KORONAVİRUSA YOLUXANLARIN SAYI - CANLI STATİSTİKA

Bərdə sakini şikayət etdi, Nazirlik hərəkətə keçdi — FOTO

Bərdə sakini şikayət etdi, Nazirlik hərəkətə keçdi
21:17
09.07.2020
9317
Ölkə
A
Sosial şəbəkə səhifələrindən birində yayılan görüntülərdə Bərdə rayon sakini Xəlilova Kəklik Adil qızının övladına - Xəlilova Aynur Zakir qızına əlillik təyin olunmasından imtina edilməsinə görə narazılıq bildirməsi ilə əlaqədar Əmək və Əhalinin Sosial Müdafiəsi Nazirliyinin (ƏƏSMN) əməkdaşları vətəndaşın ünvanında olub, məsələni yerində araşdırıblar.

"Ölkə.Az" xəbər verir ki, bu barədə məlumatı ƏƏSMN İctimaiyyətlə əlaqələr və kommunikasiya şöbəsinin müdiri Fazil Talıbov verib.

O bildirib ki, hazırda K.Xəlilovanın böyük qızı A.Xəlilova I qrup əlilliyi olan şəxsdir və buna görə ailəyə aylıq 300 manat (əlilliyə görə 150 manat müavinət və Prezidentin aylıq təqaüdü kimi 100 manat təqaüd, habelə həmin şəxsə qulluğa görə 50 manat təqaüd) ödənilir.

“K.Xəlilovanın kiçik qızı A.Xəlilova da 2 noyabr 2017-ci il tarixədək sağlamlıq imkanları məhdud şəxs kimi müavinət və təqaüdlə (ümumilikdə aylıq 200 manat) təmin olunub. A.Xəlilovanın sağlamlıq imkanları məhdudluq müddəti bitdiyi üçün 200 manatlıq sosial ödənişlər dayandırılıb.
2018-ci ilin dekabr ayında A.Xəlilovanın əlilliyinin qiymətləndirilməsi üçün səhiyyə müəssisəsindən elektron sistemə daxil olmuş göndəriş (Forma 88) natamamlıq doldurulduğu (o cümlədən, müayinənin səthi yazılması, onurğanın əyilmə bucağının qeyd edilməməsi, travmotoloq ortoped ağırlaşmanı təsdiq etməməsi) üçün imtina cavabı verilib. Məlumat üçün bir daha qeyd edim ki, Nazirliyin müvafiq ekspertləri xəstənin vəziyyətini əyani deyil, səhiyyə müəssisəsinin göndərişində qeyd edilənlər əsasında qiymətləndirir. Bundan sonrakı il yarım ərzində onunla bağlı e-sistemə göndəriş daxil edilməyib.

K.Xəlilovaya kiçik qızının əlilliyinin qiymətləndirilməsi üçün yenidən müraciət etmək hüququnun olduğu bildirilib. Gələn həftə A.Xəlilovanın əlilliyinin qiymətləndirilməsi üçün səhiyyə müəssiəsindən elektron sistemə göndəriş daxil edilməsi üçün müvafiq kömək göstəriləcək, onun əlilliyinin yenidən qiymətləndirilməsi aparılacaq.

Bununla yanaşı, K.Xəlilovaya ailəsinin ünvanlı dövlət sosial yardımı üçün müraciət edə biləcəyi də bildirilib, bununla bağlı qanunvericilik izah edilib”. oxu.az

ŞƏRH YAZ
0

Azərbaycanda daha 226 nəfər COVID-19-a yoluxub

Azərbaycanda daha 226 nəfər COVID-19-a yoluxub
17:27
Bu gün
170
Ölkə
A
Azərbaycanda koronavirus infeksiyasına yeni 226 yoluxma faktı qeydə alınıb, 588 nəfər müalicə olunaraq sağalıb və evə buraxılıb.

Bu barədə "Ölkə.Az"a Nazirlər Kabineti yanında Operativ Qərargahdan məlumat verilib. COVID-19 üçün götürülən analiz nümunələri müsbət çıxmış 5 nəfər vəfat edib.

İndiyədək ölkədə ümumilikdə 32 910 nəfərin koronavirus infeksiyasına yoluxması faktı müəyyən edilib, onlardan 28 348 nəfər müalicə olunaraq sağalıb, 473 nəfər vəfat edib, aktiv xəstə sayı 4 089-dur. 

Son sutka ərzində yeni yoluxma hallarının müəyyənləşdirilməsi ilə əlaqədar 6409, ötən müddət ərzində isə ümumilikdə 751 246 test aparılıb.

ŞƏRH YAZ
0

Azərbaycanda 10 kq narkotik vasitə dövriyyədən çıxarılıb — FOTO

Azərbaycanda 10 kq narkotik vasitə dövriyyədən çıxarılıb
17:13
Bu gün
144
Ölkə
A
Baş Narkotiklərlə Mübarizə İdarəsinin Cənub Bölgəsində Regional Şöbəsinin əməkdaşları tərəfindən keçirilən əməliyyat nəticəsində narkotik vasitə və psixotrop maddələrin qanunsuz dövriyyəsi ilə məşğul olan şəxs saxlanılıb.

Daxili İşlər Nazirliyindən "Ölkə.Az"a verilən məlumata görə, şöbə əməkdaşlarının daxil olmuş əməliyyat məlumatı əsasında keçirdikləri tədbir zamanı Astara rayon sakini Abdulla Məmmədov tutulub. Onun üzərində şəxs axtarış aparılan zaman 3 qrama yaxın narkotik vasitə tiryək aşkar olunaraq götürülüb.

Abdulla Məmmədovun ətrafında əlavə əməliyyat tədbirləri keçirilən zaman onun Abşeron rayonu  Masazır qəsəbəsində kirayə yaşadığı mənzildə külli miqdarda narkotik vasitə və psixotrop maddə saxladığı da məlum olub. Polislər tərəfindən həmin ünvana baxış zamanı 855 qram heroin, 6 kiloqram 475 qram tiryək, 1 kiloqram 885 qram qurudulmuş marixuana və 904 qram psixotrop maddə metamfetamin aşkar edilərək götürülüb. Bu əməliyyat zamanı ümumilikdə 10 kiloqramdan artıq narkotik vasitə və  psixotrop maddə qanunsuz dövriyyədən çıxarılıb. Abdulla Məmmədov ifadəsində narkotik vasitələri şəxsiyyəti istintaqa məlum olmayan “Əli” adlı İran vətəndaşından aldığını bildirib.

Faktla bağlı Cinayət Məcəlləsinin müvafiq maddələri ilə cinayət işi başlanılıb, Abdulla Məmmədov tutularaq istintaqa təqdim olunub.  Zəruri istintaq və  əməliyyat-axtarış tədbirləri davam etdirilir.

Ölkə.Az

ŞƏRH YAZ
0
BAĞLA