KORONAVİRUSA YOLUXANLARIN SAYI - CANLI STATİSTİKA

Deputat: “Şəhidlərimizin qanı bahasına qazanılan uğurlara xəyanətkarların kölgə salmasına imkan verməməliyik”

Deputat: “Şəhidlərimizin qanı bahasına qazanılan uğurlara xəyanətkarların kölgə salmasına imkan verməməliyik”
17:31
16.07.2020
3492
Siyasət
A
“Son hadisələr bir daha göstərdi ki, Azərbaycanda ümummilli məsələlərdə yekdillik və həmrəylik mövcuddur, hər hansı fərqli fikir yoxdur. Hamı eyni nöqtəyə vurur. Bu özünü ölkədə fəaliyyət göstərən siyasi partiyanın imzaladığı birgə bəyanat olsun, istərsə də cəmiyyətin ayaq üstə olub, orduya və ölkə başçısına göstərdiyi dəstəkdə ortaya qoydu”.

Bunu “Ölkə.Az”a açıqlamasında millət vəkili Sabir Hacıyev deyib.

Onun sözlərinə görə, ən çətin gündə xalqın  vahid mövqedən çıxış etməsi bizdə qısa zamanda  Qarabağ və digər problemlərin həllinə əminlik yaradır. “Ordumuzun uğurlu əməliyyatı və əldə edilmiş nəticələr, hərbi qələbə, təbii olaraq Azərbaycan ictimaiyyətində ruh yüksəkliyi yaratmaqla, vətənprəvərlik hisslərinin  daha da artmasına səbəb olub. Xalq kiçikdən böyüyə hamı döyüşə hazır olduğunu bəyan edir. Artıq minlərlə insanlar Hərbi Səfərbərlik  Xidmətlərinə gedib  könüllü müraciət edərək orduda xidmət etmək istədiyini bildirir. Onlar arasında hətta döyüşmək istəyən qızlar da var. Azərbaycan vətəndaşı   cəmiyyət olaraq bütövlükdə Ali Baş Komandana inanaraq, torpaqları işğaldan azad etmək  əmrini gözləyir. Belə birliyin nümayiş etdirilməsi çox mühüm hadisədir. Çünki bu birliyi dünya birliyi və  işğalçı Ermənistan da  görür”- deputat qeyd edib.

S. Hacıyev əlavə edib ki, Azərbaycan bir ruh yüksəkliyinin olmasına baxmayaraq, Ermənistanda insanlar təşviş, qorxu içindədirlər: “Artıq  Tovuzla sərhəddə xidmət edən hərbçilər postlarını tərk edərək döyüşmək istəmirlər,  yaşayış məntəqələrində yaşayan  insanlar   evlərini tərk edir. Bununla bağlı çoxsaylı videofaktlar mövcuddur.  Azərbaycan tərəfdə  Tovuzun  atəşkəsin pozulduğu yaşayış məntəqlərində insanlar evlərini tərk etmir. Bu bir daha Azərbaycanın  güclü dövlətə və orduya malik olduğunun göstəricisidir. Əldə olunmuş təhlükəsizlik, əmin-amanlıq, sabitlik, inkişaf və sosial rifah müstəqillik dövrümüzün ən böyük nailiyyətləridir. 

Lakin bəzi xəyantəkar, Azərbaycanı sevməyən, düşmən qüvvələr ölkəmizin uğurlarına qısqanaraq, hər vasitə ilə xaosa sürükləməyə çalışır. Biz son  hadisələr zamanı da bunun şahidi olduq. Bu qüvvələr hər vəchlə xalqın birliyinə, həmrəyliyinə kölgə salmaq üçün hər cür  çirkin oyunlara əl atdılar.
Düzdür, Daxili İşlər Naziriliyi, başda nazir Vilayət Eyvazov olmaqla  peşəkarlıq nümayiş etdirib   xəyantəkar  qüvvələrin təxribatlarının  qarşısını qısa zamanda aldı və vəziyyətə nəzarəti ələ keçirərək, asayişin pozulamamısına imkan vermədi. Bununla da təxribatçıların çirkin niyyəti puça çıxdı. Bu bir daha onu deməyə əsas verir ki, Azərbaycan dövləti əmin əllərdədir.

 Odur ki,  insanlarımız belə həssas durumda ehtiyatlı olmalıdır. Xalqımızın əyilməz iradəsi, uzun illərin əziyyəti və zəhməti, şəhidlərimizin qanı bahasına qazandığımız uğurları hər vəchlə qorumalı, inkişaf etdirməli və istənilən pozuculuğa qarşı öz vətəndaş mövqeyimizi nümayiş etdirməliyik”.

Deputat onu da bildirib ki, düşmən çox hiyləgər, məkrlidir: “Düşmən  riyakar, xain olduğundan istənilən çirkin və məkrli planlarını bundan sonra da davam etdirəcək. Yeni təxribatlar törədə bilər. Ona görə də bir cəmiyyət olaraq ayıq olmalı və onların oyununa gemtəməliyik”. 

Azərbaycanın yürütdüyü xarici siyasətlə bağlı məsələyə toxunan deputat qeyd edib ki, bu gün Azərbaycanın Prezidentinin yürütdüyü xarici siyasət hücum diplomatiyası əsasında qurulub və ona görə  bundan sonra bu saysət daha da aktiv icra olunamlıdır: “Bildiyiniz kimi Xarici İşlər Nazirliyi bir çox hallarda ölkə başçısının yürütdüyü hücum diplomatiyasına adekvat fəaliyyət göstərmirdi. Haqlı olaraq cənab Prezident iyulun 20-də 
Nazirlər Kabinetinin 2020-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasda XİN-in fəaliyyətini tənqid etdi. Bildirdi ki, diplomatik fəaliyyətimiz daha səmərəli ola bilərdi. Bizim diplomatiyamız hücum diplomatiyası olmalıdır, passiv, özünü müdafiə edən diplomatiya olmamalıdır, kiminsə xoşuna gəlmək naminə öz sözünü deməkdən çəkinən diplomatiya olmamalıdır. Ölkə başçısı tərəfindən bu məsələ dəfələrlə müxtəlif tədbirlərdə, Xarici İşlər Nazirliyində, Azərbaycanın xarici ölkələrdəki səfirləri ilə görüşlərdə dilə gətirilib, lakin XİN fəaliyyətini bu istiqamətə qura bilməyib.  Hesab edirəm ki, XİN-də ölkə başçısı kimi daha cəsarətli  və hücum diplomatiyasının prinsiplərinə uyğun  siyasət yürütsəydi daha böyük uğurlar əldə edə bilərdik. Ona görə də Prezident XİN rəhbərini tutduğu vəzifədən azad etdi. Ceyhun Bayramovu yeni nazir təyin etdi. İnanıram ki, yeni nazir ölkə başçısının yürütdüyü xarici siyasət kursunu layiqincə yerinə yetirəcək və qarşıya qoyulan hədəflərə nail olunacaq”.

Mürtəza
Ölkə.Az

ŞƏRH YAZ
0

Hikmət Hacıyevin EFE informasiya agentliyinə müsahibəsi bir sıra ölkələrin qəzet və xəbər saytlarında dərc edilib — FOTO

Hikmət Hacıyevin EFE informasiya agentliyinə müsahibəsi bir sıra ölkələrin qəzet və xəbər saytlarında dərc edilib
00:04
Bu gün
254
Siyasət
A
Azərbaycan Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyevin İspaniyanın EFE informasiya agentliyinə müsahibəsi İspaniyanın “Lavanguardia” qəzeti ilə yanaşı, ABŞ-ın “Holanews”, Dominikan Respublikasının “Diariolibre” qəzetlərinin elektron platformalarında, Argentinanın “Infobae” xəbər saytında, Yahoo! News- Yahoo! tərəfindən yaradılan xəbər aqreqatorunda dərc edilib.

"Ölkə.Az" AZƏRTAC-a istinadən xəbər verir ki, “Azərbaycanın səbri tükənməz deyil” sərlövhəsi ilə dərc olunan müsahibədə ispandilli oxuculara Ermənistan-Azərbaycan Dağlıq Qarabağ münaqişəsi, Ermənistan silahlı qüvvələrinin Azərbaycanla sərhəddə törətdiyi son hərbi təxribat və onun nəticələri barədə məlumat verilir.

Hikmət Hacıyev müsahibədə rəsmi Bakının Ermənistan-Azərbaycan münaqişənin danışıqlar yolu ilə həllinin tərəfdarı olduğunu bildirir. Qeyd olunur ki, Azərbaycan Respublikasının ermənilər tərəfindən işğal edilmiş Dağlıq Qarabağ bölgəsi və ona bitişik yeddi rayon BMT Təhlükəsizlik Şurasının qətnamələrində müəyyən edildiyi kimi qeyd-şərtsiz işğaldan azad edilməlidir.

Hikmət Hacıyev vurğulayıb: “Əks halda Azərbaycan BMT Nizamnaməsinin 51-ci maddəsinə uyğun olaraq öz ərazi bütövlüyünü qorumaq və sərhədlərinin toxunulmazlığını təmin etmək hüququnu saxlayır”.

O xəbərdarlıq edib ki, erməni silahlı qüvvələrinin Azərbaycanın işğal edilmiş ərazilərində qeyri-qanuni hərbi iştirakı qabaqcadan söylənilə bilməyəcək potensial nəticələr riskinin mənbəyidir və Ermənistanın işğalçılıq siyasətini davam etdirməsi onun orta əsirlərə dair fikirlərə bağlılığını sübut edir.

Hikmət Hacıyev həmin müsahibəsində deyir: “Ermənistan münaqişənin həllində maraqlı deyil, o, indiki status-kvonu möhkəmlətməyə və onun müddətini uzatmağa çalışır.

Otuz ilə yaxındır ki, biz danışıqlar prosesində iştirak edirik. “Strateji təmkin” adlandırıla biləcək bu fakt ölkəmizin məsələyə konstruktiv münasibətinin parlaq nümunəsidir. Lakin biz nəticə əldə edilməsinə yönəlmiş məzmunlu danışıqların tərəfdarıyıq”.

H.Hacıyev xəbərdarlıq edib ki, Bakı danışıqlar xatirinə danışığa getməyəcək, danışıqlar əbədi davam edə bilməz, çünki “indiki status-kvo yolverilməzdir və dəyişməlidir”.

“Azərbaycanın səbri tükənməz deyil”, - deyən H.Hacıyev vurğulayıb ki, işğal hərbi cinayətlərlə və insanlığa qarşı cinayətlərlə, etnik təmizləmələrlə müşayiət olunub. Münaqişə nəticəsində 1 milyondan çox azərbaycanlı qaçqın və məcburi köçkün vəziyyətinə düşüb. Prezidentin köməkçisinin sözlərinə görə, Ermənistan başa düşməlidir ki, XXI əsrdə beynəlxalq münasibətlər cəngəlliklər qanunu ilə nizamlana bilməz.

İyulun 12-dən başlayaraq Azərbaycan-Ermənistan sərhədinin Tovuz rayonu istiqamətində atəşkəs rejiminin vaxtaşırı pozulmasına, azərbaycanlı hərbi qulluqçuların və bir nəfər dinc sakinin həlak olmasına gəldikdə isə, H.Hacıyev bu hadisələri qəsdən törədilmiş təxribat, Azərbaycanın suverenliyinə və ərazi bütövlüyünə qarşı təcavüz adlandırıb. Onun fikrincə, Yerevan bu hərəkətləri etməklə bir neçə məqsəd güdür. Onun bir məqsədi qlobal neft-qaz və nəqliyyat layihələrinin Azərbaycanın şimal-qərbində Tovuz rayonunda yerləşən strateji infrastrukturuna ziyan vurmaqdır.

H.Hacıyev bildirib ki, Ermənistan rəhbərliyinin daha bir məqsədi Ermənistanda ictimai rəyi daxili problemlərdən, amanabənd sosial-iqtisadi vəziyyətdən, müxalifətçilərin təqib edilməsindən və COVID-19 pandemiyasından yayındırmaq idi.

Hikmət Hacıyev sonda diqqətə çatdırıb ki, Ermənistan Kollektiv Təhlükəsizlik Müqaviləsi Təşkilatını bu münaqişəyə cəlb etməyə çalışıb. Azərbaycan Prezidentinin köməkçisi vurğulayıb: “Azərbaycan Ordusu bütün hücumları dəf etdi və Yerevan öz məqsədlərinin heç birinə nail olmadı”.

ŞƏRH YAZ
0

Lukaşenko: “Mənim Kolyam heç vaxt prezident olmayacaq”

Lukaşenko: “Mənim Kolyam heç vaxt prezident olmayacaq”
23:35
06.08.2020
418
Siyasət
A
Belarus prezidenti Aleksandr Lukaşenko bildirib ki, 15 yaşlı oğlu Nikolayı özünə varis hazırlamır.

"Ölkə.Az"ın məlumatına görə, bu barədə o, “Dmitri Qordonun qonaqlığında” verilişində deyib.

"Yox, mənim Kolyam, yəqin ki, heç vaxt prezident olmayacaq. Mən istəmirəm (...ki, Nikolay prezident olsun - red)", - Lukaşenko “Dmitri Qordonun qonaqlığında” “YouTube” kanalında müsahibəsində bildirib.

O qeyd edib ki, seçkiqabağı kampaniyası ərzində oğlu Nikolay başqa uşaq olub, böyüyüb. Bu halda dövlət başçısı vurğulayıb ki, oğlu kimya, biologiyanı və ingilis dilini yaxşı bilir.

Belarusda prezident seçkiləri avqustun 9-a təyin edilib, ən yüksək dövlət postuna Lukaşenko da daxil olmaqla, beş nəfər iddialıdır. Lukaşenko altıncı dəfədir ki, prezidentliyə namizəddir.report

ŞƏRH YAZ
0
BAĞLA