KORONAVİRUSA YOLUXANLARIN SAYI - CANLI STATİSTİKA

Deputat: “ATƏT MQ həmsədrləri nəticə çıxarıb, işğalçı Ermənistanı öz adı ilə çağırmalıdır”

Deputat: “ATƏT MQ həmsədrləri nəticə çıxarıb, işğalçı Ermənistanı öz adı ilə çağırmalıdır”
17:45
08.07.2020
2128
Siyasət
A
“Dünya ictimaiyyətinə yaxşı məlumdur ki, Ermənistan Azərbaycan torpaqlarının bir hissəsini işğal edib və uzun illərdir ki, işğalçılıq siyasətini davam etdirir. İşğal faktı nəticəsində Azərbaycanda bir milyondan çox insan öz doğma yurdlarında yaşamaq hüququndan məhrum edilib. Bu işğal siyasətinin davam etməsi qəbulolunmazdır”.

Bunu “Ölkə.Az”a açıqlamasında deputat Sevinc Fətəliyeva Azərbaycan Prezidenti İlham Əliyevin Qarabağ münaqişəsi ilə bağlı son bəyanatını şərh edərkən deyib.

Sevinc Fətəliyeva bildirib ki, müəyyən dairələr Ermənistan haqqında “demokrat” obrazı yaratmağa çalışır və bu yolverilməzdir.

 Onun sözlərinə görə, Prezident İlham Əliyevin iyulun 6-da yerli televiziyalara müsahibəsində qeyd etdiyi kimi,  Ermənistanda insan haqlarının və demokratiyanın pozulması bu günün işi deyil:

“Dövlətimizin başçısı bildirib ki, Ermənistanda heç vaxt demokratiya olmayıb. Ermənistan hələ müstəqil ölkə kimi formalaşandan dərhal sonra öz əsl xislətini göstərdi. Xocalı soyqırımını törədən faşistlər demokrat ola bilməzlər. Başqasının torpağına göz dikən, bir milyon insanı evsiz-eşiksiz qoyan ölkə demokrat ola bilməz. Onlar bir milyon Azərbaycan vətəndaşının və Ermənistanda yaşayan azərbaycanlıların elementar insan haqlarını pozublar. Cənab Prezidentin qeyd etdiyi kimi, ermənilərə himayədarlıq edənlər, ilk növbədə, erməni lobbisi, onun pulları, ondan sonra Ermənistan hökumətinin Avropada çirkin lobbiçilik fəaliyyəti onları həmişə bu tənqiddən qoruyurdu. Əslində, bu, lobbiçilik fəaliyyəti deyil, bu, korrupsiya fəaliyyətidir.

Ermənistanın qeyri-konstruktivliyi o həddədir ki, Azərbaycan Prezidentinin koronavirusla mübarizəyə həsr olunmuş BMT Baş Assambleyasının xüsusi sessiyasının keçirilməsi təşəbbüsünə qarşı çıxıb. Dövlətimizin başçısının dediyi kimi, bunun əsas səbəbi Ermənistanda hökm sürən və dövlət tərəfindən təbliğ edilən Azərbaycanafobiyadır, Azərbaycan dövlətinə, Azərbaycan xalqına nifrətin təzahürüdür. Ancaq Ermənistan özü-özünü çox pis vəziyyətə qoydu, özünü dünyadan təcrid etdi. Çünki bu təşəbbüsün əleyhinə çıxmaq ağılsızlıqdır və qeyri-rasional düşüncənin məhsuludur”. 

Millət vəkili həmçinin deyib ki, Azərbaycan Respublikasının Prezidenti İlham Əliyev ilə BMT-nin Baş katibi Antonio Quterreşin arasında  telefon danışığında da dövlətimizin başçısının təşəbblüsü yüksək dəyərləndirilib. Belə ki, telefon danışığı əsnasında Prezident İlham Əliyev bildirib ki, Azərbaycan COVID-19 pandemiyasına qarşı mübarizədə Baş katibin və BMT-nin səylərini, o cümlədən çoxtərəfli əməkdaşlığı dəstəkləyir. Dövlətimizin başçısı BMT Baş Assambleyasının COVID-19-a həsr olunmuş xüsusi sessiyasının çağırılmasında Baş katibin liderliyinin mühüm əhəmiyyət kəsb etdiyini diqqətə çatdırıb.

BMT-nin Baş katibi Antonio Quterreş bir daha BMT Baş Assambleyasının COVID-19-a həsr olunmuş xüsusi sessiyasının keçirilməsi təşəbbüsünü dəstəklədiyini qeyd edərək, texniki-logistik məsələlərin həlli ilə əlaqədar BMT-nin Azərbaycan tərəfi ilə birlikdə işləməyə hazır olduğunu deyib. Prezident İlham Əliyev və Baş katib Antonio Quterreş telefon danışığında əminliklərini ifadə ediblər ki, keçiriləcək xüsusi sessiya COVID-19 pandemiyasına qarşı mübarizədə önəmli addım olacaq. Bu faktın özü Azərbaycanın təşəbbüsünə qarşı çıxanlara tutarlı cavabdır.

 Ermənistan-Azərbaycan Dağlıq Qarabağ münaqişəsinin həllinə gəlincə, S.Fətəliyeva qeyd edib ki, münaqişə Azərbaycanın ərazi bütövlüyü çərçivəsində həll olunmalıdır. Onun sözlərinə görə, Azərbaycanın bu məsələdə prinsipial mövqeyi dəyişməzdir.  

“Cənab Prezidentin qeyd etdiyi kimi, bizim mövqeyimiz haqq-ədalət mövqeyidir, həm tarixi ədalətə, eyni zamanda, beynəlxalq hüquqa əsaslanır. Ona görə də mövqeyimizdə hər hansı bir dəyişiklik mümkün deyil. Dövlət başçısı bir daha bəyan edib ki, münaqişə ölkəmizin ərazi bütövlüyü çərçivəsində həll olunmalıdır. Heç vaxt Azərbaycan torpağında ikinci erməni dövlətinin yaranmasına icazə verilməyəcək. İşğal edilmiş bütün torpaqlar işğalçılardan azad edilməli, Azərbaycan vətəndaşları öz dədə-baba torpaqlarına qayıtmalıdırlar. Azərbaycan danışıqlar prosesinin imitasiya xatirinə aparılmasını qəbul etmir. Danışıqlar mahiyyəti üzrə aparılmalıdır. Cənab Prezidentin dediyi kimi, əks halda, mənasız danışıqların aparılmasına heç bir ehtiyac qalmayacaq. ATƏT-in Minsk qrupunun həmsədrləri bütün bunlardan nəticə çıxarmalı, görüntü xatirinə vasitəçilik etməməli, işğalçı Ermənistanı öz adı ilə çağırmalıdır”-deyə, millət vəkili vurğulayıb.  

Mürtəza
Ölkə.Az

ŞƏRH YAZ
0

Respublikaçı Alternativ partiyasının təsis qurultayı keçirilib

Respublikaçı Alternativ partiyasının təsis qurultayı keçirilib
00:25
Bu gün
282
Siyasət
A
Bu gün Respublikaçı Alternativ partiyasının onlayn formatda təsis qurultayı keçirilib.

"Ölkə.Az" xəbər verir ki, bu barədə APA-ya partiyanın üzvü Natiq Cəfərli məlumat verib.

O qeyd edib ki, 100-ə yaxın qurultay nümayəndəsinin iştirakı ilə qurultayın əsas sənədləri - nizamnaməsi və proqramı qəbul edilib:

”Qurultay partiyanın 6 nəfərdən ibarət siyasi komitəsini seçdi və 5 nəfərdən ibarət nəzarət təftiş komissiyası seçildi. Nizamnaməyə uyğun olaraq partiyanın siyasi komitəsi növbəti toplantısında partiyanın sədrini və icra qurumlarını seçəcək. Əldə olunan sənədləri yaxın zamanda Ədliyyə Nazirliyinə təqdim edəcəyik”.

ŞƏRH YAZ
0

Ermənistan parlamentində biabırçılıq — “Dayı” sözünün üstündə kütləvi dava düşdü - VİDEO

Ermənistan parlamentində biabırçılıq
23:00
04.08.2020
1156
Siyasət
A
Ermənistan parlamentində deputatların kütləvi davası olub.

"Ölkə.Az" oxu.az-a istinadən xəbər verir ki, hadisə deputatlardan birinin tribunada çıxışı zamanı digərinin ona “dayı” deməsindən sonra başlayıb.

Belə ki, deputat Edmond Marukyan çıxış edərkən Sasun Mikaelyan yerdən ona atmaca atıb. Birincinin sərt cavabı isə biabırçılıqla nəticələnib.

Mikaelyanla Marukyanın əlbəyaxa davasına digər deputatlar da qoşulublar. Tərəflər hətta bir-birilərini boynunu sındırmaqla hədələyiblər.

Sözügedən davanın videosunu təqdim edirik:

ŞƏRH YAZ
0
BAĞLA