KORONAVİRUSA YOLUXANLARIN SAYI - CANLI STATİSTİKA

Cinsi azlığı qadın bilib onunla tanış oldu — Həqiqəti bilib öldürdü

Cinsi azlığı qadın bilib onunla tanış oldu
15:21
12.06.2019
9273
Ölkə
A
Ehtiyatsızlıqdan adam öldürməkdə təqsirləndirilən Raqif Şıxəliyev barəsindəki hökmdən verilən apelyasiya şikayəti və protestə baxılacaq.

"Ölkə.Az" xəbər verir ki,  iş Bakı Apelyasiya Məhkəməsində hakim Qədim Babayevin icraatındadır. 

İlkin baxış iclası iyunun 13-də keçiriləcək.

Hadisə ötən il Bakı şəhəri, Nizami rayonu ərazisində baş verib. R.Şıxəliyev toy məclisindən çıxıb evə gedən zaman küçədə cinsi azlığın nümayəndəsi R.B. (şərti ad və soyad) ilə tanış olub. Daha sonra R.Şıxəliyev həmin şəxsi qadın bilib, cinsi əlaqədə olmaq üçün ona 50 manat pul verib. R.B. isə qadın olmadığını ona deyəndən sonra R.Şıxəliyev verdiyi 50 manat pulu geri qaytarmasını istəyib. Bu zaman hər iki şəxs arasında mübahisə yaranıb. Hadisə yerinə yaxınlıqda olan digər cinsi azlığın nümayəndələri də gəlib, daha sonra dava başlayıb. R.Şıxəliyev özünü müdafiə edən zaman R.B.-ni yumruqla vurub. Yerə yıxılan R.B.-nin başı daşa dəyib. Xəstəxanaya çatdırılan yaralı bir neçə gündən sonra dünyasını dəyişib.

R.Şıxəliyev saxlanılıb və ona Cinayət Məcəlləsinin 126.3-cü maddəsi ilə ittiham irəli sürülüb.

Bakı Ağır Cinayətlər Məhkəməsində hökm çıxarılarkən R.Şıxəliyevin ittiham olunduğu Cinayət Məcəlləsinin 126.3-cü (qəsdən sağlamlığa ağır zərərvurma, ehtiyatsızlıqdan zərərçəkmiş şəxsin ölümünə səbəb olduqda) maddəsi 124-cü (ehtiyatsızlıqdan adamöldürmə) maddəsinə tövsif edilib və 3 il müddətinə azadlıqdan məhrum olunub.

Müdafiə tərəfi hökmdən apelyasiya şikayəti, prokurorluq isə apelyasiya protesti verib. 

Ölkə.Az

ŞƏRH YAZ
0

Rayona getmək üçün icazələr belə alınacaq — QAYDALAR

Rayona getmək üçün icazələr belə alınacaq
11:33
Bu gün
663
Ölkə
A
COVID-19 infeksiyasına yoluxma dinamikası nəzərə alınmaqla 2020-ci il 31 avqust saat 00:00-dək sərtləşdirilmiş xüsusi karantin rejimi Bakı, Cəlilabad, Gəncə, Masallı, Mingəçevir, Sumqayıt, Yevlax şəhərləri və Abşeron, Bərdə, Goranboy, Göygöl, Xaçmaz, Salyan rayonlarında tətbiq olunacaq.

Elektron Hökumətin İnkişafı Mərkəzindən daxil olan məlumata görə, bu müddətdə isə həmin şəhər və rayonlarda giriş-çıxış əvvəlki qaydada tənzimlənəcək.

Nazirlər Kabinetinin müvafiq Qərarı ilə fəaliyyətinə icazə verilmiş sahələrdə çalışan əməkdaşların ezamiyyələrinin 5 avqust tarixindən icaze.e-gov.az portalına əlavə olunması imkanı yaradılıb. Bunun üçün qurumun möhür səlahiyyətli şəxsi icaze.e-gov.az portalında "İcazələr” bölməsinə daxil olur. Açılmış bölmədə "Əməliyyatlar” sütunundan "ezamiyyə et” düyməsinə klik edərək müvafiq məlumatlar doldurulur və təsdiq edilir.

Əgər əməkdaşın indiyədək sistemdə icazəsi olubsa bu zaman "İcazələr” bölməsinə daxil olaraq "Aktivləşdir" düyməsinə klik etmək, sistemə indiyədək daxil edilməyən əməkdaş üçün isə "Yeni” düyməsinə klik edərək öncə əməkdaşa icazə əldə etmək lazımdır.

Vətəndaşlar yaranan suallarla əlaqədar "ASAN xidmət”in 9108 Çağrı Mərkəzinə müraciət edə bilərlər.

ŞƏRH YAZ
0

Milli Məclisdə şəhid hərbiçilərin xatirəsi yad edildi

Milli Məclisdə şəhid hərbiçilərin xatirəsi yad edildi
11:12
Bu gün
144
Ölkə
A
Milli Məclisin iclasında Tovuz hadisələri zamanı şəhid olan hərbiçilərin xatirəsi bir dəqiqəlik sükutla yad edilib.

"Ölkə.Az" xəbər verir ki, Milli Məclisin spikeri Sahibə Qafarova daha sonra ötən gün dünyasını dəyişən parlamentin deputatı Fəttah Heydərovla bağlı çıxış edib.

Sahibə Qafarova Fəttah Heydərovun ağsaqqal, ziyalı bir insan kimi yadda qalacağını bildirib.

Daha sonra mərhum deputatın xatirəsi bir dəqiqləlik sükutla yad olunub.

ŞƏRH YAZ
0
BAĞLA