KORONAVİRUSA YOLUXANLARIN SAYI - CANLI STATİSTİKA

Bakıda Ucar sakinini güllələyən 3 nəfər — HAKİM QARŞISINDA

Bakıda Ucar sakinini güllələyən 3 nəfər
10:33
06.12.2019
1830
Ölkə
A
Bakıda silahla qətl törətməkdə təqsirli bilinən İlqar Əliyev, Ülvi Hüseynov və Əli Abdullayevin cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Əli Məmmədovun icraatına verilib.

Qeyd edək ki, bu il iyun ayının 24-də Baş Prokurorluq və Daxili İşlər Nazirliyinin yaydığı birgə məlumatda qeyd olunur ki, Bakının Nizami rayonunun Q.Qarayev prospektində yerləşən binalardan birinin qarşısındakı yaşıllıq sahəsində dülgərlik fəaliyyəti ilə məşğul olan Ucar rayon sakini Samir Hüseynovun odlu silahdan açılmış atəşlə öldürülməsinə xarakterik xəsarətlər olan meyitinin aşkar edilməsi faktına görə Cinayət Məcəlləsinin 120.1 (qəsdən adam öldürmə) və 228.1-ci (qanunsuz olaraq silah əldə etmə, başqasına vermə, satma, saxlama, daşıma və gəzdirmə) maddələri ilə cinayət işi başlanıb.

Həyata keçirilmiş istintaq və əməliyyat-axtarış tədbirləri nəticəsində bu ağır cinayətin qabaqcadan əlbir olan bir qrup şəxs - paytaxt sakini Əli Abdullayev, Biləsuvar rayon sakini İlqar Əliyev və Lənkəran rayon sakini Ülvi Hüseynov tərəfindən törədilməsinə əsaslı şübhələr müəyyən olunduğundan onlar tutularaq istintaqa cəlb ediliblər.

İstintaq hərəkətləri zamanı saxlanılanlar etirafedici ifadələr verib və qətl hadisəsində istifadə etdikləri “Glock” markalı tapançanın gizlədildiyi yeri göstəriblər.

Qeyd olunan silah götürülərək maddi sübut kimi cinayət işinin materiallarına əlavə edilib.

Natiq Allahverdiyev
Ölkə.Az

ŞƏRH YAZ
0

Günəşlidəki binanın sayı artan mərtəbələrinin taleyi necə olacaq? — VİDEO

Günəşlidəki binanın sayı artan mərtəbələrinin taleyi necə olacaq?
23:53
14.08.2020
157
Ölkə
A
Faktiki yaşayış olan 15 mərtəbəli binanın üzərində əlavə tikilən iki mərtəbə barəsində yəqin ki, xəbəriniz var.

Uzun müddətdir ki, həllini tapmayan bu problem paytaxtın Suraxanı rayonu Yeni Günəşli qəsəbəsi “V” massivi ünvanındadır.

Yaranan vəziyyət elə bina sakinlərini də təşvişə salıb. Onlar deyir ki, bu saatdan sonra əlavə tikilinin sökülməsi binaya və onların mənzillərinə zərər verəcək.

Tikintini həyata keçirən “ARKO MMC” tikinti şirkətindən Baku TV-yə bildirilib ki, əlavə iki mərtəbəni vaxtilə müəyyən dövlət qurumlarının icazəsi ilə tikiblər. İndi sökülməsi isə ziyan-zərərdən başqa bir şey deyil. Ancaq yenidən qərar çıxsa ki, sökülməlidir, buna da etiraz etməyəcəklər.

Şirkətin direktoru ərazidə gedən tikinti işlərinə aydınlıq gətirməyi də unutmayıb.

Suraxanı Rayon İcra Hakimiyyətindən Baku TV-yə binanın lisenziyası olan təşkilatı tərəfindən söküləcəyi və izolyasiya tədbirlərinin görüləcəyi bildirilib. Həmçinin, əlavə tikilən iki mərtəbə tam söküldükdən sonra isə dam örtüyü vurulacaq.

Məsələ ilə bağlı FHN-nin rəsmisi Elxan Əsədov bildirib ki, bina 2008-ci ildən bəri sakinlərin istifadəsinə verilsə də, istismarına dövlət tərəfindən rəsmi icazə verilməyib. Kooperativin rəhbərliyi tərəfindən binanın üzərində daha iki mərtəbənin qanunsuz tikintisi başlayıb.

Bununla əlaqədar olaraq, Fövqəladə Hallar Nazirliyi tərəfindən “Tikinti və şəhərsalma” Məcəlləsinin 95-ci maddəsinə uyğun olaraq, tikinti işlərinin saxlanılması və bir il müddətində qanunsuz tikintinin qanuniləşdirilməsi, müvafiq sənədlərin təqdim edilməsi barədə tapşırıq verilib.

Bu tapşırığın icrası qanunla məcburi olsa da, uzun müddət keçməsinə baxmayaraq, MTK rəhbərliyi tərəfindən bu günədək Fövqəladə Hallar Nazirliyinə və digər icazə verən qurumlara heç bir icazəverici sənəd təqdim olunmayıb. Məhz bu səbəbdən dərhal binanın üzərində qanunsuz tikilən iki mərtəbənin söküntüsünə başlanılmasına qərar verilib.

Söküntünü bu cür tikililərin sökülməsi üçün xüsusi təcrübəsi olan şirkət cəlb olunacaq.  Sonda onu da qeyd edək ki, zərərçəkən sakinlər üçün dəyişən heçnə olmadı.

Sakinlər tikinti zamanı çəkdikləri əzab əziyyətin bir o qədərini də, söküntü prosesində yaşayacaqlar.

ŞƏRH YAZ
0

Azərbaycanda süni tənəffüs cihazında olan xəstə sayı — AÇIQLANDI

Azərbaycanda süni tənəffüs cihazında olan xəstə sayı
22:59
14.08.2020
315
Ölkə
A
Azərbaycanda koronavirusla bağlı 14 avqust 2020-ci il tarixinə olan statistik göstəricilər açıqlanıb.

"Ölkə.Az" bildirir ki, bu barədə Tibbi Ərazi Bölmələrini İdarəetmə Birliyi (TƏBİB) məlumat yayıb.

Son sutkada koronavirusa görə 7 969 test aparılıb. İndiyə kimi həyata keçirilən testlərin sayı 820 002-yə çatıb.
 
Reanimasiyada olan xəstə sayı 197, süni tənəffüs cihazında olan xəstə sayı 37 nəfərdir.
 
Hazırkı dövrədək ölkəmizdə 34 018 nəfərin koronavirus infeksiyasına yoluxması faktı müəyyən edilib. Onlardan 31 490 nəfər müalicə olunaraq sağalıb, 504 nəfər vəfat edib. Aktiv xəstə sayı 2 024 nəfərdir.

ŞƏRH YAZ
0
BAĞLA