KORONAVİRUSA YOLUXANLARIN SAYI - CANLI STATİSTİKA

Cəmil Həsənlinin “Tofiq Yaqublu planı”nın arxasında nə dayanır?

Cəmil Həsənlinin “Tofiq Yaqublu planı”nın arxasında nə dayanır?
18:22
21.11.2019
3815
Ölkə
A
Milli Şuranın sədri Cəmil Həsənlinın Tofiq Yaqublunun Milli Şura sədri olması ilə bağlı təklifi müxalifət düşərgəsində yeni situasiya yaradıb. Uzun illərdir ki, Milli Şuraya formal sədrlik edən professorun bu təklifi siyasi prosesləri izləyənlər tərəfindən onun Milli Şuradan və Əli Kərimlidən canını qurtarmaq cəhdi kimi də qiymətləndirilir.

"Ölkə.Az" yenisabaha istinadən xəbər verir ki, müxalifət kluarlarından əldə edilən məlumata görə, Həsənlinin bu təklifi Kərimli tərəfdarları tərəfindən etirazla qarşılanıb. Bir neçə ildir ki, Şuraya rəhbərlik edən, əslində isə faktiki olaraq Ə. Kərimlinin tapşırıqlarını yerinə yetirən C. Həsənlinin yerində Tofiq Yaqublunun olacağı halda fərqli durum yaranacaq. Yaqublunun AXCP sədrinin hər təklifinə “baş üstə” deməyəcəyini bilən cəbhəçilər buna görə də onun sədr olmasına qarşı çıxırlar. Buna görə də professorun təklifi AXCP-də narahatlıq yaradıb və Cəmil Həsənlinin ünvanına neqativ fikirlər səsləndirilməkdə davam edir.

Onlar bu addımı C.Həsənlinin siyasi bacarıqsızlığını etiraf  kimi dəyərləndirir və bunu Tofiq Yaqubluya həvalə etməklə məsuliyyətdən yayınmağa cəhd göstərdiyini açıq şəkildə bildirirlər.

Bəzi müşahidəçilər isə təklifin Əli Kərimlinin özünün yeni bir planı olduğunu düşünürlər. İddialara görə, T. Yaqublunun müxalifət düşərgəsində bir qədər artan reytinqi və son vaxtlar gündəmdə olması yeni ssenarini işə salıb. Burada əsas məqsədin isə Yaqublunun əli ilə Müsavatda növbəti nüfuz əldə etmək, bu alınmadıqda  partiyada parçalanmaya nail olmaq istəyi dayanır.

Qeyd edək ki, Müsavat Partiyasının qurultayı ərəfəsində də Yaqublunun partiya başqanı seçilməsi üçün analoji proses gedirdi. Kərimli tərəfdarlarrı sosial şəbəkələrdə T. Yaqublunun təbliğatını aparır, onun daha çox başqanlığa haqqının olduğunu bildirirdilər.

Amma burada oynayan təkcə Kərimli-Həsənli-Yaaqublu üçlüyü deyil. C. Həsənlinin təklifindən dərhal sonra buna Müsavat başqanı Arif Hacılı reaksiya verdi və əsas oyunçulardan birinə çevrildi. Hətta o C. Həsənlinin təklifinə sevincək bir reaksiya da verdi:

“Hər kəsə məlumdur ki, Tofiq Yaqublu Müsavat və Milli Şuranın, AXCP-nin daha sıx əməkdaşlığının, müttəfiqliyinin tərəfdarıdır. Ümid edirəm ki, Tofiq bəy əvvəllər bu məqsədlə Müsavatdan daha çox Milli Şuranı təbliğ edirdisə, Milli Şuranın sədri olsa yenə eyni məqsədlə o təşkilatdan daha çox Müsavatı təbliğ edəcək” – deyə yazdı.

A.    Hacılının bu oyuna qoşulmasının səbəbi isə nə Milli Şura, nə Əli Kərimli, nə də onun üçün partiya daxilində həmişə güclü rəqib olan T. Yaqubludan xilas olmaq deyildi. Əsas məqsəd gündəmi dəyişmək, mühacir biznesi ilə bağlı söz-söhbətlərin üstünü qapayaraq yeni gündəmin yaranmasına cəhd idi. 

Bildirək ki, Müsavat Partiyasının  Avropaya gedən şəxslərə saxta sənəd satması ittihamı ilə bağlı Almaniyada Müsavat Avropa Koordinasiya Mərkəzinin bəzi üzvlərinin saxlanılması partiyaya qarşı hücum və təzyiqləri gücləndirib. Son günlər isə şəxsən Arif Hacılı və yaxın ətrafının ünvanına saxta sənəd satmaları ilə bağlı ciddi ittihamlar səsləndirilir, ortaya faktlar qoyulur və bu mövzu  partiyanın nüfuzuna ciddi ziyan vurub.

Yaranmış vəziyyətdən çıxış üçün Arif Hacılı və yaxın ətrafı tərəfindən hücumların qarşısının alınmasına ciddi cəhdlər edilir, mətbuat konfransı keçirilərək açıqlama və izahatlar verilir. Təzyiqlərin azaldılması və zərərsizləşdirilməsi məqsədilə Arif Hacılı tərəfindən AXCP-yə və Əli Kərimliyə yaxınlaşma, sığınmağa, aralarındakı münasibətlərin yumşaldılmasına cəhdlər müşahidə edilir. O, ən azından bir neçə gün gündəmin dəyişəcəyini, Müsavatın hədəfdən yayına biləcəyinə ümid edir.

Amma üfürülərək şişirdilməsinə çalışdığı bu mövzunun ciddi bir gündəm yaratmayacağı elə ilk andan da özünü göstərir. Növbəti plan nə olacaq, bunu da yaxın günlərdə görəcəyik.

ŞƏRH YAZ
0

Sərnişinlərin regionlara gediş-gəlişi necə təşkil olunacaq? — RƏSMİ AÇIQLAMA

Sərnişinlərin regionlara  gediş-gəlişi necə təşkil olunacaq?
13:07
Bu gün
254
Ölkə
A
Azərbaycandakı epidemioloji vəziyyətdən asılı olaraq gələn həftədən etibarən respublikanın regionlaırna sərəbəst gediş-gəlişin təmin olunacağı gözlənilir. Bununla bağlı artıq Nazirlər Kabineti yanındaki Operativ Qərargahın üzvləri də bu günlərdə keçirdiyi brifinqlərdə müəyyən mesajlar veriblər. Prezidentin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov bir neçə gün öncə Nazirlər Kabineti yanında Operativ Qərargahın brifinqində bildirib ki, Azərbaycanda növbəti həftələrdə rayonlara gediş-gəlişin bərpa edilməsi müzakirə olunur: “Bu addımların atılması epidimioloji vəziyyətdən asılı olacaq”.

Əgər bölgələrə gediş-gəliş yaxın vaxtlarda açılacaqsa, o zaman  ilk günlərdə sərnişinlərin daşınmasında müəyyən sıxlıq yarana bilər. Sərnişinlərin daşınmasının təşkili və necə həyata keçiriləcəyi ilə bağlı “Ölkə.Az”a açıqlama verən Nəqliyyat, Rabitə və Yüksək Texnologiyalar Nazirliyinin Dövlət Avtomobil Nəqliyyatı Xidmətinin mətbuat xidmətinin rəhbəri Nuridə Allahyarova bildirib ki, bu barədə indidən nəsə demək tezdir: “Sərnişinlərin daşınması barədə həyata keçiriləcək Tədbrilər Planı haqqında ancaq Nazirlər Kabineti yanında Operativ Qərargahın  verəcəsi qərardan sonra mövqeyimizi açıqlaya bilərik. İndiki halda verəcəyimiz açıqlama cəmiyyətdə müəyyən çaşqınlıq yarada bilər.  Görüləcək işlərə gəldikdə isə onu deyə bilərik ki, hər bir dövlət qurumu kimi Dövlət Avtomobil Nəqliyyatı Xidməti də Operativ Qərargahın verdiyi qərarları   layiqincə icra etməkdədir.  Biz də  fəaliyyətimizi Operativ Qərargahın verdiyi qərarlara uyğun həyata keçiririk”.

N.Allahyarova əlavə edib ki, Dövlət Avtomobil Nəqliyyatı Xidməti Operativ Qərargahın verəcəyi istənilən  qərarları  yerinə yetirməyə  tam hazır vəziyyətdədir: “Ö cümlədən regionlara gediş-gəlişin açıqlacağı zamanı sərnişinlərin  qısa zamanda mənzilə başına çatdırılmasına da hazırıq. Sadəcə bir daha qeyd edirəm ki, bu Operativ Qərargahın qərarından sonra olacaq. Şəhərlərarası və rayonlararası  daşınmalarla bağlı qərar verilən kimi  görüləcək  Tədbirlər planı dərhal işə düşəcək  və təxirəsalınmadan icra olunacaq”.

Mürtəza
Ölkə.Az

ŞƏRH YAZ
0

BNA-nın qabaqdangəlmişliyi və ya bu gün "Dakar"da — BAŞ VERƏNLƏRİN ƏSL SƏBƏBLƏRİ - FOTOLAR

BNA-nın qabaqdangəlmişliyi və ya bu gün
12:53
Bu gün
233
Ölkə
A
Avqustun 10-dan etibarən Bakıda karantin rejiminin nisbətən yumşaldılması ilə paytaxt küçələrində nəqliyyat sıxlığı və tıxaclar müşahidə olunmaqdadır.

Hələ karantin rejimi tam aradan qaldırılmayıb, amma Bakıda uzunməsafəli tıxaclar yaranmaqdadır. Müvafiq dövlət qurumlarının, xüsusən də Bakı Nəqliyyat Agentliyinin işini düzgün qura bilməməsi, haqlı olaraq vətəndaşların ciddi narazılığına səbəb olur. Uzağa getmədən bu gün “8-ci km” adlanan ərazidə “Neftçilər”metrostansiyasının üstündəki "Dakar" meydanında, o cümlədən digər küçə və prospektlərdə yaranın tıxac bunun bariz numunəsidir. Aidiyyatı qurumlar və BNA işini düzgün təşkil edə bilməməsindən ciddi tıxac yaranıb. İctimai nəqliyyat vasitələrinin hərəkət qrafikində uzunmüddətli gecikmələr baş verib. İşlərini düzgün qura bilməyən müvafiq qurumların fəaliyyəti nəticəsində tıxacda qalan insanlar sosial şəbəkələr vəsitəsi ilə hökuməti tənqid edərək, öz narazılıqlarını, şikayət və etirazlarını bildiriblər. İnsanlar uzun müddət tıxacda qalmaqla işlərinə gecikib.

Tıxacın qaldırılması istiqamətində isə addımlar atılmayıb. Nəticədə insanların çoxu ictimai nəqliyyat vasitələrini tərk edərək piyada uzun məsafə qət etməklə işə getməli olublar. Onların işə piyada getməsi bir yana, işə gecikdiyi üçün çalışdığı müəssisə rəhbərliyi tərəfindən alacağı töhmət daha dəhşətli olacaq. Bəlkə də bir çoxu gecikdiyinə görə, işini də itirməli olacaq və buna görə kimsə məsuliyyət daşımayacaq. Çünki, vətəndaşın işə gecikməsinin onun hər hansı səhlənkarlığı nəticəsində olmayıb, əksinə müvafiq dövlət qurumlarının işlərini düzgün qura bilməməsi nəticəsində üzrlü səbəbdən işə gecikib. Nəticə isə acınacaqlı olacaq. Vətəndaş işini itiricək və ya ən yaxşı halda töhmət alacaq, yaxud da həmin günün əməkhaqqından məhrum ediləcək. Hansısa qurumun işini düzgün qura bilməməsi nəticəsində vətəndan hökumətdən narazı olacaq. Bir çox hallarda isə aidiyyatı qurumlar fəaliyyətlərindəki çatışmazlıqlara görə məsuliyyəti hansısa formada öz üzərlərindən atmağa çalışırılar, yaxud da buna cəhd edirlər. Bu isə “üzrü cinayətindən betər” misalına bənzəyir.

Elə bu gün "Dakar" meydanında yaranan tıxaca görə, BNA mətbuat xidmətinin rəhbəri Mais Ağayevin məsələ ilə bağlı verdiyi açıqlama da buna oxşayır. Mais Ağayevin məhz bu açıqlaması sosial şəbəkələrdə xeyli sayda vətəndaşın ciddi narazılığına səbəb olub. Necə deyərlər BNA “qaş düzəltmək əvəzinə, vurub gözü də çıxarıb”. Belə ki, M. Ağayev açıqlamasında deyib ki, hazırda “Dakar” meydanında nəqliyyatın hərəkəti dayanıb: “Səbəb: nəqliyyat vasitələrinin çoxluğu və sürücülərin dairədə bir-birilərinə yol verməmələridir. Bu vəziyyətdən ən çox əziyyət çəkən isə ictimai nəqliyyat istifadəçiləridir.

Avtobuslar sıxlıqda qaldığından insanlar piyada gedir”. Bu yolla BNA sözçüsü günahı vətəndaşın üzərinə atmaqla vəziyyətdən çıxmağa cəhd edib. M. Ağayev orada tıxacın aradan qaldırılması istiqamətində həm BNA-nı, həm də digər qurumları ittiham etmək əvəzinə, nəqliyyat vasitəsini idarə edən vətəndaşları hədəf seçərək vəziyyətdən çıxmağa və bununla da günahı üzərlərindən atmağa çalışıb. Onun bu açıqlaması vətəndaşlar tərəfindən hiddətlə qarşılanıb və sosial mediada onun bu açıqlaması insanları aşağılama kimi qəyərləndirilib. Əslində BNA sözçüsü yaranmış tıxaca görə, paytaxt sakinlərindən üzr istəməli və tıxacın aradan qaldırılması istiqamətində əməli addım atmayan qurumlara ən azından iradını bildirməliydi.

Görüntünün olası içeriği: araba ve açık hava

Görüntünün olası içeriği: araba ve açık hava, şunu diyen bir yazı 'NEFTCILER METROSU'Görüntünün olası içeriği: araba ve açık hava, şunu diyen bir yazı 'ideal'Görüntünün olası içeriği: araba ve açık havaGörüntünün olası içeriği: araba ve açık hava

Ölkə.Az

ŞƏRH YAZ
0
BAĞLA