KORONAVİRUSA YOLUXANLARIN SAYI - CANLI STATİSTİKA

Baş nazirdən — YENİ QƏRAR - FOTO

Baş nazirdən
09:54
21.11.2019
3140
Ölkə
A
Fərman Salmanov adına təqaüdün verilməsi qaydaları təsdiq olunub.

"Ölkə.Az"ın oxu.az-a istinadən məlumatına görə, bununla bağlı müvafiq qərarı Baş Nazir Əli Əsədov imzalayıb.

Qərara əsasən, “Fərman Salmanov adına təqaüd”ün verilməsi qaydaları aşağıdakı kimidir:

1. Ümumi müddəalar

1.1. Bu Qayda “Fərman Salmanovun xatirəsinin əbədiləşdirilməsi haqqında” Azərbaycan Respublikası Prezidentinin 2019-cu il 9 iyul tarixli 1318 nömrəli Sərəncamının 2.3-cü bəndinin icrasını təmin etmək məqsədilə hazırlanmışdır və Azərbaycan Dövlət Neft və Sənaye Universitetində (bundan sonra – ADNSU) təhsil alan tələbələrə “Fərman Salmanov adına təqaüd”ün (bundan sonra – təqaüd) verilməsi qaydasını müəyyən edir.

1.2. Təqaüd ADNSU-da təhsil alan, xüsusi istedadı ilə fərqlənən (təhsildə yüksək göstəricilərə malik olan, ADNSU-da keçirilən tələbələrin elmi-texniki konfransının mükafatçısı olan) tələbələrin stimullaşdırılması və onlara maddi yardımın göstərilməsi məqsədilə verilir.

1.3. ADNSU-da bakalavriat səviyyəsində əyani təhsil alan və bu Qaydaya müvafiq olaraq keçirilən müsabiqənin qalibi elan olunmuş Azərbaycan Respublikasının vətəndaşları və Azərbaycan Respublikasında daimi yaşayan əcnəbi və vətəndaşlığı olmayan şəxslər təqaüd almaq hüququna malikdirlər.

2. Təqaüdün məbləği və ödənilməsi mənbəyi

2.1. Təqaüd 2 (iki) nəfər tələbə üçün hər birinə “Doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi haqqında” Azərbaycan Respublikası Prezidentinin 2019-cu il 14 fevral tarixli 961 nömrəli Sərəncamı ilə müəyyən edilmiş adlı təqaüd məbləğində ödənilir.

2.2. Təqaüd bir tədris ili müddətinə təyin edilir.

2.3. Təqaüdün ödənilməsi dövlət büdcəsinin vəsaiti hesabına həyata keçirilir.

2.4. Təqaüdün təyin olunması təqaüdçünün Azərbaycan Respublikasının qanunvericiliyində nəzərdə tutulmuş digər təqaüdləri almaq hüququnu istisna etmir.

3. Tələbələrin müsabiqədə iştirakına dair şərtlər

3.1. ADNSU-da bakalavriat səviyyəsində əyani təhsil alan, xüsusi istedadı ilə fərqlənən (təhsildə yüksək göstəricilərə malik olan, ADNSU-da keçirilən tələbələrin elmi-texniki konfransının mükafatçısı olan) tələbələr təhsillərinin üçüncü ilindən başlayaraq təqaüdün alınması üçün namizəd ola bilərlər.

3.2. Müsabiqədə iştiraka aşağıdakı meyarlara cavab verən tələbələr buraxılırlar:

3.2.1. ali təhsil müəssisəsinə qəbul zamanı 600-dən yuxarı bal toplayan;

3.2.2. son iki tədris ilinin yekunlarına görə ümumi orta müvəffəqiyyət göstəricisi 91-100 olan;

3.2.3. ADNSU-da keçirilən tələbələrin elmi-texniki konfransının mükafatçısı olan.

3.3. Müsabiqədə iştirak üçün ərizəyə tələbənin bu Qaydanın

3.2-ci bəndində göstərilən meyarlara uyğunluğunu təsdiq edən sənədlər əlavə olunmalıdır.

4. Müsabiqənin keçirilməsi

4.1. Müsabiqə ADNSU-nun rektorunun əmri ilə yaradılmış ekspert komissiyası tərəfindən keçirilir.

4.2. Ekspert komissiyasının fəaliyyətinin təmin edilməsi və bu Qaydaya uyğun cari məsələlərin həlli ADNSU-nun fakültə dekanlıqları (bundan sonra – dekanlıq) və tədris işləri üzrə rəhbərliyi tərəfindən həyata keçirilir.

4.3. Müsabiqənin keçirilməsi üzrə dekanlığın funksiyalarına aşağıdakılar daxildir:

4.3.1. tələbələrin müsabiqənin keçirilməsi müddəti və şərtləri barədə məlumatlandırılması;

4.3.2. tələbələr tərəfindən təqdim olunan sənədlərin toplanılması və ilkin ekspertizası;

4.3.3. təqaüdün namizədlərinin sənədlərinin ADNSU-nun tədris işləri üzrə rəhbərliyinə təqdim olunması.

4.4. Bu Qaydanın həyata keçirilməsi üçün ADNSU-nun tədris işləri üzrə rəhbərliyinin funksiyalarına aşağıdakılar daxildir:

4.4.1. ekspert komissiyasının iclası üçün sənədlərin hazırlanması;

4.4.2. ekspert komissiyasının iclasının yekunları barədə qərar layihəsinin hazırlanması;

4.4.3. müsabiqənin nəticələri barədə məlumatların ADNSU-nun rəsmi saytında yerləşdirilməsinin təmin edilməsi.

4.5. Sənədlərin təqdim edilməsi müddəti:

4.5.1. dekanlığa 20 sentyabradək;

4.5.2. ADNSU-nun tədris işləri üzrə rəhbərliyinə 23

sentyabradək;

4.5.3. ekspert komissiyasına 30 sentyabradək.

4.6. Ekspert komissiyası təqaüdə namizədlərin sənədlərinə baxır və müsabiqənin qalibləri barədə qərar qəbul edir.

4.7. Üç və daha artıq sayda namizədin göstəriciləri eyni olduqda, onların təhsil aldıqları ixtisasın tədris planında ixtisas-peşə hazırlığı fənləri blokuna daxil olan fənlər üzrə ümumi orta müvəffəqiyyət göstəriciləri daha yüksək olan namizədlər müsabiqənin qalibləri elan olunurlar.

4.8. Ekspert komissiyasının iclası üzvlərinin yarıdan çoxu iştirak etdikdə səlahiyyətlidir.

4.9. Qaliblərin müəyyən edilməsi barədə ekspert komissiyasının qərarı onun üzvlərinin sadə səs çoxluğu ilə qəbul edilir.

4.10. Qərar qəbul edilərkən səslər bərabər olarsa, ekspert komissiyasının sədrinin səsi həlledici hesab edilir.

4.11. Təqaüdün qaliblərinin müəyyən edilməsi barədə ekspert komissiyasının qərarı protokolla rəsmiləşdirilir və ADNSU-nun rektoru tərəfindən əmrlə təsdiq olunur.

5. Təqaüdün ödənilməsi və ödənişin dayandırılmasının əsasları

5.1. Təqaüd tədris ili ərzində ayda bir dəfə “Nağdsız hesablaşmalar haqqında” Azərbaycan Respublikasının Qanununa uyğun olaraq ödənilir.

5.2. Təqaüdün ödənişi aşağıdakı hallarda dayandırılır:

5.2.1. tələbə təqaüddən imtina etdikdə;

5.2.2. təqaüdün verildiyi müddətdə tələbənin akademik borcu yarandıqda və (və ya) orta müvəffəqiyyət göstəricisi 91-dən aşağı olduqda;

5.2.3. tələbə digər ali təhsil müəssisəsinə köçürüldükdə;

5.2.4. tələbə ixtisasını dəyişdikdə;

5.2.5. tələbə akademik məzuniyyət götürdükdə;

5.2.6. tələbə ADNSU-dan xaric olunduqda;

5.2.7. tələbə tərəfindən ADNSU-nun daxili nizam-intizam qaydaları mütəmadi pozulduqda.

5.3. Ödənişin dayandırılması ADNSU-nun rektorunun əmri ilə rəsmiləşdirilir.

5.4. Bu Qaydanın 5.2-ci bəndinə uyğun olaraq təqaüdün ödənişi dayandırıldıqda, həmin təqaüd ekspert komissiyasının qərarına əsasən bu Qaydanın tələblərinə cavab verən digər tələbəyə verilə bilər. Bu zaman müraciətləri ekspert komissiyasında araşdırılmış, lakin müsabiqəni keçə bilməyən tələbələrə üstünlük verilir.

ŞƏRH YAZ
0

Azərbaycanda bu məhdudiyyət aradan qaldırıldı

Azərbaycanda bu məhdudiyyət aradan qaldırıldı
09:56
Bu gün
952
Ölkə
A
Bu gündən - İyulun 6-dan xüsusi karantin rejiminin uzadılması ilə əlaqədar ictimai nəqliyyatın (avtobusların) fəaliyyətinə qoyulan məhdudiyyət aradan qaldırılıb.
 
"Ölkə.Az" xəbər verir ki, Nazirlər Kabineti yanında Operativ Qərargahın qərarına əsasən, xüsusi karantin rejiminin sərtləşdirildiyi Goranboy, Göygöl və Mingəçevir şəhərləri, Bərdə, Xaçmaz, Samux, Siyəzən və Şəki rayonları daxil olmaqla, Bakı, Cəlilabad, Gəncə, Lənkəran, Masallı, Sumqayıt, Yevlax şəhərlərində və Abşeron rayonunda aşağıdakı tarixlərdə həftəsonları bütün ictimai nəqliyyatın hərəkəti dayandırılmışdı.
 
Qeyd edək ki, Operativ Qərargahın qərarı ilə Goranboy, Göygöl və Mingəçevir şəhərləri, Bərdə, Xaçmaz, Samux, Siyəzən və Şəki rayonları daxil olmaqla, Bakı, Cəlilabad, Gəncə, Lənkəran, Masallı, Sumqayıt, Yevlax şəhərlərində və Abşeron rayonunda xüsusi karantin rejiminin 2020-ci il 5 iyul saat 06:00-dan 20 iyul saat 06:00-dək uzadılması ilə əlaqədar ictimai nəqliyyatın fəaliyyətinə də məhdudiyyət tətbiq edilir.
ŞƏRH YAZ
0

"Dəbdəbəli və israfçı toy məclislərindən yaxa qurtarmaq üçün yaxşı fürsətdir" — Sosioloq

09:00
Bu gün
2092
Ölkə
A
Uzun illərdir ki, toylarımızda, hətta yas mərasimlərində israfçılığın edilməsi ictimaiyyətdə ən çox müzakirə olunan və tənqidə məruz qalan məsələlərdən biridir. Lakin bütün bu tənqid və qınaqlara baxmayaraq, mövzu aktuallığını itirmir, əksinə bu sahədə problemlər artaraq daha qabarıq formada özünü biruzə verməyə davam edir.

"Ölkə.Az" xəbər verir ki, Türkiyənin Üsküdar Universitetinin Sosiologiya kafedrasının müdiri, sosiologiya elmləri doktoru, professor Əbülfəz Süleymanlı Trend-ə bildirib ki, toylarımızın artıq uzun müddətdir ki, həm toy sahibi, həm də dəvət olunan qonaqlar üçün ciddi bir maddi yükə çevrildiyi heç kimə sirr deyil.

Belə ki, əvvəlki illərdə olduğu kimi indi toyda toplanılan pullarla toy sahibi hər hansı ehtiyacını ödəyə bilmir. Bu pul əksər hallarda yalnız restoran və müğənni xərclərinə kifayət edir:

“Həm də həqiqətən aylıq məvaciblə ailəsini dolandıran orta gəlirli Azərbaycan vətəndaşı üçün ayda təxminən 3-4 toy məclisində iştirak etmək və ora “pul yazdırmaq” iqtisadi cəhətdən çox çətindir. Eyni zamanda, toylardakı yeknəsəqlik və hədsiz dərəcədə yüksək səs əlavə psixoloji gərginliyə səbəb olur. Təbii ki, bu sahədən kifayət qədər gəlir əldə edən iş adamları və şou biznes əhli var. Həmin şəxslər vəziyyətin məhz bu cür davam etməsini həm arzulayır, həm də müxtəlif təbliğat üsulları ilə buna nail olmağa çalışırlar. Bu, əslində göstərişin hakim olduğu istehlak cəmiyyətləri üçün spesifik bir haldır. Bu cür cəmiyyətlərdə sosial həyat həqiqət prizmasından uzaqlaşaraq fantaziyaların üstünlük təşkil etdiyi bir sferaya çevrilir”.

Ə.Süleymanlı qeyd edib ki, belə cəmiyyətlərdə fərdlər ehtiyaclarını ödəmək üçün deyil, arzu və xəyallarını təmin etmək məqsədilə istehlak davranışı sərgiləyirlər. Çünki göstərişin təqdim etdiyi simvollar onların arzularını hədəf olaraq seçmək, bu cür həyat tərzini müxtəlif təbliğat vasitələri ilə diqtə etməkdədir.

Sosioluqun sözlərinə görə, indi artıq bütün dünyada koronavirusun meydana gətirdiyi şərtlərlə birlikdə insanlar həm sağlamlıq, həm də maddi baxımdan bir çox istehlak vərdişlərini yenidən nəzərdən keçirirlər. Xüsusilə indiki zamanda dünyada dəbdəbə və israfçılığa səbəb olan istehlak davranışlarından boyun qaçırma halları müşahidə olunur. Buraya həmçinin toy məclisləri, ad günləri kimi müxtəlif növ əyləncə tədbirləri də aiddir:

"Artıq ara məsəfəni qorumaq və yoluxma riskinə görə toylarda qonaqların sayını azaltmaq lazım gələcək. Hesab edirəm ki, bu vəziyyət dəbdəbəli və lüzumsuz israfçı toy məclislərindən yaxa qurtarmaq üçün yaxşı fürsətdir. Ailə içində, təbiət qoynunda hər kəsin deyib-gülüb xoş vaxt keçirəcəyi çox darıxdığımız el şənliklərini yenidən canlandıra bilərik".

Ə.Süleymanlı qeyd edib ki, ailə və nikah institutu mövzusunda son aylarda Azərbaycanda və xaricdə təhsil alan 900 gənc respondent arasında sorğu keçirib. 80 suallıq anket tədqiqatında “Hansı növ mərasimlə ailə həyatı qurmağı arzu edirsiniz” sualına respondentlərin əhəmiyyətli bir hissəsi - 23 faizi “ailə daxilində kiçik bir kampaniya” cavabını verib:

"Buradan belə bir nəticəyə gəlmək olar ki, gənclər də bu cür izdihamlı, menyu və qonaqların say çoxluğu ilə ölçülən toy mərasimlərindən sıxılıblar. Toy azərbaycanlıların sosial həyatının çox vacib komponentlərindən biridir. Əlbəttə ki, hər bir kəs toy gününün yaddaqalan keçməsi, ömür boyu xatirələrdə qalmasını arzu edir. Bunun üçün də, toylarımızı əsl məqsədinə yönəltmək lazımdır və onlar həqiqi mənada hamının zövq alacağı bir şənlik ab-havasında keçirilməlidir. Toyların sadələşdirilməsi üçün öz məclislərimizdən başlamalıyıq. “El-aləm nə deyər” kimi lüzumsuz fikirlərdən qurtulmalı, istehlak cəmiyyətinin təbliğat maşınının təzyiqlərinə tab gətirməyi bacarmalıyıq. Onda həm toylarımız insanlara maddi baxımdan yük olmayacaq, həm də daha bərəkətli və şən keçəcək. Bu işdə KİV-lərin də öhdəsinə böyük məsuliyyət düşür. Belə ki onlar da çox dəbdəbəli toyları təbliğ etmək əvəzinə tanınmış şəxsləri (məmurlar, ictimai xadimlər və s) toylarda lüzumsuz israfa yol verdikləri üçün tənqid etməyə çalışsalar, bu məsələyə töhfə verə bilərlər".

Ölkə.Az

ŞƏRH YAZ
0
BAĞLA