KORONAVİRUSA YOLUXANLARIN SAYI - CANLI STATİSTİKA

MSK: Deputat olmaq istəyənlərin namizdəliklərini irəli sürülmə prosesi başlayıb

MSK: Deputat olmaq istəyənlərin namizdəliklərini irəli sürülmə prosesi başlayıb
11:40
07.12.2019
1771
Siyasət
A
Deputatlığa namizədliklərini irəli sürmək istəyən şəxslər Dairə Seçki Komissiyalarına müraciət edə bilərlər.

 Bu barədə “Ölkə.Az”a açıqlamasında Mərkəzi Seçki Komissiyasının (MSK) İctimaiyyətlə əlaqələr departamentinin rəhbəri Şahin Əsədov deyib.

 Onun sözlərinə görə,  Azərbaycan Respublikasının Prezidenti İlham Əliyevin ölkədə növbədənkənar parlament seçkiləri ilə bağlı sərəncam imzalayıb. “Seçki qanunvericiliyinə uyğun olaraq sərəncam imzalandıqdan sonra  seçki prosesinə strat verilmiş hesab olunur və namizəd olmaq istəyənlər  Dairə Seçki Komissiyasına (DSK) yaxınlaşıb bildiriş doldurub təqdim etməlidirlər. DSK- da öz növbəsində qanunvericiliyin tələbinə uyğun olaraq 5 gün müddətində namizədliyini irəli sürmək istəyən şəxsin namizədliyini irəli sürüb, sürə bilməməsi barədə  qərar verməlidir.  Namizədliyinin irəli sürlüməsi qeydə alınan şəxslər  deputatlığa namizədliyinin rəsmi qeydə alınması üçün imza vərəqələrini götürüb imzatoplama kampaniyasına başalyacaq”-Ş.Əsədov deyib.

Ş.Əsədov onu da bildirib ki, artıq dekabrın 7-dən prosesə start verilib. “Hələlik bizdə namizədlərin irəli sürülməsi ilə bağlı DSK-lara müraciət olunub-olunmaması barədə dəqiq məlumat yoxdur”- deyə, o bildirib.

Mürtəza
Ölkə.Az

ŞƏRH YAZ
0

Məhkəmə Eldar Həsənov barəsində qərar verdi — YENİLƏNİB

Məhkəmə Eldar Həsənov barəsində qərar verdi
22:30
Bu gün
619
Siyasət
A
Səbail Rayon Məhkəməsində Azərbaycan Respublikasının Serbiya Respublikasında, Monteneqroda, Bosniya və Herseqovinadakı səfiri Eldar Həsənov barəsində istintaq orqanı tərəfindən verilən təqdimata baxılıb.

"Ölkə.Az" bildirir ki, məhkəmədə Eldar Həsənov barəsində həbs qətimkan tədbiri seçilib.

***

Dövlət Təhlükəsizliyi Xidməti (DTX) tərəfindən saxlanılan səfir Eldar Həsənov məhkəməyə aparılıb.

"Ölkə.Az" bildirir ki, Səbail rayon Məhkəməsində istintaq orqanının E. Həsənov barəsində həbs qətimkan tədbirinin seçilməsinə dair təqdimatına baxılır.

Qeyd edək ki, DTX-nin yaydığı məlumata görə, Azərbaycan Respublikası Xarici İşlər Nazirliyinin bəzi vəzifəli şəxslərinin öz səlahiyyətlərindən sui-istifadə edib dövlətin qanunla qorunan mənafelərinə mühüm zərər vuran əməllərə yol vermələri ilə bağlı başlanılmış cinayət işi üzrə Xarici İşlər Nazirliyinin İşlər idarəsinin müdiri, Nazirliyin Tender Komissiyasının sədri Fərhad Molla-zadə, Konsulluq idarəsinin rəisi Faiq Bağırov və digərləri vəzifə səlahiyyətlərindən sui-istifadə etmə, mənimsəmə, rüşvət alma faktlarına görə cinayət məsuliyyətinə cəlb edilərək barələrində məhkəmənin qərarları əsasında həbs qətimkan tədbiri seçilib.

Davam edən cinayət işi üzrə həyata keçirilən istintaq-əməliyyat tədbirləri zamanı Xarici İşlər Nazirliyinin fəaliyyət istiqamətləri üzrə ayrılan dövlət büdcə vəsaitlərinin mənimsənilməsi ilə bağlı yeni məlumatlar əldə edilib, toplanılmış materiallar əsasında müvafiq qərarla kompleks maliyyə-təsərrüfat fəaliyyəti üzrə yoxlama təyin edilib.

Maliyyə yoxlamaları zamanı Azərbaycan Respublikasının Serbiya Respublikasında, Monteneqroda, Bosniya və Hersoqovinadakı səfiri Həsənov Eldar Hümbət oğlu tərəfindən xeyli miqdarda büdcə vəsaitinin təyinatı üzrə istifadə edilməməsi və digər qanun pozuntularının törədilməsinə dair əsaslı şübhələr müəyyən edilib.

Aparılan istintaq çərçivəsində Eldar Həsənov şübhəli şəxs qismində tutulub.APA

ŞƏRH YAZ
0

“Kremlin Azərbaycan planı fiaskoya uğradı” — Bölgədə vəziyyət dəyişir

“Kremlin Azərbaycan planı fiaskoya uğradı”
21:47
Bu gün
327
Siyasət
A
“Rusiyanın Tovuz hadisələri zamanı Ermənistana 400 ton həcmində silah-sursat göndərməsi göstərdi ki, bundan sonra Qarabağ münaqişəsinin həlli yönündə vasitəçi kimi heç bir müsbət addım atmayacaq. Moskvanın bununla da Azərbaycanı KTMT və Avrasiya İttifaqına cəlb etmək planı fiaskoya uğradı”.

"Ölkə.Az" xəbər verir ki, bunu politoloq Məhəmməd Əsədullazadə deyib.

Ekspertin sözlərinə görə, Moskva-Bakı-Ankara formatı məhz Kremlin Ermənistan siyasətinə görə ciddi bir irəliləyişə nail olmadı:

“Təbii ki, Rusiyanın işğalçı ölkəyə təmənnasız silah göndərməsi, Azərbaycanı yeni siyasət ortaya qoymağa vadar etdi. Azərbaycan Prezidenti İlham Əliyevin Rusiya dövlət başçısı Vladimir Putinə zəng edərək, narazılığını bildirməsi ölkəmizin xarici siyasətində dəyişikliklər edəcəyinin göstəricisi hesab etmək olar. Hesab edirəm ki, Azərbaycan bundan sonra Rusiyadan silah alışını dayandırmalıdır.

Moskvanın son addımları elan etdiyi regional siyasətinə də ziddir. Bu baxımdan, Türkiyənin məhz Tovuz təxribatlarından sonra Azərbaycanda öz hərbi iştirakını artırması təsadüfi deyil”.

Məhəmməd Əsədullazadə qeyd edib ki, Rusiya Ermənistana görə öz geosiyasi planlarında ciddi yanlışlığa yol verdi:

“Rusiya elə zənn edirdi ki, bununla Azərbaycana təzyiqlər edəcək. Amma, Ankaradan verilən mesajlar Moskvanı düşünməyə vadar edir. Ankara birmənalı şəkildə Azərbaycanın yanında olacağını bildirdi. Hesab edirəm ki, Rusiyanın hava məkanından istifadə edərək Ermənistana silah göndərdiyi İran, Qazaxıstan və Türkmənistandan məsələ ilə əlaqədar izahat tələb olunmalıdır. Çünki Azərbaycan hər üç ölkə ilə sıx dostluq münasibətlərinə malikdir.

Əlbəttə baş verənlər proseslərə baxmayaraq, Azərbaycan Rusiya ilə qonşuluq və dostluq əlaqələrinin inkişafında maraqlı olacaq. Çalışacaq ki, Moskva ilə münasibətlər qaydasında olsun. Amma Kreml hər vəchlə ölkəmizə təzyiq etməyə səy göstərəcək. Amma bu təzyiqlərin bundan sonra uğurlu olacağına və ya effekt verəcəyinə inanmıram”.teleqraf.com

ŞƏRH YAZ
0
BAĞLA