Donuzlar fermerin MEYİTİNİ YEDİ
Polşanın qərbində yaşayan kəndlinin meyitini bəslədiyi donuzlar yeyib.
''Ölkə.Az'' xəbər verir ki, Polşanın Osiek kəndində yaşayan fermeri yerli sakinlər sonuncu dəfə 31 dekabrda quyudan su çəkən zaman görüblər. İtkin düşən fermeri axtarmağa gələn qonşusu fermaya gəldiyi zaman parçalanmış insan skleti ilə qarşılaşıb. Gördüyü mənzərə qarşısında dəhşətə düşən fermerin qonşusu dərhal polisə xəbər verib. Polislər hadisə yerinə gəldikdən sonra məlum olub ki, 71 yaşlı Kristof adlı fermer 31 dekabrda quyudan su çəkməyə gedərkən infarkt keçirərək vəfat edib. Cansız bədəni yerdə qalan fermerin meyitini bəslədiyi donuzlar yeyib.
Belə ki, istintaq zamanı iddia olunub ki, qoca fermer spirtli içki aludəçisi olub və ola bilsin ki, quyudan su çəkməyə gedərkən yuxuya gedib.
Ölkə.Az
