KORONAVİRUSA YOLUXANLARIN SAYI - CANLI STATİSTİKA

Bakıda yol ayrıcının keçilməsi qaydalarının pozulması qəzalara səbəb oldu — VİDEO

Bakıda yol ayrıcının keçilməsi qaydalarının pozulması qəzalara səbəb oldu
15:14
11.09.2019
5296
Hadisə
A
Bakıda yol ayrıcının keçilməsi qaydalarının pozulmasına görə baş verən qəzalar kameraya düşüb.

"Ölkə.Az" avtosfer.az-a istinadən xəbər verir ki, ilk qəza Yasamal rayonu Şərifzadə küçəsində baş verib. “VAZ 2107” markalı avtomobil baş yol ilə hərəkət edən zaman əks istiqamətdən gələrək, sola dönmək istəyən “Opel” markalı avtomobil onun qarşısına çıxıb. Nəticədə toqquşma baş verib.

İkinci hadisə Azadlıq prospekti ilə Bakıxanov prospektinin kəsişməsində baş verib. Taksi sürücüsü Bakıxanov prospekti ilə hərəkət edən zaman işıqforun qadağanedici nişanında keçən avtomobil ilə toqquşub. Toqquşma nəticəsində taksinin ön hissəsi əzilib. Digər avtomobil isə zərbənin gücündən aşıb.

Üçüncü hadisə Əhməd Rəcəbli küçəsində baş verib. Kəsişmədə sağa dönən “BMW” markalı avtomobili buraxmayan “Mercedes Viano” markalı avtomobil ona çırpılıb. 

Görüntüləri təqdim edirik:

Ölkə.Az

ŞƏRH YAZ
0

Oğuzda kriminal aləmə yaxın şəxslərlə polis arasında atışma

Oğuzda kriminal aləmə yaxın şəxslərlə polis arasında atışma
12:35
Bu gün
46
Hadisə
A
Oğuz Rayon Polis Şöbəsinin əməkdaşları tərəfindən keçirilən əməliyyat tədbirləri nəticəsində narkotik vasitələrin kultivasiyasında və qanunsuz silah-sursat saxlamaqda şübhəli bilinən şəxslər saxlanılıb.

"Ölkə.Az" xəbər verir ki, bu barədə Daxili İşlər Nazirliyinin Mətbuat Xidmətinin Şəki regional qrupundan APA-ya bildirilib.

Verilən məlumata görə, polis əməkdaşları tərəfindən keçirilmiş əməliyyat-axtarış tədbirləri nəticəsində rayonun Şirvanlı kənd sakinləri - əvvəllər məhkum olunmuş, kriminal aləmə meyilli olan Novruz Umarlı və bibisi oğlu Ayaz Balakişiyev kəndin meşəlik ərazisində əvvəlcədən əkib-becərdikləri narkotik tərkibli çətənə kollarına qulluq edərkən “iş başında” yaxalanıblar.

Ancaq N.Umarlı törətdiyi cinayət əməlindən yayınmaq üçün qanunsuz olaraq üzərində gəzdirdiyi tapançadan polis əməkdaşlarına atəş açıb. Şöbənin Cinayət Axtarış Bölməsi əməkdaşlarının çevikliyi və peşəkarlığı nəticəsində atəş açan Novruz Umarlı zərərsizləşdirilərək saxlanılıb.

Oradan qaçmağa çalışan A.Balakişiyev də qısa müddət ərzində Şirvanlı kəndi ərazisində tutulub. Hadisənin baş verdiyi əraziyə baxış keçirilən zaman oradan N.Umarlıya məxsus “Makarov”markalı tapança, içərilərində 15 patron olan 2 sandıqça, gecəgörmə cihazı, maska, əlcək və qohumların birlikdə əkib-becərdikləri 165 ədəd çətənə kolu aşkar olunaraq maddi sübut kimi götürülüb. Əməliyyat tədbirlərinin davamı olaraq saxlanılan şəxslərin yaşadıqları ünvanlara da baxış keçirilib.

A.Balakişiyevin evinin həyətyanı sahəsindən sellofan torbada 91 qramdan artıq qurudulmamış marixuana, eləcə də lüləsi və qundağı kəsilmiş “TOZ” markalı tüfəng, N.Umarlının kənd ərazisindəki evindən isə 37 qrama yaxın marixuana aşkar edilərək götürülüb.

Faktlarla bağlı Oğuz RPŞ-də cinayət işi başlanılıb, saxlanılan şəxslərin digər cinayət əməllərində iştiraklarının olub-olmamasının müəyyən edilməsi istiqamətində istintaq-əməliyyat tədbirləri davam etdirilir.

ŞƏRH YAZ
0

Bakıda axtarışda olan qadın mənzildən oğurluq etdi

Bakıda axtarışda olan qadın mənzildən oğurluq etdi
10:21
Bu gün
222
Hadisə
A
Bakıda mənzildə oğurluq hadisəsi baş verib.

"Ölkə.Az" report-a istinadən xəbər verir ki, hadisə avqustun 1-i günorta saatlarında paytaxtın Yasamal rayonu Mirəli Seyidov küçəsində yerləşən evlərin birində qeydə alınıb.

Belə ki, naməlum şəxs evə açıq qapıdan keçməklə içərisində 40 manat, 50 avro, 180 manat dəyərində qızıl-zinət əşyaları, saat və sənədlər olan 2 ədəd əl çantasını oğurlayıb.

Faktla bağlı başlanılan cinayət işi üzrə Yasamal Rayon Polis İdarəsinin 28-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində oğurluq əməlində şübhəli bilinən 1992-ci il təvəllüdlü, əvvəllər Cinayət Məcəlləsinin (CM) müxtəlif maddələriylə (177, 234, 231, 185) məhkum olunmuş və CM-nin 177-ci (oğurluq), 180-ci (soyğunçuluq) maddələri ilə axtarışda olan Günay Abdullayeva saxlanılıb.

Faktla bağlı başlanılan cinayət işi üzrə əməliyyat-axtarış, əməliyyat-istintaq tədbirləri davam etdirilir.

ŞƏRH YAZ
0
BAĞLA