KORONAVİRUSA YOLUXANLARIN SAYI - CANLI STATİSTİKA

Bu dərmanlar koronanı məhv etmir, almayın — VİDEO

Bu dərmanlar koronanı məhv etmir, almayın
14:03
11.07.2020
8049
Ölkə
A

“Aviqan” kimi tanınan “Favipiravir” preparatının koronavirusa təsiri olması barədə əldə birmənalı məlumat yoxdur. Yəni Ümumdünya Səhiyyə Təşkilatı da bu haqda rəy verməyib.

 
Ölkə.Az xəbər verir ki, bu sözləri Axar.az-a professor Adil Qeybulla “qara bazar”da 5 min manata satıldığı iddia edilən “Favipiravir”in koronavirusa təsiri barədə danışarkən deyib. Professor bildirib ki, bu virusun müalicəsi üçün spesifik, antiviral dərman yoxdur: “Bütün müalicə ümumi bədənin möhkəmlənməsinə və baş verən dəyişikliklərin korreksiyasına yönəlir. İnsanlar bunu anlamalıdır. Bir ara “Arbidol” adlı preparat adı çəkildi ki, virusun müalicəsində keyfiyyətlidir. Rusiya bu dərmanın satışından 2.4 milyard dollar pul qazandı. Bu, mənasız və heç biri təsiri olmayan dərman idi. Həmçinin “Kaletra” preparatı da bu qəbildəndir. Ümumdünya Səhiyyə Təşkilatı elan etdi ki, bunlar təsirsiz dərmanlardır. Bədəni bunlarla zəhərləmək lazım deyil. İnsanlar bu cür informasiyanın arxasınca gedir deyə, dəllallar ortaya çıxır. Ümumdünya Səhiyyə Təşkilatının bülletenləri var. Əsas məsələ orqanizmin, immun sisteminin möhkəmləndirilməsi və situasion müalicədir. Yəni hər bir xəstədə vəziyyətə uyğun müalicə aparılır”. A.Qeybulla onu da bildirib ki, virusun müalicəsində keyfiyyətli dərman “Remdesivir” preparatıdır: “Remdesivir” adlı preparat denqe qızdırması zamanı istifadə olunan dərmandır. Bu dərman effektli və çox bahadır. Onun Azərbaycana gətirilməsi real deyil”.

ŞƏRH YAZ
0

Şahdağ Milli Parkında daha bir zubr balası doğuldu

Şahdağ Milli Parkında daha bir zubr balası doğuldu
19:59
Bu gün
64
Ölkə
A
İDEA İctimai Birliyi, Ekologiya və Təbii Sərvətlər Nazirliyi və WWF-in Azərbaycan ofisinin həyata keçirdiyi zubrların reintroduksiya layihəsi çərçivəsində Azərbaycana gətirilən zubrlardan daha birinin balası dünyaya gəlib.

"Ölkə.Az" xəbər verir ki, Bioloji Müxtəlifliyin Qorunması Xidmətinin rəis müavini Arzu Səmədova artıq zubr balalarının sayının üçə çatdığını bildirib.

O qeyd edib ki, bala sağlamdır və artıq yerli şəraitə uyğunlaşaraq sürüyə qoşulub: “İDEA İctimai Birliyi ilə Şahdağ Milli Parkı arasında imzalanmış Əməkdaşlıq Sazişinə əsasən nəsli kəsilmiş zubrların bərpası, onların ölkə təbiətinə reintroduksiya olunması və artırılması məqsədilə ötən ilin mayında Şahdağ Milli Parkının İsmayıllı bölməsinin ərazisinə Fransa və Belçika zooparklarından 12 baş zubr gətirilərək təbiətə buraxılıb”. 

A.Səmədova xatırladıb ki, artıq zubrların sayı 15-ə çatıb.

ŞƏRH YAZ
0

Biləsuvarda nişan mərasimi keçirənlər cərimələndi

Biləsuvarda nişan mərasimi keçirənlər cərimələndi
19:42
Bu gün
166
Ölkə
A
Nazirlər Kabineti yanında Operativ Qərargah tərəfindən qəbul edilən xüsusi karantin rejiminin qaydalarının təmin olunması istiqamətində polis əməkdaşları tədbirləri davam etdirir.

DİN-in Mətbuat Xidmətinin Lənkəran regional qrupundan "Ölkə.Az"a verilən məlumata görə, Biləsuvar Rayon Polis Şöbəsinə rayonun Təyyarə meydanı adlanan ərazisində yaşayan İ.Əlizadənin xüsusi karantin rejiminin qaydalarını pozaraq gizli şəkildə qızına nişan mərasimi keçirməsi barədə məlumat daxil olub.

Polis əməkdaşları dərhal sözügedən ünvana gəliblər. Məclisin təşkilatçısı və orada iştirak edən 4 nəfər Rayon Polis Şöbəsinə dəvət edilib. Şöbədə və onlarla profilaktik söhbətlər aparılaraq karantin rejiminin qaydaları izah olunub. Hər birinin barəsində İnzibati Xətalar Məcəlləsinin müvafiq maddəsi ilə protokol tərtib edilərək cərimə olunublar.
 

ŞƏRH YAZ
0
BAĞLA