KORONAVİRUSA YOLUXANLARIN SAYI - CANLI STATİSTİKA

Bolnisinin bir sıra kəndlərində sərt karantin ləğv olunur

Bolnisinin bir sıra kəndlərində sərt karantin ləğv olunur
04:05
19.05.2020
2249
Dünya
A
Gürcüstanda azərbaycanlıların kompakt yaşadıqları Bolnisi rayonunun bir sıra kəndlərində mayın 19-dan etibarən sərt karantin məhdudiyyətləri götürülür.

"Ölkə.Az"ın məlumatına görə, “Report”un yerli bürosu xəbər verir ki, bu barədə Gürcüstan hökuməti qərar qəbul edib.

Qərara əsasən, sabahdan Naxiduri (Arıxlı), Parizi (Muğanlı), Tsurtavi (Kolagir), Daba Tamarisi, Xidiskuri (Həsənxocalı), Muxrana (Daşdıqullar), Balaxauri (Sisqala) və Mtsqneti (Əsmələr) kəndlərində karantin rejimi ləğv ediləcək.

Kəndlərdə Gürcüstanda mayın 22-dək davam edən fövqəladə vəziyyət rejimi çərçivəsindəki digər məhdudiyyətlər qüvvədə qalacaq.

Qeyd edək ki, Bolnisinin Muşevani (Dəllər) və Geta (Aşağı Güləver) kəndləri hələ tam təcrid vəziyyətində qalacaq. 

ŞƏRH YAZ
0

Ermənilər Gürcüstanda iğtişaşlar törədib — 5 bina yandırılıb

Ermənilər Gürcüstanda iğtişaşlar törədib
23:16
08.08.2020
662
Dünya
A
Gürcüstanda ermənilərin yığcam yaşadıqları Samtsxe Cavaxeti bölgəsinin Axalkalaki şəhərində iğtişaşlar törədilib.

"Ölkə.Az" report-a istinadən xəbər verir ki, buna səbəb Kulikam kəndindən olan gəncin odlu silahla qətlə yetirilməsi olub.

Qətl hadisəsindən sonra gənclər arasında qarşıdurma baş verib. Bir qrup aqressiv gənc Axalkalakidə yerləşən 4 ev və 1 mehmanxananı yandırıblar. Yandırılan binaların sahibinin gəncin qətli ilə bağlı olduğu bildirilir.

İğtişaşlar zamanı 1 nəfərin öldüyü, 1 nəfərin isə yaralandığı barədə məlumatlar yayılıb. Axalakaliyə əlavə polis qüvvələri cəlb olunub. 

Samtsxe Cavaxetinin qubernatoru Besik Amiranaşvili Axalkalakidə olub. O, iğtişaşların kriminal insidentlə bağlı olduğunu deyib. 

Axalkalaikdə hazırda vəziyyətin gərgin, lakin nəzarət altında olduğu bildirilir. 

ŞƏRH YAZ
0

Beyrutda nümayişçilər 3 nazirliyin binasını ələ keçirdi

Beyrutda nümayişçilər 3 nazirliyin binasını ələ keçirdi
22:58
08.08.2020
302
Dünya
A
Livanın paytaxtı Beyrut şəhərində davam edən nümayişlərdə silah səsləri eşidilib.

"Ölkə.Az" report-a istinadən xəbər verir ki, güllə yarası alan polis vəfat edib.

Qeyd olunub ki, silahlı insident zamanı nümayişçilərin də bir neçəsi ağır yaralanıb.

Bundan başqa, 238 nəfər toqquşmalarda xəsarət alıb. Bildirilib ki, 63 nümayişçi xəstəxanaya yerləşdirilib, digərlərinə isə yerində tibbi yardım göstərilib.

Etirazçılar Livan Banklar Asosassiyasının binasına daxil olub. Onlara Livan ordusunun ehtiyatda olan zabitləri başçılıq edir.

Artıq nümayişçilər İqtisadiyyat, Xarici İşlər və Energetika nazirliklərinin binalarına hücum edərək oranı ələ keçiriblər. Onlar Xarici İşlər Nazirliyinin binasını qərargah elan ediblər.

Polis nümayişçilərə qarşı bibər qazından istifadə edir.

Etirazçılar həmçinin, Ətraf Mühit Nazirliyinin də binasına daxil olmağa çalışır.

ŞƏRH YAZ
0
BAĞLA