Biz qaçqın həyatı yaşamışıq

“Ölkə.Az” xəbər verir ki, bu sözləri müğənni Talıb Tale “lent.az”ın canlı efirində deyib.

''Biz 1988-ci ildə Ermənistandan qaçqın düşmüşük. Hər iki valideynim  müəllim idi və başqa gəlir yerimiz də yox idi. O dövrdə müəllim maaşı çox az olduğuna görə, biz qəzalı vəziyyətdə olan evdə yaşayırdıq. Valideynlərim üçün bu şəraitdə 4 uşaq saxlamaq, onlara ali təhsil vermək asan olmayıb.

İşlərim səhmana düşdükdən sonra bir az pulum vardı. Mən onlar üçün yeni ev almaq istədim, ancaq atam buna icazə verməyib, öz işlərimi həll etməyimi istədi'',- deyə o, bildirib.

Daha sonra o, evliliyinin alınmaması barədə yayılan xəbərlərə də aydınlıq gətirib.

“Mənim diqqətsiz biri kimi ittiham olunmağım nişanımın qayıtmasına səbəb oldu. Əslində, bu məsələdə qarşı tərəfi  qınaya bilmərəm. Çünki, bəzən dostlarım və yaxınlarım da mənə diqqətsiz olduğumu deyir. Çünki mən işimə, sənətimə daha çox diqqət ayırıram. Sənət adamı ilə ailə qurmaq elə də asan iş deyil. Bunu indi daha yaxşı anlayıram'',- deyə o, fikrini tamamlayıb.

Xatırladaq ki, T.Talenin 2018-ci ilin mayında nişanlanıb. Bir müddətdən sonra hər iki tərəf anlaşaraq ayrılmağa qərar veriblər.

Ölkə.Az