Baloğlan Əşrəfov xəstəliyindən danışarkən KÖVRƏLDİ

“Ölkə.Az” xəbər verir ki, ifaçı 13 il əvvəl keçirdiyi xəstəliyindən danışarkən kövrəlib.

“Mən Allahıma gündə 100 dəfə şükr edirəm ki, keçirdiyim əməliyyatdan 13 il keçməsinə baxmayaraq, tam sağlam həyatıma davam edirəm. 13 ildi bu xalqa xidmət edirəm. Bu illərdə mən çox şey qazanmışam. Bilirsiniz, mən Azərbaycana qayıdanda hava limanında minlərlə insan məni qarşılamağa çıxmışdı. Onlar mənim fəxri adıma görə yox, məndən nigaran qaldıqlarına görə məni qarşılamağa gəlmişdilər”,- deyə göz yaşlarını saxlaya bilməyən ifaçı sözünü davam edə bilməyib.

Daha sonra o, xalqın ona olan sevgisindən, hörmətindən söz açıb.

“İnandırım sizə, mən qayıdandan sonra hara gedirdimsə, ayağımın altında qurban kəsirdilər. 60-a yaxın mənim üçün qurban kəsdilər. Mən bu məhəbbət, sevgi qarşısında baş əyirəm. Mən çox xoşbəxt müğənniyəm ki, xalqımın sevgisini, hörmətini qazana bilmişəm. Bu hər sənətçiyə nəsib olmur”,-deyə Baloğlan Əşrəfov bildirib.

Qeyd edək ki, qaraciyər serrozundan əziyyət çəkən tanınmış müğənni, əməkdar artist Baloğlan Əşrəfova 2007-ci ildə Türkiyə respublikasında qaraciyər köçürülüb.

Ölkə.Az