KORONAVİRUSA YOLUXANLARIN SAYI - CANLI STATİSTİKA

Boğazı kəsilərək öldürülən qadının uşaqları sığınacağa götürülə bilər? — AÇIQLAMA

Boğazı kəsilərək öldürülən qadının uşaqları sığınacağa götürülə bilər?
13:44
23.05.2020
2218
Hadisə
A
“Ötən gün liftdə başı kəsilərək qətlə yetirilən qadının övladlarının psixoloji durumu ilə bağlı danışıqlar aparırıq”.

"Ölkə.Az"ın məlumatına görə, bu barədə Oxu.Az-ın sorğusuna cavab olaraq, Azərbaycan Uşaqlar Birliyinin sədri Kəmalə Ağazadə məlumat verib.

O bildirib ki, mövzud vəziyyətlə bağlı həmin ailənin iki azyaşlı övladının psixoloji vəziyyətini düşünmək lazımdır:

“Daha bir qadın zorakılığın qurbanı olub. Ötən gün 40 yaşında bir qadın 48 bıçaq zərbəsi ilə qətlə yetirilib. Həmin qadının geridə yeddi və 10 yaşlı iki övladı qalıb. Mən o uşaqların psixoloji vəziyyətlərinə görə narahatam. Ailə üzvləri sosial şəbəkə üzərindən mənimlə əlaqə saxlayıblar.

Hazırda onlarla bu məsələni müzakirə edirik. Əgər razılıq əldə olunarsa, cinayətin fəsadlarından təsirlənməmələri və mümkün qədər bu situasiyadan kənarda qalmaları üçün onları sığınacağa götürməyi düşünürük. Bu uşaqların psixoloji durumlarının qorunması vacib məsələdir”.

K.Ağazadə onu da əlavə edib ki, ailə yaxınlarının sözlərinə görə, bu hadisədə namus söhbəti olmayıb:

“Mənimlə əlaqə saxlayan qohumların sözlərinə görə, həmin oğlanın iki aydan çox psixoloji problemləri olub. Bəlkə də onlar bu vəziyyətin ciddi olduğunu düşünməyiblər və həmin şəxs vaxtında müalicə olunmayıb. Bəzən bu cür davranış pozuntusunu xarakter, qısqanclıq kimi qələmə verib, müdaxilə edilmir. Nəticəsi isə bu cür dəhşətli hadisələrə gətirib çıxarır.

Ailə yaxınlarının sözlərinə görə, cinayət baş verən gün oğlan normal şəkildə qadını anasıgilə aparacağını deyib. Evdən çıxıb liftə minəndə isə artıq məlum cinayəti törədib. Çox təəssüf edirəm ki, iki günahsız körpə valideynsiz qaldı”.

Xatırladaq ki, Bakının Binəqədi rayonunda dəhşətli qətl hadisəsi baş verib. Cavadxan küçəsində yaşayan, 1977-ci il təvəllüdlü Hafiz Əsgərov binanın liftində 1980-ci il təvəllüdlü həyat yoldaşı Könül Əsgərovaya çoxsaylı bıçaq zərbəsi endirib və boğazını kəsib.

ŞƏRH YAZ
0

Oğuzda kriminal aləmə yaxın şəxslərlə polis arasında atışma

Oğuzda kriminal aləmə yaxın şəxslərlə polis arasında atışma
12:35
Bu gün
58
Hadisə
A
Oğuz Rayon Polis Şöbəsinin əməkdaşları tərəfindən keçirilən əməliyyat tədbirləri nəticəsində narkotik vasitələrin kultivasiyasında və qanunsuz silah-sursat saxlamaqda şübhəli bilinən şəxslər saxlanılıb.

"Ölkə.Az" xəbər verir ki, bu barədə Daxili İşlər Nazirliyinin Mətbuat Xidmətinin Şəki regional qrupundan APA-ya bildirilib.

Verilən məlumata görə, polis əməkdaşları tərəfindən keçirilmiş əməliyyat-axtarış tədbirləri nəticəsində rayonun Şirvanlı kənd sakinləri - əvvəllər məhkum olunmuş, kriminal aləmə meyilli olan Novruz Umarlı və bibisi oğlu Ayaz Balakişiyev kəndin meşəlik ərazisində əvvəlcədən əkib-becərdikləri narkotik tərkibli çətənə kollarına qulluq edərkən “iş başında” yaxalanıblar.

Ancaq N.Umarlı törətdiyi cinayət əməlindən yayınmaq üçün qanunsuz olaraq üzərində gəzdirdiyi tapançadan polis əməkdaşlarına atəş açıb. Şöbənin Cinayət Axtarış Bölməsi əməkdaşlarının çevikliyi və peşəkarlığı nəticəsində atəş açan Novruz Umarlı zərərsizləşdirilərək saxlanılıb.

Oradan qaçmağa çalışan A.Balakişiyev də qısa müddət ərzində Şirvanlı kəndi ərazisində tutulub. Hadisənin baş verdiyi əraziyə baxış keçirilən zaman oradan N.Umarlıya məxsus “Makarov”markalı tapança, içərilərində 15 patron olan 2 sandıqça, gecəgörmə cihazı, maska, əlcək və qohumların birlikdə əkib-becərdikləri 165 ədəd çətənə kolu aşkar olunaraq maddi sübut kimi götürülüb. Əməliyyat tədbirlərinin davamı olaraq saxlanılan şəxslərin yaşadıqları ünvanlara da baxış keçirilib.

A.Balakişiyevin evinin həyətyanı sahəsindən sellofan torbada 91 qramdan artıq qurudulmamış marixuana, eləcə də lüləsi və qundağı kəsilmiş “TOZ” markalı tüfəng, N.Umarlının kənd ərazisindəki evindən isə 37 qrama yaxın marixuana aşkar edilərək götürülüb.

Faktlarla bağlı Oğuz RPŞ-də cinayət işi başlanılıb, saxlanılan şəxslərin digər cinayət əməllərində iştiraklarının olub-olmamasının müəyyən edilməsi istiqamətində istintaq-əməliyyat tədbirləri davam etdirilir.

ŞƏRH YAZ
0

Bakıda axtarışda olan qadın mənzildən oğurluq etdi

Bakıda axtarışda olan qadın mənzildən oğurluq etdi
10:21
Bu gün
224
Hadisə
A
Bakıda mənzildə oğurluq hadisəsi baş verib.

"Ölkə.Az" report-a istinadən xəbər verir ki, hadisə avqustun 1-i günorta saatlarında paytaxtın Yasamal rayonu Mirəli Seyidov küçəsində yerləşən evlərin birində qeydə alınıb.

Belə ki, naməlum şəxs evə açıq qapıdan keçməklə içərisində 40 manat, 50 avro, 180 manat dəyərində qızıl-zinət əşyaları, saat və sənədlər olan 2 ədəd əl çantasını oğurlayıb.

Faktla bağlı başlanılan cinayət işi üzrə Yasamal Rayon Polis İdarəsinin 28-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində oğurluq əməlində şübhəli bilinən 1992-ci il təvəllüdlü, əvvəllər Cinayət Məcəlləsinin (CM) müxtəlif maddələriylə (177, 234, 231, 185) məhkum olunmuş və CM-nin 177-ci (oğurluq), 180-ci (soyğunçuluq) maddələri ilə axtarışda olan Günay Abdullayeva saxlanılıb.

Faktla bağlı başlanılan cinayət işi üzrə əməliyyat-axtarış, əməliyyat-istintaq tədbirləri davam etdirilir.

ŞƏRH YAZ
0
BAĞLA