Cavanşir Məmmədovun sərt sözlərinə BNA-dan cavab
"Ölkə.Az" xəbər verir ki, bu sözləri Redaktor.az-a açıqlamasında Əməkdar artist Cavanşir Məmmədov deyib. O, Bakı Nəqliyyat Agentliyini (BNA) sərt tənqid edib:
"Bunlar bilməlidir ki, dünyanın hər yerində aptek var, insan aptekdən dərman alanda avtomobilini harada saxlamalıdır? Öz apteklərinin qarşısında daynma-durma nişanı qoyurlar ki, alverləri çox olsun. Başqa yerdə dayanan kimi cərimələyirlər. İnsanları bu qədər incitmək olmaz".
Əməkdar artist əlavə edib ki, iş saatından sonra insanlara evinin, yaşadığı binanın qarşısında avtomobil saxlamağa icazə verilməlidir:
"Mən evimin qarşısında avtomobil saxlaya bilmirəm. Kamera çəkir, telefonuma cərimə gəlir. Elə bu ay BNA iki cərimə mesajı göndərib. Yaxşı, bu avtomobili harada saxlayım?! Parkinqə getmək üçün 6 manat taksiyə, 6 manatda yer haqqı verməliyəm. Gündə 12 manatı parkinqə verim, nəylə yaşayım, acından ölüm?!".
Cavanşir Məmmədov BNA əməkdaşlarının yerli-yersiz avtomobilləri cərimələməsindən də danışıb:
"Avtomobilə minəndə də, düşəndə də çəkirlər. Ürəkləri soyumur, gəlib içərini də çəkirlər. Bəlkə mənim avtomobilimdə kənar adam var?! İnsanlara nə maaş verisiniz ki, onları cərimə ilə soyursunuz?".
Müğənnin tənqidlərinə cavab verən BNA-nın mətbuat xidmətinin rəhbəri Mais Ağayev Redaktor.az-a açıqlamasında bu sözləri deyib:
"Cavanşir müəllim avtomobilini parkinqdə saxlasın, bir az piyada gəzsin. Xalqın arasında olsun".
Ölkə.Az
