Bakıda Ucar sakinini güllələyən 3 nəfər — HAKİM QARŞISINDA

Bakıda Ucar sakinini güllələyən 3 nəfər
10:33
06.12.2019
1501
Ölkə
A
Bakıda silahla qətl törətməkdə təqsirli bilinən İlqar Əliyev, Ülvi Hüseynov və Əli Abdullayevin cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Əli Məmmədovun icraatına verilib.

Qeyd edək ki, bu il iyun ayının 24-də Baş Prokurorluq və Daxili İşlər Nazirliyinin yaydığı birgə məlumatda qeyd olunur ki, Bakının Nizami rayonunun Q.Qarayev prospektində yerləşən binalardan birinin qarşısındakı yaşıllıq sahəsində dülgərlik fəaliyyəti ilə məşğul olan Ucar rayon sakini Samir Hüseynovun odlu silahdan açılmış atəşlə öldürülməsinə xarakterik xəsarətlər olan meyitinin aşkar edilməsi faktına görə Cinayət Məcəlləsinin 120.1 (qəsdən adam öldürmə) və 228.1-ci (qanunsuz olaraq silah əldə etmə, başqasına vermə, satma, saxlama, daşıma və gəzdirmə) maddələri ilə cinayət işi başlanıb.

Həyata keçirilmiş istintaq və əməliyyat-axtarış tədbirləri nəticəsində bu ağır cinayətin qabaqcadan əlbir olan bir qrup şəxs - paytaxt sakini Əli Abdullayev, Biləsuvar rayon sakini İlqar Əliyev və Lənkəran rayon sakini Ülvi Hüseynov tərəfindən törədilməsinə əsaslı şübhələr müəyyən olunduğundan onlar tutularaq istintaqa cəlb ediliblər.

İstintaq hərəkətləri zamanı saxlanılanlar etirafedici ifadələr verib və qətl hadisəsində istifadə etdikləri “Glock” markalı tapançanın gizlədildiyi yeri göstəriblər.

Qeyd olunan silah götürülərək maddi sübut kimi cinayət işinin materiallarına əlavə edilib.

Natiq Allahverdiyev
Ölkə.Az

ŞƏRH YAZ
0

SON DƏQİQƏ: Bakının məşhur restoranı təhlükədədir — VİDEO

SON DƏQİQƏ: Bakının məşhur restoranı təhlükədədir
01:35
Bu gün
125
Ölkə
A
Badamdar qəsəbəsində baş verən sürüşmə davam edir.

"Ölkə.Az" xəbər verir ki, sürüşmə zonasında yerləşən "Reyhan" restoranı üçün ciddi təhlükə yaranıb.

Sürüşmə restoranın divarlarının dibinə kimi gəlib. Restoran rəhərliyi bildirib ki, dövlət orqanları qabaqlayıcı tədbirlər görməlidir.

Daha ətraflı videodan izləyin:

ŞƏRH YAZ
0

Bakıda qanunsuz park edilmiş avtomobillər təxliyyə edilib — FOTO

Bakıda qanunsuz park edilmiş avtomobillər təxliyyə edilib
01:01
Bu gün
270
Ölkə
A
Bakı Nəqliyyat Agentliyi paytaxtın daha iki küçəsində qanunsuz park edilən avtomobilləri təxliyyə edib.

Bu barədə "Ölkə.Az"a qurumun Mətbuat xidmətinin rəhbəri Mais Ağayev məlumat verib.

Onun sözlərinə görə, söhbət Mikayıl Müşfiq və Ələsgər Ələkbərov küçələrinin kəsişməsindəki səkidə qanunsuz parklanmadan gedir.

ŞƏRH YAZ
0
BAĞLA