KORONAVİRUSA YOLUXANLARIN SAYI - CANLI STATİSTİKA

Deputat: “Ermənistanın düşünməsin ki, törətdiyi qanunsuz əməllər cəzasız qalacaq...”

Deputat: “Ermənistanın düşünməsin ki, törətdiyi qanunsuz əməllər cəzasız qalacaq...”
14:09
14.07.2020
2282
Siyasət
A
Ermənistan Silahlı Qüvvələrinin Tovuz istiqamətində hiyləgər və məkrli planlara xidmət edən təxribatı Paşinyan komandası ölkədə yaranmış ictimai-siyasi, sosial-iqtisadi böhran nəticəsində yaranmış vəziyyətdən hakimiyyətini xilas edib, ömrünü uzatmağa, eyni zamanda danışıqlar prosesini pozmağa və digər məsələlərə hesablanmış addımlardı.

Bunu “Ölkə.Az”a açıqlamasında millət vəkili İltizam Yusifov deyib.

Millət vəkili bildirib ki,  Azərbaycan ordusu  hər zaman olduğu kimi bu dəfə də düşmənin bu təxribatının qarşısını aldı: “Ordumuz erməni təcavüzünün qarşısını layiqincə və qəhrəmancasına  alıb, onlara lazımi cavabı verib. Əks-tədbirlər nəticəsində Azərbaycan Ordusu Ermənistanın hərbi bölmələrinin mövqeyinə güclü zərbə endirərərk, düşmənin xeyli sayda hərbi texnikasını  və canlı qüvvəsini məhv edib. Ordumuz bu döyüşlərdə qurban gedən şəhidlərimizin qisasını alaraq, onların qanını yerdə qoymayıblar. Bununla da  Azərbaycan ordusu  Ermənistan hakimiyyətinin məkrli planlarını alt-üst edərək, Paşinyan hakimiyyətini çıxılmaz duruma salıb. Birincisi, Paşinyanın daxildəki diqqəti yayındırmaq niyyəti baş tutmayıb. Əksinə vəziyyəti daha da çıxılmaz dalana dirəyib. Tovuzda baş verən təxribat Paşinyan hakimiyyətinə baha başa gələcək. Bu ölkə daxilindəki  hakimiyyət uğrunda gedən mübarizədə  siyasi qüvvələr arasındakı qarşıdurmanı daha da dərinləşdirəcək. Bu da onun hakimiyyətinin sonun daha da yaxınlaşdıracaq.

Ikincisi, bu gün dünya qlobal pandemiyaya qarşı mübarizə apardığı bir zamanda Ermənistanın təcavüzkar siyasəti onun əleyhinə işləyəcək. Düzdür, Ermənistan bu təxribatı törətməklə məsələni Azərbaycanın üzərinə atmaqla beynəlxalq ictimaiyyətin diqqətini aktual məsələlərdən yayındıraraq fərqli istiqamətə yönəltmək istəyirdi. Ancaq bu niyyəti də baş tutmadı. Ona görə ki, artıq beynəlxalq aləm Ermənistanın yalanlarını, hiyləgərliklərini, məkrli planlarını görür və bunu yaxşı anlayır. Artıq dünya ölkələri ağla qaranı seçməyə başlayıb. Bu gün qlobal pandemiya dövründə dünya ölkələri Azərbaycanın belə bir bəlaya qarşı mübarizədə göstərdiyi  əməli fəaliyyəti görür və şahidi olur. Azərbaycan belə bir bəlanın qısa zamanda həlli üçün bütün gücünü və qüdrətini səfərbər edib. Bu istiqamətdə beynəlxalq həmrəyliyin yaranması istiqamətində təşəbbüslərlə çıxış edərək bir sıra konkret addımlar atıb. Koronavirusdan əziyyət çəkən 30-dan artıq ölkəsinə yardımlar edib. Beynəlxalq həmrəylik və əməkdaşlığın yaranması üçün BMT Baş Assambleyasının Xüsusi sessiyanının çağrılması təşəbbüsü ilə çıxış edib və bu təşəbbüs dünyanın 130 ölkəsi tərəfindən dəstəklənib.  Dünyanın üzləşdiyi belə bir çətin və mürəkkəb şəraitdə Prezident cənab İlham Əliyevin  yürütdüyü çevik siyasət beynəlxalq aləmdə pandemiyay qarşı öz töhfəsini verməklə yanaşı, Azərbaycanın beynəlxalq aləmdəki mövqelərinin daha da möhkəmlənməsinə xidmət edir. Bu isə təbii ki, Ermənistanın qısqanclığına səbəb olur. Ona görə də hər cür çirkin və məkrli oyunlara əl ataraq  Azərbaycanın nüfuzuna xələl gətirmək üçün bu cür avanturist hərəkətlərə əl atırlar. Ancaq onların  bu niyyətləri hər zaman olduğu kimi bu dəfə də öz başlarında çatlayacaq. Artıq dünyanın çoxsaylı ölkələri Tovuzda baş verənlərlə bağlı mövqeyini açıqlayıb və Azərbaycanın haqq  mövqeyini dəstəklədiklərini ortaya qoyublar. Bununla da  Ermənistan daha pis vəziyyətə düşüb. Ermənistan rəhbərliyi əmin olsun ki, bu siyasət ona rüsvayçılıq, iflas və özünü məhvetmədən başqa bir şey vəd etmir. Ermənistan rəhbərliyi düşünməsin ki, onların törətdiyi əməllər cəzasız qalacaq, törətdiyi bütün qanunsuz əməllərin cavabını verəcək”.

Mürtəza
Ölkə.Az

ŞƏRH YAZ
0

Respublikaçı Alternativ partiyasının təsis qurultayı keçirilib

Respublikaçı Alternativ partiyasının təsis qurultayı keçirilib
00:25
Bu gün
293
Siyasət
A
Bu gün Respublikaçı Alternativ partiyasının onlayn formatda təsis qurultayı keçirilib.

"Ölkə.Az" xəbər verir ki, bu barədə APA-ya partiyanın üzvü Natiq Cəfərli məlumat verib.

O qeyd edib ki, 100-ə yaxın qurultay nümayəndəsinin iştirakı ilə qurultayın əsas sənədləri - nizamnaməsi və proqramı qəbul edilib:

”Qurultay partiyanın 6 nəfərdən ibarət siyasi komitəsini seçdi və 5 nəfərdən ibarət nəzarət təftiş komissiyası seçildi. Nizamnaməyə uyğun olaraq partiyanın siyasi komitəsi növbəti toplantısında partiyanın sədrini və icra qurumlarını seçəcək. Əldə olunan sənədləri yaxın zamanda Ədliyyə Nazirliyinə təqdim edəcəyik”.

ŞƏRH YAZ
0

Ermənistan parlamentində biabırçılıq — “Dayı” sözünün üstündə kütləvi dava düşdü - VİDEO

Ermənistan parlamentində biabırçılıq
23:00
04.08.2020
1186
Siyasət
A
Ermənistan parlamentində deputatların kütləvi davası olub.

"Ölkə.Az" oxu.az-a istinadən xəbər verir ki, hadisə deputatlardan birinin tribunada çıxışı zamanı digərinin ona “dayı” deməsindən sonra başlayıb.

Belə ki, deputat Edmond Marukyan çıxış edərkən Sasun Mikaelyan yerdən ona atmaca atıb. Birincinin sərt cavabı isə biabırçılıqla nəticələnib.

Mikaelyanla Marukyanın əlbəyaxa davasına digər deputatlar da qoşulublar. Tərəflər hətta bir-birilərini boynunu sındırmaqla hədələyiblər.

Sözügedən davanın videosunu təqdim edirik:

ŞƏRH YAZ
0
BAĞLA