KORONAVİRUSA YOLUXANLARIN SAYI - CANLI STATİSTİKA

BNA-nın SİRRİ AÇILDI — Avtomobillərin şəklini buna görə ÇƏKİRMİŞLƏR

BNA-nın SİRRİ AÇILDI
16:52
18.09.2019
24149
Ölkə
A
Bakı Nəqliyyat Agentliyinin (BNA) adı dəyişdirilib, "Fujifilm" qoyulmalıdır. Çünki bu qurum bütün fəaliyyət istiqamətlərini unudub, yalnız şəkil çəkməklə məşğuldur!"

Bu fikirləri "Ölkə.Az"-a açıqlamasında hüquqşünas Ruslan Əhmədoğlu səsləndirib. O, bildirib ki, BNA-nın əsas vəzifələri sürücü və piyadaların təhlükəsizliyini təmin etmək və mütamadi maarifləndirmə işləri aparmaqdır:

"Böyük ticarət mərkəzlərinin və iaşə obyektlərinin qarşısında ödənişli və ödənişsiz dayanacaqlar olmalıdır. BNA isə nə ödənişli dayanacaqlar yaradır, əksər hallarda isə durma dayanma qadağandır işarəsini tətbiq etməklə bilərəkdən ki, vətəndaşlar orada məcbur maşın saxlayacaqlar deyə, 24 saat şəkil çəkməklə məşğuldur. Cərimələrin müəyyən faizləri komissiya kimi BNA-ya qayıtdığı üçün qurum şəkil çəkmək məsələsində çox maraqlıdır. Hətta gecə vaxtları nəqliyyatın umumiyyətlə intensiv olmayan vaxtlarında heç bir maneə yaratmayan nəqliyyat vasitələrini də cərimə edir. Bu isə vətəndaşlara kömək yox, onları incitməkdir".

Qeyd edək ki, son bir neçə ay ərzində bir sıra tanınmış sima BNA-nın fəaliyyətindən narazı qalması barədə açıqlama verib. 

Ölkə.Az

ŞƏRH YAZ
2

Şimşək, yağış, dolu — BU GÜNÜN HAVA PROQNOZU

Şimşək, yağış, dolu
05:48
Bu gün
2519
Ölkə
A
Bu gün Bakıda və Abşeron yarımadasında havanın yağmursuz keçəcəyi gözlənilir.

Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətindən "Ölkə.Az"a verilən məlumata görə, mülayim cənub küləyi əsəcək.

Havanın temperaturu Abşeron yarımadasında gecə 22-25, gündüz 29-34, Bakıda gecə 23-25, gündüz 31-33 dərəcə isti olacaq. Atmosfer təzyiqi normadan aşağı 754 mm civə sütunu, nisbi rütubət gecə 60-70, gündüz 40-45 faiz təşkil edəcək.

Abşeron çimərliklərində mülayim cənub küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti olacaq.

Azərbaycanın rayonlarında havanın əsasən yağmursuz keçəcəyi, lakin axşam bəzi dağlıq ərazilərdə şimşək çaxacağı, qısamüddətli yağış yağacağı, dolu düşəcəyi gözlənilir. Səhər dağlarda duman olacaq. Qərb küləyi əsəcək, ayrı-ayrı yerlərdə arabir güclənəcək.

Havanın temperaturu gecə 19-24, gündüz 33-38, dağlarda gecə 11-16, gündüz 20-25 dərəcə isti olacaq.
 

ŞƏRH YAZ
0

Quba sakini həmyerlisinin avtomobilini qaçırıb — FOTO

Quba sakini həmyerlisinin avtomobilini qaçırıb
00:12
Bu gün
524
Ölkə
A
Quba rayon sakininin avtomobilini qaçıran şəxs saxlanılıb.

Daxili İşlər Nazirliyinin Mətbuat Xidmətinin Quba regional qrupundan "Ölkə.Az"a verilən məlumata görə, Quba rayon sakini Sərxan Məmmədov Rayon Polis Şöbəsinə ərizə ilə müraciət edərək ona məxsus “VAZ-2107” markalı avtomobilinin axşam saatlarında qaçırıldığı barədə məlumat verib.

Polis əməkdaşları tərəfindən “isti izlərlə” və peşəkarlıqla həyata keçirilmiş əməliyyat-axtarış tədbirləri nəticəsində qeyd edilən hadisəni törədən rayon sakini Fuad Şıxalıyev qısa müddət ərzində qaçırdığı nəqliyyat vasitəsi ilə birlikdə saxlanılaraq polis şöbəsinə gətirilib. 

Faktla bağlı Quba RPŞ-də cinayət işi başlanılıb. F.Şıxalıyevin başqa cinayət hadisələrində iştirakı edib-etməməsi araşdırılır. 

ŞƏRH YAZ
0
BAĞLA