmaqla, ölkəmizdə pandemiyaya qarşı mübarizədə vətəndaş-dövlət həmrəyliyinin növbəti əyani təsdiqidir.

Azərbaycan Respublikasının Prezidenti cənab İlham Əliyevin ölkəmizdə pandemiyaya qarşı mübarizə məqsədilə aparılan preventiv və profilaktik tədbirlərin gücləndirilməsinə dair çağırışına dəstək olaraq prokurorluq əməkdaşları da sosial həmrəylik nümayiş etdirirlər. Onlar aztəminatlı ailələrə dövlət qayğısının təzahürü olaraq növbəti addım kimi, həmin ailələrin sosial müdafiəsinin həyata keçirilməsi məqsədilə yardımlar ediblər.
Baş Prokurorluğun əməkdaşları müvafiq şəhər, rayon prokurorluqları və sosial müdafiə qurumlarının nümayəndələri ilə birgə Bakı şəhərinin Nəsimi, Binəqədi, Sabunçu, Suraxanı, Xəzər, Pirallahı və Qaradağ rayonları, eləcə də Gəncə, Sumqayıt, Mingəçevir, Şirvan, Lənkəran şəhərlərində və Abşeron rayonunda yaşayan 1000 aztəminatlı ailəyə evlərində ərzaq məhsullarından ibarət yardımlar təqdim ediblər.

Prokurorluq əməkdaşları eyni zamanda həmin insanların səhhəti ilə maraqlanıb onlarla maarifləndirici söhbətlər aparmaqla yanaşı, koronavirus infeksiyasının ölkəmizdə yayılmasının qarşısının alınması məqsədilə Nazirlər Kabineti yanında Operativ Qərargah tərəfindən elan edilən xüsusi karantin rejiminin qaydaları barədə də məlumat veriblər.
Göstərilən diqqət və qayğıya görə razılıqlarını ifadə edən aztəminatlı ailələrin üzvləri dövlət başçısına minnətdarlıqlarını ifadə ediblər.

ŞƏRH YAZ
0
BAĞLA