Deputat: “Azərbaycan xalqı Prezidentinə sadiq və onun əmrinə hazır olduğunu bariz formada ortaya qoydu”

Bunu “Ölkə.Az”a açıqlamasında millət vəkili Əliabbas Salahzadə deyib.

 

Onun sözlərinə görə, xalq Azərbaycan Prezidenti  və Birinci vitse-ptrezident  ətrafında sıx birləşdiyini öz əməli hərəkətləri ilə nümayiş etdirdilər. “Azərbaycan xalqı bir daha Ali Baş Komandanına və Prezidentinə sadiq olduğunu, ona inanaraq, əmrinə hazır olduğunu bariz formada ortaya qoydu. Son günlərdə respbulikamız müxtəlif bölgələrində  insanların ayağa qalxaraq Prezidentə və orduya dəstək aksiyaları, müraciətlər bunun əyani sübutudur. Çünki xalq liderinə inanır. İnanır ki, onu üzləşdiyi bu çətinliklərdən ancaq o xilas edə bilər. Məhz onun liderliyi altında  güclü, qüdrətli Azərbaycan dövləti və ordusu  formalaşıb. Təsadüfən deyilmir ki, xalqın gözü tərəzidir. Azərbaycanda hakimiyyət xalq hakimiyyətidir, xalqın iradəsinə əsaslanan hakimiyyətdir. Xalq bunu görür və liderinə inanaraq onun ətrafında birləşib”- deputat qeyd edib.

 

Deputat əlavə edib ki, bu gücün qüdrətin və gücün nəticəsi olaraq Ermənistan  ordusunun Tovuz istiqamətində törətdiyi təxribatın qarşısını layiqincə aldı: “Azərbaycan Silahlı Qüvvələri  şəhidlərimizin intiqamını alaraq, onların qanı yerdə qalmadı. Düşmən tərəfi qat-qat artıq tiki verdi, xeyli sayda hərbi tekxnikası, sərhədboyu dayaq nöqtələri, postları,  bütün infrastrukturu  məhv edilib. Düşmənə elə bir zərbə endirildi ki, uzun illər bundan sonra da bunu yaddan çıxara bilməyəcəklər.  Bu əməliyyat, son günlər ərzində baş vermiş hərbi toqquşma - bizim növbəti şanlı qələbəmizdir. Son əməliyyatda Azərbaycan Ordusu bir daha öz üstünlüyünü  düşmən üzərində göstərdi. Bu bir daha göstərdi ki,  Ermənistan heç vaxt açıq döyüşdə  Azərbaycan üzərində qələbə qazana bilməyib və bilməz də...

 

Bu gün xalq ordusuna və Ali Baş Komandanın inandığında n düşməndən fərqli olaraq evlərini tərk etmir, orada yaşamaqda davam edirlər. Ermənistanda isə xalq təşviş işindədir. Erməni mediasının, sosial şəbəkə istifadəçilərinin yazdığına görə,  Ermənistanda bəzi kəndlər, şəhərlər boşalır,  yerli camaat panika içindədir.Azərbaycanda isə tamamilə fərqli situasiyadır. Atışma bölgəsindəki xalq yerindədir.  Ermənistnda hərbçilər döyüşdən qaçdığı halda,  Azərbaycan insanı könüllü olaraq ayağa qalxaraq  döyüşə hazır olduğunu və bununla bağlı yüzlərlə insan Hərbi Səfərbərlik Xidmətinə könüllü olaraq müraciət edir. İnanırıq ki, Ali Baş Komandanın rəhbərliyi altında torpaqlaırmız işğaldan azad olunacaq və o qələbə günü çox uzaqda deyil”.