KORONAVİRUSA YOLUXANLARIN SAYI - CANLI STATİSTİKA

DSX çayda batan əsgərin yaxınlarını əraziyə aparıb

DSX çayda batan əsgərin yaxınlarını əraziyə aparıb
23:44
12.07.2020
3089
Hadisə
A
Dövlət Sərhəd Xidmətinin (DSX) Zaqatala Sərhəd Dəstəsinin Alazan çayında batan əsgərinin yaxınları hadisə baş verən əraziyə aparılıb.

"Ölkə.Az" DSX-yə istinadən xəbər verir ki, əsgər Fərdi Yarəliyevin qohumları onun öldüyü çay kənarında olub, şahidlər və əsgər yoldaşları ilə görüşüblər.

Əsgərin çayda üzməsinə şahid olan, ona bunun təhlükəli olduğunu deyən  Zaqatala rayonu 1-ci Tala kənd sakini Ramazan Hacıyev gördüklərini mərhumun valideyninə danışıb. 

Sərhəd zastavasında sərhəd naryadında olan hərbi qulluqçuların təhlükəsizlik qaydalarının tələbləri, o cümlədən də çayda üzmənin qəti qadağan edilməsi barədə qeydiyyatlar mərhumun qohumlarına təqdim olunub.

Məhkəmə tibb eksperti Ramin Cəbrayılov keçirdiyi tibbi ekspertiza barədə məlumat verib. 

Zaqatala hərbi prokuroru Surxay Hüseynov əsgərin yaxınları ilə görüşüb, mərhumun cəsədinin çaydan çıxarılmasını əks etdirən videomateriallar nümayiş etdirilib, suallar cavablandırılıb.

Qeyd edək ki,  hərbi xidmətdə ölmüş Fərdi Yarəliyevin yaxınları sosial mediada onun çayda batması ilə bağlı məlumatı qəbul etmədikləri barədə məlumatlar yayıblar. Onlar mərhum əsgərin cəsədinin şəkil və videogörüntüsünü paylaşaraq, onun güllə yarasından öldüyünü iddia ediblər.

Ölkə.Az

ŞƏRH YAZ
0

Paytaxtda 38 yaşlı kişi bıçaqlanıb

Paytaxtda 38 yaşlı kişi bıçaqlanıb
09:00
Bu gün
404
Hadisə
A
Bakıda bıçaqlanma hadisəsi baş verib.

"Ölkə.Az" report-a istinadən xəbər verir ki, hadisə Nərimanov rayonunda qeydə alınıb.

Belə ki, 1982-ci il təvəllüdlü Sadıqov Rəşad Aydın oğlu naməlum şəxs tərəfindən bıçaqlanıb. Yaralı təcili tibbi yardım briqadasının köməkliyi ilə xəstəxanaya çatdırılıb. Ona qarın ətrafının kəsilmiş-deşilmiş yarası diaqnozu qoyulub.

Ölkə.Az

ŞƏRH YAZ
0

Samur-Abşeron kanalında bir nəfər batdı

Samur-Abşeron kanalında bir nəfər batdı
05:00
Bu gün
483
Hadisə
A
Samur-Abşeron su kanalından meyit tapılıb.

"Ölkə.Az" xəbər verir ki, Fövqəladə Hallar Nazirliyinin “112” qaynar telefon xəttinə Samur-Abşeron kanalının Bakı şəhəri, Sabunçu rayonu ərazisindən keçən hissəsindən bir nəfərin (şəxsiyyəti dəqiqləşdirilir) meyitinin çıxarılması üçün müraciət daxil olub.

Hadisə yerinə cəlb olunan Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq xilasetmə qüvvələri meyiti aidiyyəti üzrə təhvil veriblər.

Ölkə.Az

ŞƏRH YAZ
0
BAĞLA