Cəbhədə atışma, kanallarımız nə göstərir?
Bu gücə Ermənistan silahlı qüvvələri Azərbaycanın yaşayış məntəqələrini güclü artilleriya atəşinə tutub.
Müdafiə Nazirliyinin yaydığı xəbərdə bildirilir ki, cəbhəboyu mövqelərimiz iriçaplı silahlar, minaatanlar, qumbaraatan və artilleriya qurğularından intensiv atəşə tutulub. Eyni vaxtda qoşunların təmas xəttinə yaxın mülki əhalinin kompakt yaşadığı bir sıra yaşayış məntəqələri də düşmən atəşinə məruz qalıb. Qarşı tərəfin hərbi aktivliyini genişləndirməyə imkan verməmək, onun fəaliyyətinin qarşısını almaq məqsədilə Silahlı Qüvvələrimizin komandanlığı tərəfindən əməliyyat şəraiti qiymətləndirilərək dərhal cavab tədbirlərinin görülməsi üçün qərar verilib.
Nazirlik həmçinin kütləvi informasiya vasitələri nümayəndələrini rəsmi olmayan, dəqiqləşdirilməmiş və qeyri-obyektiv məlumatlardan istifadə etməməyə çağırıb. Bəs görəsən ölkə əhalisinin böyük qisminin informasiya aldığı telekanallarımızda hazırda nə göstərilir.
Ölkə.az-ın apardığı kiçik aradırmanı təqdim edirik.
AZTV-də "Bizim Cəbiş müəllim" filmi nümayiş etdirilir.
ANS isə həmişəki kimi ənənəsinə sadiq qalıb və hazırda "Marş" verilişi efirdədir.
"Lider" televiziyasında bu dəqiqələrdə "Sizin səhhət" verilişi davam edir.
İTV-də də hazırda tibbi veriliş verilir.
"Mədəniyyət" kanalının göstərdiyi isə köhnə cizgi filmidir.
Space "Şərikli çörək" filmini göstərir.
"Xəzər"də "Analar üçün məktəb" verilişi nümayiş olunur.
İntiqam VALEHOĞLU
