KORONAVİRUSA YOLUXANLARIN SAYI - CANLI STATİSTİKA

Bir qadının dəyəri 5 manat - Azərbaycanda qadın qul bazarı — VİDEO

Bir qadının dəyəri 5 manat - Azərbaycanda qadın qul bazarı
00:57
18.02.2020
2939
Ölkə
A
Maştağa kəndində yerləşən qadınların fəhlə bazarı... Onlar buranı qadınların qul bazarı da adlandırırlar.

"Ölkə.Az" Baku.Tv-yə istinadla xəbər verir ki, bazar elə sözün hər iki mənasında bazardır. İş axtaran kim, bir-birinin işinə mane olan kim.

Bazarda işləyənlərin dediklərinə görə, bura hər gün 20-30 nəfər qadın gəlir. Hətta bu rəqəmin 40-50-yə çatan zamanları da olur.

Fəhlə bazarında müxtəlif yaşda olan qadınlara rast gəlmək olur. Hətta 25 yaşında gənc qızlar da bu yolla pul qazanmağı özlərinə yol seçiblər. Burada işləməklərini isə özlərinə iş tapmamaq ilə əsaslandırırlar.

Buradakı qadınlar hətta 20 ildir ki, artıq öz çörək pulunu bu bazardan çıxardır. Bəzən günə üç manat qazanan da olur, beş manat qazanan da. 20-25 manat qazanc əldə edib evinə qayıdanlar da.

Bu tip fəhlə bazarı isə Maştağadan başqa, Nəsimi bazarının yanında da fəaliyyət göstərir. Orada da, qadınlar bu şəkildə toplanaraq gündəlik qazanc əldə etmək üçün hələ xəbərsiz olduqları görəcəkləri işi gözləyirlər.

Ətraflı video reportajı təqdim edirik:

ŞƏRH YAZ
0

Azərbaycanda iki yaşlı koronavirus xəstəsi var — RƏSMİ

Azərbaycanda iki yaşlı koronavirus xəstəsi var
18:55
Bu gün
211
Ölkə
A

"Bu gün Azərbaycanda koronavirusa yoluxanlar arasında iki yaşından 90 yaşına qədər xəstələrimiz var”. 

"Ölkə.Az"ın Oxu.Az-a istinadən məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.

Onun sözlərinə görə, sağalanlar arasında 82 yaşlı xəstə var:

“Bunlar orqanizmin virusa cavabından asılıdır. Dünya təcrübəsi də göstərir ki, yanaşı gedən xəstəlikləri olanlar vəfat edir. Ölənlər də, əsasən, onkoloji, ürək çatışmazlığı, revmotoloji xəstəlikləri olan, içdikləri dərmanların əlavə təsirləri yüksək olan xəstələrimizdir”.

O qeyd edib ki, Bakı ilə yanaşı, Sumqayıt və Gəncə şəhərləri daha riskli ərazilərdir:

“Ona görə də böyük şəhərlərdə olan insanın üzərinə daha ciddi məsuliyyət düşür”.

ŞƏRH YAZ
0

Onlayn yolla narkotik satan şəxs TUTULDU — FOTO

Onlayn yolla narkotik satan şəxs TUTULDU
18:51
Bu gün
164
Ölkə
A
Baş Narkotiklərlə Mübarizə İdarəsinin əməkdaşları tərəfindən həyata keçirilən növbəti uğurlu əməliyyat tədbiri nəticəsində ölkə ərazisinə gətirilən külli miqdarda yüksək təsiredici xassəyə malik narkotik vasitə və psixotrop maddələrin realizə edilməsinin qarşısı alınıb.

Daxili İşlər Nazirliyinin (DİN) Mətbuat Xidmətindən "Report"a verilən məlumata görə, Baş İdarəyə İrandan Azərbaycana narkotik vasitələrin keçirildiyi və narkotiklərin Tərlan adlı şəxs tərəfindən götürülərək satış məqsədi ilə respublikanın müxtəlif bölgələrinə aparılacağı barədə əməliyyat məlumatı daxil olub. 

Polis əməkdaşları tərəfindən dərhal həmin şəxsin tutulması istiqamətində zəruri əməliyyat tədbirləri həyata keçirilib. Peşəkarlıqla həyata keçirilən əməliyyat nəticəsində həmin şəxs, Lənkəran sakini Tərlan Əhədov Sumqayıt şəhəri ərazisində saxlanılıb. Onun üzərində şəxsi axtarış aparılan zaman 137,114 qram narkotik vasitə heroin aşkar edilərək götürülüb. Əməliyyat tədbirlərinin davamı olaraq onun Sumqayıt şəhərində yerləşən evinə baxış zamanı 5 kiloqram 25 qram heroin, 800 ədəd metadon həbi, 365 qram tiryək, 89,482 qram metamfetamin, 1 ədəd “Falcon sport” markalı tapança və ona aid 7 ədəd parton aşkar olunaraq götürülüb.

Araşdırma zamanı müəyyən edilib ki, Tərlan Əhədov İran vətəndaşı şəxsiyyəti istintaqa məlum olmayan “Əli” adlı şəxslə cinayət əlaqəsinə girərək külli miqdarda narkotik vasitələrin Azərbaycana gətirilməsini təmin edib. Həmin şəxslə “Whatsapp” ani mesajlaşma şəbəkəsi vasitəsi ilə əlaqə saxlayan T.Əhədov narkotik vasitələri əldə edəndən sonra İran vətəndaşının qeyd etdiyi yerlərə aparmalı imiş.

Qeyd edək ki, Tərlan Əhədov bir neçə dəfə həmin şəxsin vasitəsi ilə bu yolla narkotik vasitələrin Azərbaycana gətirilməsində iştirak edib.

Faktla bağlı Cinayət Məcəlləsinin müvafiq maddələri ilə cinayət işi başlanılıb. Tərlan Əhədov barəsində məhkəmənin qərarı ilə həbs qətimkan tədbiri seçilib əməliyyat tədbirləri davam etdirilir.

Ölkə.Az

ŞƏRH YAZ
0
BAĞLA