Bakıda 24 yaşlı gənc həmyaşıdı olan qonşusunu öldürdü
Bakıda 24 yaşlı qonşusunu öldürməkdə təqsirli bilinən Rəhman İsmayılovun cinayət işi üzrə ibtidai istintaq başa çatıb.
"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.
Cinayət işi hakim İradə Həsənzadənin icraatına verilib.
Qeyd edək ki, hadisə ötən il paytaxtın Nərimanov rayonunda qeydə alınıb.
Rayon ərazisində 24 yaşlı Cəlal Maarifzadə qonşusu və həmyaşıdı Rəhman İsmayılov tərəfindən bıçaqlanıb. C.Maarifzadə xəstəxanaya çatdırılsa da, onun həyatını xilas etmək mümkün olmayıb.
Qanlı cinayəti törətməkdə şübhəli bilinən R.İsmayılov polis əməkdaşları tərəfindən saxlanılıb.
Natiq Allahverdiyev
Ölkə.Az
