KORONAVİRUSA YOLUXANLARIN SAYI - CANLI STATİSTİKA

“Biabırçılıqdır, bu sahənin də zayını çıxardılar” — Azərbaycanın ən yaraşıqlı kişisi od püskürdü

“Biabırçılıqdır, bu sahənin də zayını çıxardılar”
23:11
21.05.2020
6719
Maqazin
A
“Karantin içi mən qarışıq, bir çox insanları çökdürdü. Bütün işlərim dayandı. Onsuz da maddi baxımdan vəziyyətim yaxşı deyildi, karantin lap çətinləşdirdi”.

"Ölkə.Az" bildirir ki, bu sözləri oxu.az-ın əməkdaşı ilə söhbətində 2006-ci ildə “Best model of Azerbaijan” və 2007-ci ildə Türkiyənin İstanbul şəhərində keçirilən “Best model of the World” gözəllik və model müsabiqələrinin qalibi Rüstəm Cəbrayılov deyib.

Rüstəm karantinin onun həm işlərinə, həm də maddi vəziyyətinə mənfi təsir göstərdiyini bildirib:

“İki aydan çoxdur ki, bütün çəkilişlərim təxirə salınıb. Karantindən öncə bir az pulum var idi, onları da xərclədim. Başqa yerdən də qazancım yoxdur ki, hardansa pul gəlsin. Maddi vəziyyətim heç yaxşı deyil. Gərək karantin tam bitsin, hər yer açılsın ki, işlərimi görə bilim”.

Məşhur model xərclərini minimuma endirdiyi üçün taksidən deyil, ictimai nəqliyyatdan istifadə etdiyini söyləyib:

“Restoranlara getmirəm, harasa gedəndə taksidən deyil, ictimai nəqliyyatdan istifadə edirəm. Ətrafımda hamı bilir ki, hər yerə avtobus, metro ilə gedirəm. Bunda bir qəbahət görmürəm. İnsanlar məni görəndə tanıyıb xoş qarşılayırlar. Hətta kənardan çəkib, “Instagram”da şəklimi paylaşırlar. Heç kim mənə söz ata və ya nəsə deyə bilməz. İki metr boyum var (gülür)”.

“İşimi ucuz satan deyiləm”, - deyən Azərbaycanın ən yaraşıqlı kişisi “Instagram” səhifəsinə gələn reklam təkliflərindən narazı olduğunu dilə gətirib:

“Instagram”ıma reklam təklifi edən şəxslər “dörd yaylıqla ağlayır”. Reklam təklif edənlər nədənsə məndən öz məqsədləri üçün pulsuz istifadə etmək istəyirlər. Elə bil bunlara borcum var.  Müəyyən məbləğ qarşılığında “Instagram” hesabımda reklam yerləşdirirəm. O məbləği də aşağı sala bilmərəm. Reklam təklifləri həddən artıq çoxdur, lakin ortada bir şey yoxdur. Ancaq öz mənfəətlərini güdürlər. Deyirlər ki, karantindir, iş yoxdur, güzəştə gedin.

Seriallarda çəkilmək üçün çox təklif alıram. Onlar da bir ağızdan söyləyirlər ki, gəl, pulsuz çəkil.

“Instagram” səhifəmin aktivliyi kifayət qədər yüksəkdir. Ölkəmizdə fəaliyyət göstərən böyük şirkətlər onların reklamında çəkilmək üçün ən xoşuma gəlməyən addımı atırlar. Yazırlar ki, bizə “Instagram” səhifənin statistikasını yolla. Mənə reklama çəkilmək üçün özümə görə deyil, “Instagram” səhifəmə görə müraciət edirlər. Bunlara aktyor, yaraşıqlı sima, işinin peşəkarı deyil, yalnız “Instagram” hesabında “izləyici”, “bəyənmə” sayların, eləcə də rəylərin çox olması lazımdır. Onları keyfiyyət yox, kəmiyyət maraqlandırır. Biabırçılıqdır! Bu sahənin də zayını çıxarıblar.

Gör, bunlar necə savadsız adamlardır, düşünmürlər ki, 100 manat verib, elə səhifələrini “Instagram”da reklama qoyub, statistikanı on qat artıra bilərlər. Belə şəxslərlə işləyəndə hər zaman problem yaranır. Ona görə, belə şəxslərdən gələn təklifləri uzaqlaşdırıram. Bu sahədə mənim 16 ildən çox iş təcrübəm var. Buna görə, belə yararsız işlər görmək istəmirəm”.

Yaraşığı və xarizması ilə qızların ağlını başdan alan R.Cəbrayılov “Meşəbəyi” layihəsinin uğurlu olmadığını söyləyib, verilişin başqa kanalda yenidən yayımlanacağının anonsunu etdi:

“Telekanalların birində yayımlanan “Meşəbəyi” layihəm uğurlu olmadı. Azərbaycanda kanallar təqdim edilən layihələri özlərinə uyğun etmək istəyirlər. Deyirlər ki, layihəyə bir az şou, şitlik qatın. Orasını-burasını kəsib, dəyişin.

Bu layihəni hazırlayanda məqsədim Azərbaycanın gözəl və nadir təbiətini insanlara nümayiş etmək idi. Bununla yanaşı, göstərmək istəyirdim ki, həmin yerlərə gedib, piknik qurub, gözəl istirahət etmək olar. Bunun üçün isə çox pul xərcləməyə ehtiyac yoxdur.

Kanal layihəmə müxtəlif dəyişikliklər etməyə başladı. Aləm qarışdı bir-birinə. Konkret mənim xasiyyətimə aid olmayan vəziyyət yarandı. Ona görə də, bir-iki verilişdən sonra kanalı dəyişəcəyəm. Sponsorların 99 faizi mənə “Layihə hansı kanalda yayımlanacaq?” kimi suallar verirlər. “Meşəbəyi” kifayət qədər xərci olan layihədir. Çünki layihənin üzərində böyük komanda çalışır. Bu, mənim büdcəmə uyğun olmadığından, hələ ki, çəkilişlər getmir”.

ŞƏRH YAZ
0

Toyu olmadan uşağı olan azərbaycanlı müğənnini görənlər ŞOKDA — VİDEO

Toyu olmadan uşağı olan azərbaycanlı müğənnini görənlər ŞOKDA
18:40
Bu gün
1412
Maqazin
A
Bir neçə müddət öncə ana olan müğənni Aygün Rəhimovadan xəbər var.

Big.az-ın xəbərinə görə ifaçı instaqram hesabında maraqlı video paylaşıb. Proqramla özünü tanınmaz hala salan müğənninin görüntüləri gülüşə səbəb olub.

Qeyd edək ki, sənətçinin oğlu dünyaya gəlib. İfaçı övladına Camal adını verib. Onu da bildirək ki, Aygün ötən il sevgilisi ilə fotolarını İnstaqramda paylaşmışdı. Onun ailə qurması barədə isə heç bir məlumat yayılmayıb.

Həmin videonu təqdim edirik:

ŞƏRH YAZ
0

Konor Makqreqor övladlarının anası ilə EVLƏNDİ

Konor Makqreqor övladlarının anası ilə EVLƏNDİ
18:00
Bu gün
458
Maqazin
A
İki ay əvvəl kariyerasına son verən döyüşçü Konor Makqreqor ailə qurub.

‘’Ölkə.Az’’ xəbər verir ki, İrlandiyanın MMA döyüşçüsü sevgilisi Di Devlin ilə evlənib. Cütlüyün toyu 9 avqustda, Devlinin doğum günündə baş tutub. 12 illik münasibətlərini rəsmiləşdirən cütlüyün bir qız və bir oğul övladı var.

Apparently, this is the unique name Conor McGregor and Dee Devlin gave  their second child | Her.ie

Ölkə.Az

ŞƏRH YAZ
0
BAĞLA