“Bu tamamilə siyasiləşdirilmiş və Türkiyəyə təzyiq məqsədi ilə qəbul edilmiş qərardır”
ABŞ Senatının tarixdə olamayan uydurma erməni soyqırımına dair qəbul etdiyi qətnamə, tarixi gerçəklikləri qətiyyən olduğu kimi əks etdirmir və bunun heç bir hüquqi tarixi faktoloji əsası yoxdur.
Bunu “Ölkə.Az”a açıqlamasında millət vəkili, professor Musa Qasımlı deyib. “Bu tamamilə siyasiləşdirilmiş və Türkiyəyə təzyiq etmək məqsədi ilə qəbul edilmiş qərardır. Bu qətnamənin qəbul edilməsinə təsir edən xüsusi amilTürkiyənin müstəqil xarici siyasət yürütməsinə, Suriyadakı siyasətinə və Rusiya ilə yaxınlaşmasına qarşı edilən təzyiqlərlə bağlıdır”- M.Qasımlı bildirib.
Millət vəkili əlavə edib ki, ancaq nə qədər qətnamələr qəbul edilir edilsin, təzyiqlər edilir edilsin, Türkiyə qətnamələri qəbul etməz: “Türkiyə tarixdə etmədiyini öz üzərinə götürməz. Ona görə də belə qətnamələrin Türk xalqı və dövləti üçün kağız parçasından başqa bir qiyməti yoxdur”.
Mürtəza
Ölkə.Az
