KORONAVİRUSA YOLUXANLARIN SAYI - CANLI STATİSTİKA

"Bəziləri saxta sənədlərlə xarici ölkələrdə yerləşib, düşmənlərimizin əlində alətə çevrilirlər" — Deputat

16:05
23.08.2019
3126
Siyasət
A
“Azərbaycan ərazicə kiçik və gənc ölkə olmasına baxamayaraq, dünyada hərtərəfli iqtisadi inkişaf tempini, eyni zamanda ictimai-siyasi sabitliyini, dövlətin və onun lideri cənab İlham Əliyevin beynəlxalq aləmdə böyük nüfuz qazanmasını, regional, qitələrəarası əməkdaşlıqda müstəsna rolunu təbii ki, bəzi qüvvələr, o cümlədən ölkələr həzm edə bilmir. Azərbaycanın nəinki enerji, iqtisadi sahədə, o cümlədən tranzit yükdaşıma, şərqlə qərb, şimalla cənub arasında mərkəzi qovşaq rolunu oynayıb, bu proseslərdə aktiv rol oynaması həmin qüvvələri ciddi narahat edir. Ona görə də Azərbaycanı və ona rəhbərlik edən şəxslərin imicinə xələl gətirmək, nüfuzuna zərbə vurmaq üçün ən çirkin, iyrənc metodlara əl atıb, qarayaxma kampaniyasını həyata keçirirlər”.

Bunu  “Ölkə.Az”a açıqlamasında millət vəkili Rauf Əliyev deyib.

Onun sözlərinə görə,  ona görə də bu ölkələr və  prosesləri geriyə sürükləyib, ölkədəki mövcud sabitliyi pozmaq, xaos yaratmaq üçün daxildəki bəzi qüvvələrdən, o cümlədən  saxta adlarla Avropada sığınaraq özlərini “siyasi mühacir” hesab edən  “şəxslər”in xidmətindən faydalanmağa çalışırlar. “Hansı ki, bu insanlar  pul xatirinə hər şeyi satmağa hazırdırlar. Onlar üçün vətən, millət, xalq, dövlət  deyilən müqəddəs anlayış yoxdur. Onların müqəddəs hesab etdiyi puldur. Pula görə onlar bu gün xaricdə və ya daxildə ermənilərin də xidmətindən faydalanırlar. Onlardan pul alıb Azərbaycana qarşı qərəz, böhtan dolu kampaniya aparırlar. Azərbaycanın Prezidenti, Birinci Vitse-prezident haqqında  insanlığa, mənəvi dəyərlərə sığmayan  məlumatlar yayırlar. Bununla da onlar Azərbaycanın beynəlxalq aləmdəki nüfuzuna zərbə vurmağa çalışırlar”- R.Əliyev bildirib.
O deyib ki, bu işdə Azərbaycan daxilində olan bəzi qüvvələr də dəstək verir. “AXCP, “Müsavat” və digər bəzi partiyalar  mühacir alveri ilə məşğul olurlar. Onlara saxta sənədlər verməklə, Avropa ölkələrində “siyasi mühacir” adını almasına və anti-Azərbaycan qüvvələrin xidmətinə göndərirlər.  Hüquq-mühafizə orqanları belə faktları ifşa edib və etməkdədir”- o qeyd edib.

Deputat əlavə edib ki,  Azərbaycan demokratik və hüquqi dövlət olduğundan, burada hər bir şəxsin hüquqları konstitusiya və qanunlarla qorunur: “Ölkədə  bütün hüquq və azadlıqlar təmin olunub. İstənilən şəxs mövqeyindən asılı olmayaraq, hakimiyyətin yürütdüyü siyasətlə bağlı mövqeyini sərgiləyir və bu məsələdə hər hansı məhdudiyyət yoxdur. İnsanlar  siyasi baxışlarına və mövqelərinə görə təqib olunmur. Ancaq bəziləri hansısa saxta sənədlər vasitəsi ilə ölkədən gedərək xarici ölkələrdə yerləşib, öz həyatlarını qurmaq üçün Azərbaycanın düşmənlərinin, onu sevməyən qüvvələrin əlində alətə çevrilirlər. Bu isə yolverilməzdir. Hesab edirəm ki, bunun ən layiqli cavabı xalqın Prezident və Birinci Vitse-prezident ətrafında sıx birləşib, ölkə liderinin Azərbaycanın işıqlı gələcəyi ilə bağlı hədəflərinə çatmasına dəstək verməkdir. Necə ki, xalq bu yolu seçib. Əminəm ki, xalq mövcud sabitliyin pozulmasına imkan verməyəcək. Çünki xalq bu sabitliyin necə əldə olunduğunu yaxşı bilir. Xalq 90-cı illərin əvvəlindəki o xaosu görüb və ondan dərs çıxarıb və bir daha ölkənin geriyə, xaosa yuvarlanmasına imkan verməyəcək”.

Mürtəza
Ölkə.Az

ŞƏRH YAZ
0

Hikmət Hacıyevin EFE informasiya agentliyinə müsahibəsi bir sıra ölkələrin qəzet və xəbər saytlarında dərc edilib — FOTO

Hikmət Hacıyevin EFE informasiya agentliyinə müsahibəsi bir sıra ölkələrin qəzet və xəbər saytlarında dərc edilib
00:04
Bu gün
351
Siyasət
A
Azərbaycan Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyevin İspaniyanın EFE informasiya agentliyinə müsahibəsi İspaniyanın “Lavanguardia” qəzeti ilə yanaşı, ABŞ-ın “Holanews”, Dominikan Respublikasının “Diariolibre” qəzetlərinin elektron platformalarında, Argentinanın “Infobae” xəbər saytında, Yahoo! News- Yahoo! tərəfindən yaradılan xəbər aqreqatorunda dərc edilib.

"Ölkə.Az" AZƏRTAC-a istinadən xəbər verir ki, “Azərbaycanın səbri tükənməz deyil” sərlövhəsi ilə dərc olunan müsahibədə ispandilli oxuculara Ermənistan-Azərbaycan Dağlıq Qarabağ münaqişəsi, Ermənistan silahlı qüvvələrinin Azərbaycanla sərhəddə törətdiyi son hərbi təxribat və onun nəticələri barədə məlumat verilir.

Hikmət Hacıyev müsahibədə rəsmi Bakının Ermənistan-Azərbaycan münaqişənin danışıqlar yolu ilə həllinin tərəfdarı olduğunu bildirir. Qeyd olunur ki, Azərbaycan Respublikasının ermənilər tərəfindən işğal edilmiş Dağlıq Qarabağ bölgəsi və ona bitişik yeddi rayon BMT Təhlükəsizlik Şurasının qətnamələrində müəyyən edildiyi kimi qeyd-şərtsiz işğaldan azad edilməlidir.

Hikmət Hacıyev vurğulayıb: “Əks halda Azərbaycan BMT Nizamnaməsinin 51-ci maddəsinə uyğun olaraq öz ərazi bütövlüyünü qorumaq və sərhədlərinin toxunulmazlığını təmin etmək hüququnu saxlayır”.

O xəbərdarlıq edib ki, erməni silahlı qüvvələrinin Azərbaycanın işğal edilmiş ərazilərində qeyri-qanuni hərbi iştirakı qabaqcadan söylənilə bilməyəcək potensial nəticələr riskinin mənbəyidir və Ermənistanın işğalçılıq siyasətini davam etdirməsi onun orta əsirlərə dair fikirlərə bağlılığını sübut edir.

Hikmət Hacıyev həmin müsahibəsində deyir: “Ermənistan münaqişənin həllində maraqlı deyil, o, indiki status-kvonu möhkəmlətməyə və onun müddətini uzatmağa çalışır.

Otuz ilə yaxındır ki, biz danışıqlar prosesində iştirak edirik. “Strateji təmkin” adlandırıla biləcək bu fakt ölkəmizin məsələyə konstruktiv münasibətinin parlaq nümunəsidir. Lakin biz nəticə əldə edilməsinə yönəlmiş məzmunlu danışıqların tərəfdarıyıq”.

H.Hacıyev xəbərdarlıq edib ki, Bakı danışıqlar xatirinə danışığa getməyəcək, danışıqlar əbədi davam edə bilməz, çünki “indiki status-kvo yolverilməzdir və dəyişməlidir”.

“Azərbaycanın səbri tükənməz deyil”, - deyən H.Hacıyev vurğulayıb ki, işğal hərbi cinayətlərlə və insanlığa qarşı cinayətlərlə, etnik təmizləmələrlə müşayiət olunub. Münaqişə nəticəsində 1 milyondan çox azərbaycanlı qaçqın və məcburi köçkün vəziyyətinə düşüb. Prezidentin köməkçisinin sözlərinə görə, Ermənistan başa düşməlidir ki, XXI əsrdə beynəlxalq münasibətlər cəngəlliklər qanunu ilə nizamlana bilməz.

İyulun 12-dən başlayaraq Azərbaycan-Ermənistan sərhədinin Tovuz rayonu istiqamətində atəşkəs rejiminin vaxtaşırı pozulmasına, azərbaycanlı hərbi qulluqçuların və bir nəfər dinc sakinin həlak olmasına gəldikdə isə, H.Hacıyev bu hadisələri qəsdən törədilmiş təxribat, Azərbaycanın suverenliyinə və ərazi bütövlüyünə qarşı təcavüz adlandırıb. Onun fikrincə, Yerevan bu hərəkətləri etməklə bir neçə məqsəd güdür. Onun bir məqsədi qlobal neft-qaz və nəqliyyat layihələrinin Azərbaycanın şimal-qərbində Tovuz rayonunda yerləşən strateji infrastrukturuna ziyan vurmaqdır.

H.Hacıyev bildirib ki, Ermənistan rəhbərliyinin daha bir məqsədi Ermənistanda ictimai rəyi daxili problemlərdən, amanabənd sosial-iqtisadi vəziyyətdən, müxalifətçilərin təqib edilməsindən və COVID-19 pandemiyasından yayındırmaq idi.

Hikmət Hacıyev sonda diqqətə çatdırıb ki, Ermənistan Kollektiv Təhlükəsizlik Müqaviləsi Təşkilatını bu münaqişəyə cəlb etməyə çalışıb. Azərbaycan Prezidentinin köməkçisi vurğulayıb: “Azərbaycan Ordusu bütün hücumları dəf etdi və Yerevan öz məqsədlərinin heç birinə nail olmadı”.

ŞƏRH YAZ
0

Lukaşenko: “Mənim Kolyam heç vaxt prezident olmayacaq”

Lukaşenko: “Mənim Kolyam heç vaxt prezident olmayacaq”
23:35
06.08.2020
572
Siyasət
A
Belarus prezidenti Aleksandr Lukaşenko bildirib ki, 15 yaşlı oğlu Nikolayı özünə varis hazırlamır.

"Ölkə.Az"ın məlumatına görə, bu barədə o, “Dmitri Qordonun qonaqlığında” verilişində deyib.

"Yox, mənim Kolyam, yəqin ki, heç vaxt prezident olmayacaq. Mən istəmirəm (...ki, Nikolay prezident olsun - red)", - Lukaşenko “Dmitri Qordonun qonaqlığında” “YouTube” kanalında müsahibəsində bildirib.

O qeyd edib ki, seçkiqabağı kampaniyası ərzində oğlu Nikolay başqa uşaq olub, böyüyüb. Bu halda dövlət başçısı vurğulayıb ki, oğlu kimya, biologiyanı və ingilis dilini yaxşı bilir.

Belarusda prezident seçkiləri avqustun 9-a təyin edilib, ən yüksək dövlət postuna Lukaşenko da daxil olmaqla, beş nəfər iddialıdır. Lukaşenko altıncı dəfədir ki, prezidentliyə namizəddir.report

ŞƏRH YAZ
0
BAĞLA