KORONAVİRUSA YOLUXANLARIN SAYI - CANLI STATİSTİKA

"Sərt karantin rejiminin davam etməsində maraqlı şəxslər və qüvvələr var" — Deputatdan ŞOK AÇIQLAMA

13:25
05.08.2020
10863
Siyasət
A

“Büdcəyə edilən dəyişikliklər yaxşıdır. İndi bütün Azərbaycanın gözü bizdədir ki, bu dəyişikliklər onların həyatında nələri dəyişəcək. Hesablama etmişəm ki, ölkədə 190 manatı almağa ehtiyacı olan düz 3 milyondan çox əhali var. Yanlış sərt karantin rejimi ölkəni məhv edir. 100 nəfər işçisi olan müəssisədə 20 nəfər işləyir. Guya hesablama aparılır ki, iş adamları heç kimi ixtisar etməyib. İş adamları özləri müflis olub. Büdcə dəyişikliyi sahibkarları da nəzərə alıb deməklə iş bitmir. Bir azdan iş adamları da 190 manat istəyəcək, qoy bu sərt karantin rejimini əsaslandıranlar xalqın ehtiyacını ödəsin. TƏBİB, o cümlədən OQ-ın bəzi nümayəndələri bizi xoxanla qorxudur. O boyda Amerika sərt karantin etmir, Almaniya, Fransa açılıb, Finlandiya adi həyatını yaşayır. TƏBİB isə deyir ki, hələ daha pis olacaq, acından ölməyənlər də payızda öləcək. Bu nə təfəkkür, bu nə ritorikadır? Camaatı, üzr istəyirəm axmaq yerinə qoyublar?”

"Ölkə.Az" xəbər verir ki, bunu deputat Razi Nurullayev deyib. R.Nurullayev bildirib ki, Operativ Qərargah və TƏBİB-i dinləyəndə Kventin Tarantinonun qorxu filmlərinə şükür edirəm. Bəsdirin millətin əsəblərini korladınız, hər kəsi psixoz etmisiniz. Ayıbdır, Vallah: “Büdcə dəyişikliyi birbaşa hər bir vətəndaşın sosial həyatında görünməlidir və o hiss etməlidir ki, nəsə aldı, nəsə yedi, nəsə içdi. Yoxsa, hər nazirlik, hər komitə, hər idarə göz yaşı töküb bir layihə verir ki, pul ver. Ver aparım dağıdım, aparım yeyim, aparım xarici ölkəyə çıxarım, aparıb bir gündə tələm-tələsik yaratdığım firmaya verim, tez silim. Millət necə tarac olur-olsun nə işim var. Büdcə xərcləmələrinə nəzarət ciddi olmalıdır. O ciddiyyəti görmürəm. Kim deyirsə oğurluq, talançılıq dayanıb, özünü aldatmasın. Xeyli yüksək vəzifəli məmur çəkib özünü qoyub Himalay dağının başına. Amma, bilin ki, oradan aşağı yuvarlananların aqibəti çox pis olur. Söz verirəm ki, sabaha kimi müqavimətim qırılmasa, təzyiqlərə, edilən telefon zənglərinə tab gətirə bilsəm, bir-iki faktı da araşdırıb onların hamısının adını bir-bir bu tribunadan açıqlayacam. Hələ telefonu qaldırmamaq nə deməkdir? Siz özünüzü nə zənn edirsiniz? Sizlər ən çirkin yollarla oğurlanan milyon və milyardlara sahib ola bilərsiniz, amma bu bizi qorxutmaz. Qorxduğum Allahdır, dövlətin, müstəqillik və ölkə suverenliyinin qorunması üçün ölkənin birinci şəxsinin qarşısında özümü məsuliyyətli sayıram, bir də mənə söz deməyə imkan verən hörmətli xanım sədrə təşəkkür edirəm”.

R.Nurullayevqeyd edib ki, büdcə oğurlamaları, şişirtmələri, ayrılan vəsaitləri yalançı tender və qohum-əqrəbanın adına açılan birgünlük şirkətlərlə silmə, qohumlarını, ən yaxın dost-tanışını vəzifəyə təyin etdirmə ölkəyə və suverenliyimizə xəyanətdir: “Suverenliyin rəmzi dövlət başçısı olduğuna görə həm də birbaşa ona yönələn sabotajdır. Görün Milli Şura təmsilçiləri nə deyir. Onlar öz dilləri ilə deyir ki, xalq pis günə qalsın, daha pis yaşasın, virus daha çox adam öldürsün, çoxluq yardım almasın və hökumətdən narazı qalıb küçəyə çıxsın, Bakı küçələri qana boyansın və onlar hakimiyyətə gəlsinlər. Hökumətin içində olan beşinci kolon, vəzifəsindən sui-istifadə edənlər, büdcəni oğurlayanlar və bizim pullarımızla özlərinə və övladlarına biznes imperiyası yaradanlar da Milli Şurada oturanların tərəfdaşlarıdır. Ay başına dönüm, 120-140 manata virus testi olar? Bilirsiniz ki, həkimlərə vəd edilən artım ödənməyib? Bilirsiniz ki, nə qədər insan xeylisi doğru olan şaiyyə ucbatından xəstəxanalara müraciət etmir? Birmənalı deyirəm ki, sərt karantin rejiminin davam etməsində maraqlı şəxslər və qüvvələr var. Qəşəngcə varlanırlar, qəşəngcə pul silirlər. Biz də burada büdcə təsdiq edək ki, onlar daha da varlansınlar. Büdcəyə, dövlət qurumlarının fəaliyyətinə nəzarət lazımdır və bu təklifi yenə deyirəm ki, deputatlar, mətbuat və vətəndaş cəmiyyəti təmsilçilərindən ibarət nəzarət qrupu yaradılmalıdır”.

ŞƏRH YAZ
0

Deputat: “Azərbaycan dünyada tolerantlılıq və multikulturalizm modelinə malik nümunəvi bir ölkədir”

Deputat: “Azərbaycan dünyada  tolerantlılıq və multikulturalizm modelinə malik nümunəvi bir ölkədir”
13:27
Bu gün
57
Siyasət
A
Azərbaycanda qədim dövrlərdən müxtəlif dinlərin və mədəniyyətlərin nümayəndələri qarşılıqlı anlaşma şəraitdə yaşadığı bir ölkə olduğundan unikal bir model formalaşıb.

Bunu “Ölkə.Az”a açıqlamasında millət vəkili Ceyhun Məmmədov deyib.

Onun sözlərinə görə, bu gün dünyanın  çox az yerində ayrı-ayrı dinlərin nümayəndələrinin Azərbaycanda olduğu kimi  qarşılıqlı anlaşma  şəraitində yaşadığına  rast gəlmək olar. “Artıq Azərbaycan bu  sahədə öz modelini yaradıb. Bu Azərbaycanda tarixən fromalaşan ənənədir”- millət vəkili qeyd edib.

 Millət vəkili əlavə edib ki, bu gün həm Bakıda, həm bölgələrdə məscidlərlə yanaşı, kilsələr, sinaqoqlar fəaliyyət göstərir. “Azərbaycanda  bu siyasətin formalaşmasında Heydər Əliyevin böyük rolu olub. Müstəqillikdən sonra bu sahəyə diqqət və qayğı artırılıb. Məscidlərlrə yanaşı, yeni kilsələr, sinaqoqlar inşa olunub.  Qonşua ölkələrdən fərqli olaraq konstutusiyada digər dinlərə də eyni qaydada  hörmət edilməsi əksini tapıb.    Ölkə əhalisinin mütləq əksəriyyətini müsəlmanlar təşkil etsə də, bütün dinlərin nümayənədlərinə eyni  münasibət bəslənilir. Bu gün Azərbyacan bu siyasət Prezident İlham Əliyev tərəfindən   uğurla davam etdirilir. Bunun nəticəsidir ki, Bakının mərkəzində   pravoslav, katolik kilsələri,   sinaqoq və krişnaid məbədi fəaliyyət göstərir”- deputat qeyd edib.

 Millət vəkili əlavə edib ki, yürüdülən siyasətin  nəticəsi olaraq Azərbaycan dünyada tolerantlıq və multikulturalizm  mərkəzi hesab olunur: “Azərbaycanın bu sahədə əldə etdiyi uğur beynəlxalq aləm tərəfindən də yüksək qiymətləndirilir. Bununla bağlı ölkəmizdə davamlı olaraq müxtəlif  dini konfesiyaların, mədəniyyətlərin nümayəndələrinin iştirakı ilə  beynəlxalq  konfranslar və digər mötbər tədbrilər keçirilir. Bu ancaq uğurlu siyasət nəticəsində mümkün olub”.

O  bildirib ki, bu günümüzdə belə dünyanın müxtəlif ölkələrində yəhudilər antisemitizm siyasətinin qurbanı olur, müxtəlif dinlərin rəmzləri təhqir olunduğu halda, Azərbaycanda belə fakta rast gəlmək mümkün deyil: “ Ermənistanla müharibə şəraitində yaşasaq belə, Bakının mərkəzində erməni kilsəsi  və oradakı 5000-ə yaxın erməni dilində ədəbiyyat qorunur. Bütün bunlar onu deməyə əsas verir ki, Azərbaycan tolerantlıq və multkulturalizm sahəsində   yaşıl, sabit  bir adadır”.

Mürtəza
Ölkə.Az

ŞƏRH YAZ
0

Deputat: ““Əsrin müqaviləsi” Azərbaycan dövlətçiliyinin inkişafında ciddi dönüş nöqtəsi oldu”

Deputat: ““Əsrin müqaviləsi” Azərbaycan dövlətçiliyinin  inkişafında ciddi dönüş nöqtəsi oldu”
13:12
Bu gün
121
Siyasət
A

 “Zaman keçdikcə Ulu öndər Heydər Əliyevin müasir Azərbaycanın dövlətçiliyinin memarı olması haqqında fikirlər  daha qabarıq formada özünün biruzə verməkdədir. Ötən tarixə nəzər saldıqca Ulu öndər Heydər Əliyevin necə dahi, uzaqgörən, müdrik, dövlətini və millətini sevən şəxs olub.  Müasir Azərbaycan dövlətçilik tarixində   dahi lider Heydər Əliyevin  fəaliyyətinə  və keçən mürəkkəb  geosiyasi dövrə nəzər salaraq birmənalı şəkildə  deəy bilirik ki,  müstəqil dövlət kimi var olub,  inkişaf etmiş ölkə çevrilməsi məhz Ulu öndərin uzaqgörən, müdrik siyasəti nəticəsində mümkün olub. 1993-cü ildə hakimiyyət gələn Ulu öndərin  ən əsas fəaliyyətini  təhlükə altında olan dövlət  müstəqilliyimizin qorunub saxlanması,  sabitliyin bərpa olunması istiqamətində qurdu. Bu məqsədlə Ulu öndər Azərbaycanın neft amilindən məharətlə istifadə edərək dövlətimizin qarşısında duran təhdidləri aradan qaldırmağı qarşıya məqsəd qoydu. Ulu öndər Heydər Əliyevin rəhbərliyi alıtında yeni neft strategiyası hazırlanaraq həyata keçirilməyə başlanıldı. Gərgin əməyin nəticəsi olaraq 1994-cü ilin sentyabrın 20-də müasir Azərbaycan dövlətçiliyi tarixində dönüş nöqtəsini yaradan “Əsrin müqaviləsi” imzalandı. Müqavilə çox mürəkkəb bir geosiyasi bir vəziyyətdə imzalandı. Müqavilənin imzalanması ancaq və ancaq Ulu öndər Heydər Əliyevin müdrik siaysəti nəticəsində mümkün oldu. Məhz bu müqavilənin imzalanmasından  qısa zaman sonra ölkədə həm ictimai-siyasi sabitlik təmin olundu, həm iqtisadiyyat sıçrayışlı inkişaf mərhələsinə qədəm qoydu”.

Bunu “Ölkə.Az”a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü İqbal Məmmədov 20 sentyabrın “Əsrin müqaviləsi”nin imzalanmasının 26 illiyi, eyni zamanda “Neftçilər günü” ilə bağlı mövqeyini açıqlayarkən deyib.

Millət vəkili bildirib ki, “Əsrin müqaviləsi”nin imzalanması  müasir Azərbaycan dövətçiliyi tarixində  müstəsna rola malik  hadisə kimi qızıl hərflərlə yazılıb. “Çünki imzalanan müqavilə təkcə ölkənin iqtisadiyyatının inkişaıfnda deyil, eyni zamanda bir an öncə söylədiyim kimi  dövlət müstəqilliyimizə olan təhdidlərin aradan qalxaraq dünyanın nüfuzlu ölkələrinə birinə çevrilməsində mühüm rol oynadı. “Əsrin müqaviləsi”  Azərbaycanın yeni-yeni beynəlxalq səviyyəli uğurlu layihələri reallaşdırılmasının bünövrəsini qoydu.  
 “Əsrin müqaviləsi” Azərbaycanın bir  müstəqil dövlət dünyada etibarlı tərəfdaş kimi tanıtması istiqamətində ciddi rol oldu. “Əsrin müqaviləsi” Ulu öndər Heydər Əliyevin birinci şah əsəri idisə, Bakı-Tbilisi-Ceyhan əsas ixrac boru kəməri ümummilli liderin ikinci şah əsəri oldu”- millət vəkili qeyd edib.

Deputat əlavə edib ki, bu müqavilənin misilsiz əhəmiyyətini nəzərə alan ulu öndər Heydər Əliyev 2001-ci ildə 20 sentyabr tarixinin Azərbaycan neftçilərinin peşə bayramı günü təsis edilməsi haqqında Sərəncam imzaladı: “O vaxtdan Ümummilli Liderimizin Azərbaycan neftçilərinin əməyinə verdiyi yüksək qiymətin təcəssümü kimi “Neftçilər Günü” hər il ölkəmizdə böyük təntənə ilə qeyd olunur. Bu da təsadüfi deyil. Azərbaycanın neft-qaz sənayesi əməkçiləri ilbəil böyük uğurlara imza atır, ölkəmizin iqtisadi qüdrətinin artması üçün var qüvvələri ilə çalışırlar. Neftçi əməyinin bəhrələrindən ölkəmizin bütün vətəndaşları yararlanırlar”.

Ümummilli lideri Heydər Əliyev tərəfindən işlənib hazırlanmış neft strategiyası cənab Prezident İlham Əliyev tərəfindən uğurla davam etdirilməkdə və yeni-yeni uğrulara imza atılmaqdadır.  Prezident İlham Əliyevin müdrik rəhbərliyi ilə uğurla davam etdirilən qalibiyyətli enerji strategiyası ötən illər ərzində ölkəmizə böyük qələbələrin qazanılmasında, onun geosiyasi mövqelərini daha da möhkəmləndirilməsində, davamlı sosial-iqtisadi inkişafına güclü təkan vermsəində və əhalinin maddi rifahının yüksəlməsində müstəsna rol oynayıb.

Prezident İlham Əliyev Azərbaycanın enerji siyasətindən məharətlə istifadə edərək  ölkəmizin təkcə neft ölkəsi kimi deyil, həmçinin qz ölkəsi kimi tanıdıb, dünyanın enerji təhlükəsizliyinin etibarlı şəkildə təmin olunmasındakı mövqeyini daha da möhkəmlətdi.Hazırda Azərbaycan neftlə yanaşı, qaz sahəsində də uğurlu layihələr həyata keçirməkdədir. “Şahdəniz” bunun ən parlaq nümunəsidir. Əgər “Əsrin müqaviləsi” Azərbaycanı dünyaya yenidən neft ölkəsi kimi tanıtdısa, “Şahdəniz” qaz layihəsinin müvəffəqiyyətlə həyata keçirilməsi böyük miqdarda qaz ixrac edən ölkə kimi tanıtdırdı. Bu layihə çərçivəsində hasil olunan qazın uzunmüddətli sazişlər əsasında Avropa Birliyi ölkələrinə ixrac edilməsi üçün mühüm addımlar atılıb. Odur ki, “Şahdəniz” layihəsi isə ümummilli liderimiz Heydər Əliyevin üçüncü şah əsəri hesab edilir. Azərbaycan Prezidenti enerji layihələrindən gələn gəlirləri ölkəmizin təhlükəsizliiynin təmin edilməsi, daha da güclənməsi, əhalinin rifah halında yaşaması məqsədi ilə  beynəlxalq və regional layihələrin reallaşdırılması istiqamətində addımlar ataraq, onların icrasına nail oldu.  Hazırda Azərbaycan çoxsaylı tarnsmilli neft kəmərləri ilə yanaşı, TAP, TANAT, Bakı-Tiflis-Ərzurum qaz kəməri, Cənub Qafqaz Beynəlxalq Qaz Kəməri reallaşıb. Bununla paralel olaraq regionlararası nəqliyyat, yekdaşıma-tranzit, kommunikasiya, logistika  layihələrini həyata keçirməklə Azərbaycan təkcə enerji qovşağı kimi yox, həmdə kommunikasiya-logistika  qovşağına çevrilib. Bunlar ancaq cənab Prezident İlham Əliyevin məharətli siyasəti və qətiyyəti nəticəsində mümkün olub. Bu layihələrə heç də asan başa gəlməyib. Bu layihələr reallaşdırılan zaman Azərbaycana  ciddi təzyiqlər olsa da, Prezident İlham Əliyevin qətiyyətli iradəsi nəticəsində həyata keçib. Göründüyü kimi, güclü, qüdrətli Azərbaycan quruculuğu yolunda davam etdirilən qlobal neft-qaz və nəqliyyat layihələri, Dövlət proqramları da ən ümdə məqsədə - ölkəmizin iqtisadi qüdrətinin və beynəlxalq nüfuzunun artmasına xidmət edir. Ulu Öndərin neft strategiyasını uğurla davam etdirən Prezident cənab İlham Əliyevin müdrik rəhbərliyi ilə həyata keçirilən enerji siyasəti bu gün təkcə ölkəmizə, xalqımıza deyil, eyni zamnda bütövlükdə regiona böyük faydalar verməkdədir. Neft-qaz resurslarımız ölkə iqtisadiyyatını gücləndirmələ paralel olaraq beynəlxalq mövqelərimizi daha da möhkəmləndirir. Ölkəmizin qarşısında duran problemlərin həllində öz müsbət rolunu oynamaqdadır. İnanırıq ki, yürüdülən siyasət dövlətimizin və xalqımızın bir nömrəli problemi olan Qarabağ münaqişəsinin həllinə də öz töhfəsini verəcək. Artıq biz bunu görürük və ümid edirik ki, bu qısa bir zamanda  reallaşacaq.
Son olaraq  20 Sentyabr - Neftçilər Günü münasibətilə bütün neftçiləri ürəkdən təbrik edir, onlara  uzun ömür, möhkəm can sağlığı, ailə səadəti, işlərində müvəffəqiyyətlər arzulayıram. Vətənimiz Azərbaycanın daha işıqlı sabahı naminə yorulmaz fəaliyyətinizdə sizlərə daha böyük uğurlar arzulayıram”.

Mürtəza
Ölkə.Az

ŞƏRH YAZ
0
BAĞLA
X Mostbet