KORONAVİRUSA YOLUXANLARIN SAYI - CANLI STATİSTİKA

Birdəfəlik 60 manat pul veriləcək — Baş Nazirdən MÜHÜM QƏRAR

Birdəfəlik 60 manat pul veriləcək
20:29
23.05.2020
32592
Ölkə
A
Baş Nazir Əli Əsədov kənd təsərrüfatı məhsulları istehsalçılarının toxum təminatının dəstəklənməsi məqsədilə Kənd Təsərrüfatı Nazirliyinə vəsait ayrılması barədə sərəncam imzalayıb.

"Ölkə.Az" xəbər verir ki, sərəncama əsasən, kənd təsərrüfatı məhsulları istehsalçılarına məhsul yığımı başa çatmış ərazilərdə təkrar qarğıdalı əkinləri üçün toxum təminatına birdəfəlik dəstək məqsədilə Azərbaycan Respublikasının 2020-ci ilin dövlət büdcəsində nəzərdə tutulmuş Ehtiyat Fondundan Azərbaycan Respublikasının Kənd Təsərrüfatı Nazirliyinə 5 milyon  manat məbləğində vəsait ayrılıb.

Sərəncama əsasən, Kənd Təsərrüfatı Nazirliyi Azərbaycan Meliorasiya və Su Təsərrüfatı Açıq Səhmdar Cəmiyyəti və yerli icra hakimiyyəti orqanları ilə birlikdə torpaq-iqlim xüsusiyyətləri, suvarma imkanları nəzərə alınmaqla təkrar qarğıdalı əkinləri üçün uyğun ərazilərin müəyyən edilməsi və suvarma suyu ilə təminatı istiqamətində tədbirlər görməli, 2020-ci ilin məhsulu üçün təkrar qarğıdalı əkini aparan kənd təsərrüfatı məhsullarının istehsalçılarına qarğıdalı toxumunun alınması məqsədilə hər hektara 60 manat məbləğində birdəfəlik vəsaitin verilməsini təmin etməlidir.

Maliyyə Nazirliyi bu sərəncamla ayrılan vəsaitin müvafiq qaydada ödənilməsini təmin etməlidir.

Bu Sərəncam imzalandığı gündən qüvvəyə minir.

Ölkə.Az

ŞƏRH YAZ
0

Daha bir həkim koronavirusdan vəfat etdi

Daha bir həkim koronavirusdan vəfat etdi
17:20
Bu gün
1443
Ölkə
A
Cəlilabad Rayon Təcili və Təxirəsalınmaz Tibbi Yardım Stansiyasının koronavirusa yoluxan həkimi, 1955-ci il təvəllüdlü İbadət Ağayev vəfat edib.

"Ölkə.Az" report-a istinadən xəbər verir ki, İ.Ağayev bu gün müalicə olunduğu "Yeni klinika"da dünyasını dəyişib.

Qeyd edək ki, koronavirusla mübarizədə aktiv iştirak edən İ.Ağayevin ötən ayın sonunda verdiyi test analizinin nəticəsi pozitiv çıxıb. O, bir müddət Cəlilabad Rayon Mərkəzi Xəstəxanasında müalicə alıb. Daha sonra vəziyyəti ağırlaşdığından iyunun 30-da Bakı şəhərində yerləşən "Yeni klinika"ya köçürülüb.

İ.Ağayev 40 il təcili yardım sahəsində çalışıb.

Ölkə.Az

ŞƏRH YAZ
0

Abşeron Rayon İcra Hakimiyyətindən məcburi köçkünlərin yaşayış şəraiti ilə bağlı yayılmış xəbərə — REAKSİYA

Abşeron Rayon İcra Hakimiyyətindən məcburi köçkünlərin yaşayış şəraiti ilə bağlı yayılmış xəbərə
17:05
Bu gün
2570
Ölkə
A
Abşeron Rayon İcra Hakimiyyəti Başçısının müavini İlham Quliyev məcburi köçkünlərin dözülməz həyat şəraiti ilə bağlı yayımlanmış xəbərlə bağlı Oxu.Az-a açıqlama verib.

İ. Quliyev bildirib ki, sözügedən ailələrdən onlara heç bir müraciət daxil olmayıb:

“Məcburi köçkünlərin mənzil problemlərinin həlli ilə bağlı Qaçqınların və Məcburi Köçkünlərin İşləri üzrə Dövlət Komitəsi məşğul olur. Hazırda Abşeron ərazisində “Stansiya Sumqayıt” adlanan yerdə Qaçqınların və Məcburi Köçkünlərin işləri üzrə Dövlət Komitəsi tərəfindən məcburi köçkün ailələri üçün qəsəbə salınır. Üç min ailəlik bina tikintisi gedir. Həmin ailələr Qaçqınların və Məcburi Köçkünlərin İşləri üzrə Dövlət Komitəsinə müraciət edə bilər. Məcburi köçkün ailələrinin köçürülməsi Abşeron rayon İcra Hakimiyyətinin səlahiyyətində deyil. Lakin, onlar öz rayonları üzrə icra hakimiyyətlərinə də müraciət edə bilərlər.

Bizə müraciət olunarsa, biz həmin ailələrin adından Qaçqınların və Məcburi Köçkünlərin İşləri üzrə Dövlət Komitəsinə rəsmi məktub ünvanlayıb, vəziyyətləri barədə məlumat verib, yeni salınan qəsəbədə bu ailələrin də vəziyyətinin nəzərə alınması barədə xahiş edə bilərik.

Həmin Komitənin Abşeron rayon üzrə nümayəndəsi var. Həftənin birinci günü onlardan xahiş edərik əraziyə baxış keçirib vəziyyətlə tanış olsunlar. Aidiyyəti üzrə də öz komitələrinə bu barədə məlumat versinlər”.

ŞƏRH YAZ
0
BAĞLA