KORONAVİRUSA YOLUXANLARIN SAYI - CANLI STATİSTİKA

Baş Prokurorluqdan sosial şəbəkələrdə yayılan işgəncə şəkilləri ilə bağlı AÇIQLAMA

Baş Prokurorluqdan sosial şəbəkələrdə yayılan işgəncə şəkilləri ilə bağlı AÇIQLAMA
12:20
12.08.2020
551
Ölkə
A
“Bəzi kütləvi informasiya vasitələri və sosial media səhifələrində süni ajiotaj yaratmaq məqsədilə ictimaiyyətdə yanlış fikrin formalaşdırılmasına xidmət edən iyulun 14-dən 15-nə keçən gecə ictimai asayişin pozulmasına səbəb olan hərəkətlərin təşkil olunması, bu cür hərəkətlərdə fəal iştirak edilməsi və xidməti vəzifələrini yerinə yetirən hakimiyyət nümayəndələrinə zor tətbiq etməklə müqavimət göstərilməsi ilə müşayiət olunan hərəkətlərin törədilməsi faktları ilə bağlı Baş Prokurorluğun İstintaq idarəsində istintaq olunan cinayət işi üzrə guya bir neçə şəxsin işgəncə və qeyri-insani rəftara məruz qalması ilə bağlı Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsində çəkildiyi iddia olunan fotolar yayılıb”.

Baş Prokurorluğun Mətbuat xidmətindən verilən məlumata görə, qeyd olunan fotoların ölkə ərazisində çəkilməsi barədə iddialar tamamilə yalan və uydurma xarakter daşımaqla ictimai-siyasi sabitliyi pozmaq məqsədi güdür və cinayətkarlığa qarşı mübarizə sahəsində hüquq mühafizə orqanları tərəfindən həyata keçirilən məqsədyönlü tədbirlərin üzərinə kölgə salmağa xidmət edir.

Azərbaycan Respublikası Baş Prokurorluğu qəti olaraq bildirir ki, fotolarda yer alan şəxslər şahid, şübhəli, o cümlədən, təqsirləndirilən şəxs və ya hər hansı digər statusda istintaqa cəlb olunmamış, həmin şəxslərlə əlaqədar Baş Prokurorluğun İstintaq idarəsində heç bir istintaq hərəkəti aparılmayıb.

Azərbaycan Respublikası Baş Prokurorluğu bəyan edir ki, ölkəmizin informasiya sahəsində milli maraqlarına zidd olmaqla qanunvericilik aktlarının tələblərini qəsdən pozaraq həyata keçirilən məqsədyönlü tədbirlərə inamsızlıq yaratmağa xidmət edən, qərəzli, ictimai rəyi çaşdırmaq məqsədi güdən dezinformasiyaların yayılması yolverilməzdir.

ŞƏRH YAZ
0

Sabah hava necə olacaq?

Sabah hava necə olacaq?
15:21
Bu gün
46
Ölkə
A
Sentyabrın 20-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, lakin gecəyə doğru bəzi yerlərdə qısamüddətli az yağış yağacağı ehtimalı var.

Milli Hidrometeorologiya Xidmətindən "Ölkə.Az"a verilən məlumata görə, sabah mülayim şimal-qərb küləyi gündüz şimal-şərq küləyi ilə əvəz olunacaq.  Havanın temperaturu Abşeron yarımadasında gecə 18-20, gündüz  22-24, Bakıda gecə 18-20, gündüz 22-24 dərəcə isti olacaq. Atmosfer  təzyiqi 761 mm civə sütunundan 764 mm civə sütununa yüksələcək, nisbi rütubət gecə 65-75, gündüz 40-45 faiz  olacaq.  

Sabah Azərbaycanın rayonlarında havanın əsasən, yağmursuz keçəcəyi, lakin bəzi dağlıq və dağətəyi rayonlarda şimşək çaxacağı, arabir yağış yağacağı ehtimalı var. Şərq küləyi əsəcək, arabir güclənəcək. Havanın temperaturu gecə 17-21, gündüz 25-29, dağlarda gecə 10-15, gündüz  17-21 dərəcə  isti olacaq.   

 

ŞƏRH YAZ
0

Hayko Lanqner: “Dağlıq Qarabağa Livan ermənilərinin yerləşdirilməsi beynəlxalq hüququn pozulmasıdır”

Hayko Lanqner: “Dağlıq Qarabağa Livan ermənilərinin yerləşdirilməsi beynəlxalq hüququn pozulmasıdır”
15:12
Bu gün
94
Ölkə
A

Almaniya hökuməti Ermənistan-Azərbaycan sərhədində iyul ayında baş verən gərginliyə baxmayaraq, güman edir ki, Ermənistan və Azərbaycan arasında “danışıqlar aparmaq arzusu artır” və Dağlıq Qarabağ münaqişəsinin həlli perspektivlərinə ehtiyatlı optimizmlə baxır.

“2018-ci ildən 2020-ci ilin iyul ayına qədər ağır və böyük çaplı silahların istifadəsi getdikcə nadir hala gəlib və yalnız bir neçə atəşkəs pozuntusu qeydə alınıb. Ölənlərin və yaralananların sayı da azalıb”, - “Der Tagesspiegel” nəşrinin ixtiyarında olan məlumata görə, Almaniya Xarici İşlər Nazirliyinin Dövlət Katibi Migel Berger solçu parlament qrupunun sorğusuna cavab olaraq belə yazıb.

M. Bergerin sorğuya cavabında qeyd olunur ki, “iyul döyüşlərinə qədər gözə çarpan hala gələn və dialoqa hazırlığın artması ilə xarakterizə olunan proses davam edib”

“Almaniya inkişafa dəstəyi stimullaşdırıcı addımlarla uyğunlaşdıra bilər”

Ermənistan və Azərbaycan Sovet İttifaqı dağılandan sonra Dağlıq Qarabağ uğrunda mübarizə aparırlar. Beynəlxalq hüquqa görə, bölgə Azərbaycana məxsusdur, lakin ermənilər tərəfindən nəzarət olunur.

2020-ci ilin iyulunda ermənilər və azərbaycanlılar Dağlıq Qarabağdan şimal istiqamətində yerləşən bölgədə bir-birlərinə atəş açıblar.

Federal hökumətin verdiyi məlumata görə, 12-15 iyul 2020-ci il tarixlərində beş erməni və 12 azərbaycanlı əsgər və hər tərəfdən bir mülki şəxs öldürülüb (redaktorun qeydi - Ermənistanın rəsmi məlumatına görə, erməni tərəfində mülki itkilər olmayıb).

Almaniya Ermənistan üçün ən vacib donor ölkələrindən biridir. 1992-ci ildən Almaniya Federativ Respublikası bu inkişafa 750 milyon avrodan çox pul xərcləyib.

Üç milyon əhalisi olan Ermənistan üçün bu, ABŞ-dan sonra adambaşına düşən ən yüksək yardım hesab olunur.

“Sülh prosesinə gəldikdə, federal hökumət öz potensialından çox aşağı səviyyədə davranır”, deyə müəllif və “Solçu” fraksiyasında Cənubi Qafqaz üzrə ekspert olan Hayko Lanqner bildirir.

“Almaniya Ermənistana vəsait ayrılmasını sülh siyasətinə hazırlığı ilə bağlaya bilərdi”, deyə Lanqner qeyd edir.

Livandan olan ermənilər Dağlıq Qarabağda?

Münaqişə tərəfləri 2007-ci ildə razılaşdırılmış əsas Madrid prinsiplərini də həyata keçirməlidirlər: Ermənistan azərbaycanlı məcburi köçkünlərin geri qayıtması üçün Dağlıq Qarabağ ətrafındakı ərazilərdən çəkilməli olacaq. Dağlıq Qarabağ bölgəsi üçün isə aralıq status və referendum planlaşdırılır.

Livandan ermənilərin köçürülməsi ilə bağlı məlumatlar da azərbaycanlılar tərəfindən təxribat kimi qəbul olunur.

Yerli mediada yer alan xəbərlərə görə, Beyrutdakı partlayışdan sonra Ermənistan hökumətinin nümayəndələri orada yaşayan erməniləri işğal altındakı Dağlıq Qarabağa dəvət ediblər.

Hayko Lanqner beynəlxalq hüququn pozulmasından bəhs edir ki, bu da əvvəlki təcrübəyə görə Azərbaycanın kəskin reaksiyasına səbəb olmalıdır.

Mənbə: “Vestnik Kavkaza”

ŞƏRH YAZ
0
BAĞLA
X Mostbet