KORONAVİRUSA YOLUXANLARIN SAYI - CANLI STATİSTİKA

Deputat nazirliyin təşəbbüsünü alqışladı: “Bu, çox gözəl və önəmli xəbərdir” — FOTO

Deputat nazirliyin təşəbbüsünü alqışladı: “Bu, çox gözəl və önəmli xəbərdir”
15:20
24.03.2020
2223
Siyasət
A
Mart 15-də koronavirus infeksiyası ilə bağlı yaşlı insanların müdafiəsi üçün görüləcək tədbirlərlə əlaqədar Əmək və Əhalinin Sosial Müdafiəsi Nazirliyinə sorğu yönləndirmişdim.

Sorğuya rəsmi cavabı hələ almasam da (deputat sorğularında bir ay ərzində cavab verilir), dünən Nazirlik tərəfindən elan olunan tədbirlər planında (https://oxu.az/society/374106) sorğuda qaldırdığım suallara cavab aldım.

Məlumatda bildirilir ki, xüsusi karantin dövründə (24 mart - 20 aprel) yaşı 65-dən yuxarı olan və hazırda tənha yaşayan vətəndaşların qanunvericiliyə əsasən evlərində sosial məişət xidmətləri ilə təminatı həyata keçiriləcək.

Bu, çox gözəl və önəmli xəbərdir! Yüz minlərlə insana xidmət edəcək belə bir sistemin qurulmasının nə dərəcədə çətin iş olduğunu dərk edirəm və bu məsuliyyətli işdə Nazirliyin əməkdaşlarına uğur arzu edirəm!

Eyni zamanda, iki məqamla bağlı fikrimi bölüşmək istərdim. İlk növbədə, qeyd olunan xidmətlərin tətbiq edilməsi üçün yaşı 65-dən yuxarı olan və tənha yaşayan vətəndaşlar Əmək və Əhalinin Sosial Müdafiəsi Nazirliyinin 142-Çağrı mərkəzinə zəng edərək, qeydiyyata alınmalıdırlar.

Elan olunan sistem məsələni qismən həll edir, belə ki, qeydiyyata alınmayan (hər hansı bir səbəbdən zəng etməyən, məsələdən məlumatı olmayan və s.) bir qrup insan prosesdən kənar qala bilər. Və “kənarda” qalan insanlar ən yaşlı, həssas bir qrup olacaq. Onların koronavirusa yoluxma riski hələ də qalacaq.

Digər tərəfdən, yüz minlərlə insana xidmət etmək üçün belə bir sistemin yaradılması istənilən halda zaman tələb edəcək. Bu, bir gündə görüləcək iş deyil. Bu səbəbdən vətəndaş cəmiyyətinin dəstəyi istənilən halda lazımdır.

Dövlətin tədbirlər görməsi bizi məsuliyyətdən azad etmir. Vətəndaşlar nə edə bilər? Tanışlığında olan 3-4 nəfər tənha yaşlı vətəndaşa ən azı günaşırı zəng edib halını və ehtiyaclarını soruşa bilər. Özünə alış-veriş edəndə, onun da ehtiyacı olduğu məhsulu ala bilər. Tanıdığı və hətta tanımadığı yaşlı vətəndaşları Nazirliyin çağrı mərkəzinin mövcudluğu barədə məlumatlandıraraq, onların qeydiyyata alınması işinə dəstək ola bilər.

Mən başladığım təşəbbüsü - Səbail rayonunda olan 20 nəfər yaşlı vətəndaşımızın gündəlik ehtiyaclarının təmin olunması işini dayandırmıram. Çünki vətəndaş cəmiyyətinin dövlətin səylərinə dəstək verməsinin önəmini dərk edirəm.

Bir daha tədbirlər planına görə Əmək və Əhalinin Sosial Müdafiəsi Nazirliyinə təşəkkürümü bildirirəm və bu məsuliyyətli işdə Nazirliyin əməkdaşlarına uğur arzu edirəm!

ŞƏRH YAZ
0

Millət vəkili: “AŞPA həməruzəçilərinin açıqlamaları Azərbaycana qarşı növbəti qərəzin təzahürüdür”

Millət vəkili: “AŞPA həməruzəçilərinin açıqlamaları Azərbaycana qarşı növbəti qərəzin təzahürüdür”
18:49
28.03.2020
556
Siyasət
A
“Avropa Şurası Parlament Assambleyasının (AŞPA) həmməruzəçilər Sunna Evarsdottir, Sör Rocer Geyl və Stefan Şennak Azərbaycanda koronavirus pandemiyası ilə mübarizə çərçivəsində ölkədəki müxalifəti təcrid etmək niyyətində olduğu barədə verdiyi açıqlamalar absurd və qərəzdən başqa bir şey deyildir. Bu bir daha AŞPA-nın Azərbaycana qarşı qərəzli və ikili siyasətinin bariz nümunəsi kimi dəyərləndirmək lazımdırt”.

Bu fikri “Ölkə.Az”a açıqlamasında millət vəkili Nəsib Məhəməliyev deyib.

Onun sözlərinə görə, Azərbaycanda bütün sahələrdə olduğu kimi siyasi sahədə də islahatlar dərinləşdirilir. “Ölkə başçısı tərəfindən həyata keçirilən islahatlar nəticəsində Prezident Administrasiyasında siyasi partiyalarla  birbaşa  işləyən xüsusi şöbə yaradıldı və həmin şöbə  cənab Prezidentin yürütdüyü  siyasətə  bə həyata keçirdiyi islahatların mahiyyətinə uyğun olaraq mövqeyindən asılı olmayaraq  bütün siyasi partiyalarla  görüş keçirməkdədir. Lakin bəzi siyasi partiyalar ölkə başçısının  ölkədə həmrəylik, birlik yaradılması istiqamətində dialoq xoşməramlı çağırışından imtina edərək, öz destruktiv  fəaliyyətlərini davam etdirməkdədirlər.Onların məqsədləri bəllidir. İqtidarın istənilən xoşməramlı addımlarından imtina etməklə  həmin qüvvələr anti-Azərbaycan qüvvələrin sifarişinə uyğun olaraq Azərbaycan haqqında beynəlxalq aləmdə mənfi obraz formalaşdırmaqdır. AŞPA həmməruzəçilərinin son bəyanatı bunun bariz nümunəsidir”, - deyə N.Məhəməliyev deyib.

Deputat əlavə edib ki, həmməruzəçilərin dediyi absur və həqiqətdən uzaq fikirlərdir: “Bu gün Prezidentin həyata keçirdiyi siyasi islahatlar bütün sahələrdə olduğu kimi Milli Məclisdə də öz əksini tapıb.   Martın 9-da keçirilən növbədənkənar parlament seçkilərində qalib gəlib parlamentin mütləq çoxluğunu əldə etsə də, biz bu gün həm parlament rəhbərliyində, həm də komitələrin formalaşmasında  siyasi rəngarəngliyin şahidi olarıq. Bu gün parlament və komitə sədrlərinin müavinləri parlamentdə azlıq təşkil edilən müxalifət partiyaların təmsilçilərindən təşkil olunub. Yəni YAP çoxluq əldə etsə də ölkə başçısının  həyata keçirdiyi islahatlara uyğun olaraq azlıq təşkil edən partiyalara güzəştə getməklə ölkədə həmrəyliyin, birliyin yaranmasına  xidmət etmiş oldular. Ancaq təəssüflər olsun ki, ölkədəki bəzi radikal qüvvələr Azərbaycan Prezidentinin milli maraqlarımız naminə cəmiyyətdə həmrəylik və birliyin yaranması istiqamətində atdığı humanist siyasətə hər vasitə ilə kölgə salmağa çalışırlar. Ancaq bu mümkün olmayacaq. Çünki həmməruzəçilərin dediyindən fərqli olaraq Azərbaycanda siyasi islahatlar koronavirus pandemiyasından öncə başlayıb və həyata keçirilməkdədir. Odur ki, AŞPA həmməruzəçilərinin səsləndirdikləri fikilər qərəz və iftiradan başqa bir şey deyil. Həmməruzəçilər anti-Azərbaycan qüvvələrin diqtəsi ilə ölkəmizdə  istər siaysi islahatları, istərsə də koronavirus pandemiyasına qarşı effektiv mübarizə kölgə salmaq niyyəti ilə belə bir fikirlər səsləndiriblər”.


Mürtəza
Ölkə.Az

ŞƏRH YAZ
0

“AŞPA həmməruzəçilərinin son bəyanatı Azərbaycanın inkişafını istəməyən qüvvələrin sifarişidir” — Millət vəkili

“AŞPA həmməruzəçilərinin son bəyanatı Azərbaycanın inkişafını istəməyən qüvvələrin sifarişidir”
16:49
28.03.2020
879
Siyasət
A
“AŞPA həmməruzəçilərinin Azərbaycan Prezidentinin Novruz bayramı ilə bağlı xalqa müraciətini təhrif edərək, guya koronavirus pandemiyasından istifadə etməklə müxalifəti təcrid etmək barədə səsləndirdikləri ifadələri cəfəngiyatdan başqa bir şey deyildir”.

Bunu “Ölkə.Az”a açıqlamasında millət vəkili Ramil Həsən deyib.

Onun sözlərinə görə, həmməruzəçilərin ən iyrənc üsullardan istifadə edərək, etdikləri bu hərəkət Azərbaycana qarşı atılan iftiradır.

 “Bu fikirlər tamamilə qərəzlidir. Təəsüflər olsun ki, hələ də bir sıra beynəlxalq təşkilatların Azərbaycana qarşı qərəzinin davam etməsinin şahidi oluruq.  Bu təşkilatların əsas hədəfi Prezident İlham Əliyevin Azərbaycanın inkişafı naminə milli maraqlara söykənən, balanslaşdırılmış, müstəqil daxili və xarici siaysətini gözü götürmədiyindən  istənilən vasitədən istifadə edərək, ölkəmizə qarşı belə iftira, cəfəng, absurd fikirlər səsləndirməklə, təzyiq edib yolundan döndərməkdir. Ancaq heç bir qüvvə cənab Prezidentin Azərbaycanın inkişafı istiqamətində yürütdüyü siyasətin qarşısını  bu cür iftira, qərəz, cəfəngiyata söykənərək, reallığa əsaslanmayan metodlardan istifadə etməklə almaq mümkün deyil. AŞPA həmməruzəçilərinin səsləndirdiyi son bəyanatı da  Azərbaycanın inkişafını və həyata keçirilən islahatlar prosesinin dərinləşməsini istəməyən qüvvələrin, dairələrin sifarişi əsasında hazırlanan sənəd kimi qəbul etmək lazımdır. Həmin sənəd daxildən heç bir reallığa əsaslanmayaraq xarici qüvvələrin sifarişi əsasında  hazırlanan sənəddir. Bu məkrli plan Azərbaycanda xaos yaradaraq sabitliyi pozmağa xidmət edir. Bu gün həmin qüvvələr 5-ci kolonun dəstəyi ilə məkirli niyyətlərini reallaşdırmağa çalışırlar. Bir daha deyirəm ki, heç bir güclü siyasi təşkilat, xüsusən də  xalqdan gücünü alan YAP kimi  gücli bir siyasi təşkilat AŞPA həmməruzəçilərinin  səsləndirdiyi cəfəng  iddialar kimi müxalifəti koronavirus pandemiyasından istifadə etməklə təcrid yolunu seçməz. Bütün bunlar boş təxəyyülün məhsuludur. Əksinə Prezident cəmiyyətimizin gələcək inkişafı və həyata keçirilən islahatlarda  ölkədəki bütün siyasi qüvvələrin iştirakını təmin etmək məqsədi ilə  konkret addımlar atmaqdadır. Yeni Milli Məclisin formalaşması, siyasi partiyalarla həyata keçirilən dialoq bunun bariz nümunəsidir.  Yuxarıda qeyd etdiyim kimi, bu sadəcə Azərbaycanın daxilində və xaricində  ölkəmizin inkişafını istəməyən qüvvələrin birgə səyi nəticəsində  həyata keçirilən iyrənc, mərkli  siyasətin tərkib hissəsidir. Çünki AŞPA-nın Azərbaycana qarşı zaman-zaman buna oxşar  hesabatları, bəyanatları olub və bu da növbəti iftiralarıdır. Bu metodlarla Azərbaycanı inkişaf yolundan döndərmək olmaz. Bu gün Azərbaycanın İlham Əliyev kimi uzaqgörən, müdrik,  xalqın, dövlətin maraqlarını əsas götürərək, onu həyata keçirən bir lideri var. Xalq da onun ətrafında sıx bilərşib. O xalqdan gücünü alaraq Azərbaycanı uğurlu inkişafa doğru aparır”,- deyə millət vəkili bildirib.

Mürtəza

Ölkə.Az

ŞƏRH YAZ
0
BAĞLA