Daha bir bölgə terrorçulardan təmizləndi
Türkiyə ordusu “Sülh çeşməsi” adlı antiterror əməliyyatçı çərçivəsində Tel-Abyad şəhərinin qərbini YPG/PKK terrorçularından təmizləyib.
“Ölkə.Az” “Anadolu” agentliyinə istinadən xəbər verir ki, hazırda qəsəbənin şərq və cənub hissələrində güclü atışma davam edir.
Məlumat üçün bildirək ki, 9 oktyabrda başlayan əməliyyatda 1 qəsəbə, 56 kənd olmaqla ümumilikdə 109 kilometr ərazi terrorçulardan azad edilib.
Əməliyyatlar zamanı Türk Silahlı Qüvvələri və Suriya Milli Ordusunun ümumilikdə 18 əsgəri şəhid olub. Davam edən əməliyyat zamanı indiyədək 490 terrorçu zərəsizləşdirilib. Onlardan 440 ölüb, 26-sı isə yaralı olaraq ələ keçirilib. 24 terrorçu təslim olub.
