Deputat: “Ermənistan bu dəfə də çirkin və mərkli oyunlarının qurbanı olacaq”

Bunu “Ölkə.Az” açıqlamasında millət vəkili Məşhur Məmmədov deyib.

Onun sözlərinə görə, ancaq  Ermənistan heç bir vəchlə bu niyyətinə nail ola bilməyəcək. “Bu günkü Azərbaycan 1990-ci illərin əvvəlindəki Azərbaycana  deyil. Bu gün Azərbaycan  Ermənistandan  fərqli olaraq həm  dövlət olaraq qat-qat güclü və qüdrətlidir, həm də  dünyada ən güclü orduya malik bir ölkədir. Azərbaycan ordusu bu gün işğal altında olna torpaqları azad etmək iqtidarındadır. Sadəcə Ali Baş Komandanın əmrini gözləyirlər. Bunu  ermənilər özləri də yaxşı bilir və anlayır.Məhz bunu bildikləri üçün də Tovuzda hiyləgər, riyakar və xain bir hücum təşkil etməklə, diqqəti yayındırıb, Azərbaycanı təxribata sövq etmək istədilər.  Azərbaycan ordusu ermənilərin layiqli cavabını verməklə yanaşı, onlaırn bu xain planının məqsədini anında dünyaya çatdıraraq ifşa etdilər. Bir az öncə söylədiyim kimi Azərbaycan dövləti  1990-cı illərin əvvəlindəki kimi zəif ölkə deyil. Dünyad söz sahibi və nüfuzu, mövqeyi olan mötbər ölkələrdən biridir.  Bunu son illərdə Azərbaycanın artan nüfuzu sübut edir. Bu özünü   Azərbaycanın dünyanın ən böyük bəlası olan koronavirus pandemiyasına qarşı mübarizədə  fəaliyyəti, bu bəlaya qarşı beynəlxalq həmrəyliyin yaradılması istiqamətində əməli hərəkətlərində  sübut etdi. Bir daha dünya Azərbaycanın necə bir güclü  dövlətə malik olduğunun şahidi oldu. Azərbaycan təkcə öz əhalisinin sağlamlığının təmin olunub və ölkənin sosial-iqtisadi aktivliyini qorumaq yox, bütün dünyanı təhdid edən bu problemdən birgə qurtulmaq istiqamətində təşəbbüslərlə çıxış edərək,  konkret addımlar atdı. Bu gün Azərbaycan pandemiyadan əziyyət çəkən 30-dan artıq ölkəyə yardım edib.  Azərbaycanda fərqli olaraq Ermənistanın daxilində sosial-iqtisadi problemlər kəskinləşir, hökumət COVID-19 pandemiyası ilə bacara bilmir və bu səbəbdən belə təxribatlara əl atmaqla diqqəti fərqli istiqamətə yönəltmək istəyir. Ermənistan hakimiyyəti bu yolla həm daxili diqqəti yayındırmaqla, həm də Azərbaycanın  bu uğurlarına qısqandığı üçün belə xain, hiyləgər təxribata əl ataraq, bölgədə sabitliyi pozmağa çalışır. Ermənistan unudur ki, onun  Azərbaycan olan qısqanc münasibəti və çirkin, məkrli planları nəticə etibarı ilə  elə özünün başında çatlayacaq və  özləri bu oyunlarının qurbanı olacaq”- deputat bildirib.

Millət vəkili bildirib ki, Ermənistan hə dəfə öz riyakar, çirkin oyunlarının və hiyləgərliyinin  qurbanı olduğu kimi bu dəfə də belə olacaq: “Bu hərəkətləri ilə özlərini çətin vəziyyətə qoyacaqlar. Necə ki, biz son illərdə bunun şahidi olmaqdayıq.  Azərbaycan Prezidentinin beynəlxalq tribunalardan verdiyi bəyanatlar və Paşinyana tutarlı cavabları bunun  bariz nümunəsidir. Bu gün Ermənistanın Azərbaycana dünyada artan nüfuzuna xələl gətirmək  iqtidarında deyil. Çünki dünya da artıq Ermənistanın necə bir ölkə olduğunu yaxşı dərk etməkdədir. Azərbaycan Prezidentinin yürütdüyü müdrik siyasəti nəticəsində Ermənistanın yürütdüyü siyasətin mahiyyəti ifşa olunmaqdadır. Bu dəfə də belə olacaq. Ermənistan Azərbaycanın uğurlarına kölgə sala bilməyəcək, əksinə özü bu oyunun qurbanı olacaq”.

Mürtəza
Ölkə.Az