KORONAVİRUSA YOLUXANLARIN SAYI - CANLI STATİSTİKA

DSX: Sərhəddə gizlədilən silahlar aşkarlanıb

DSX: Sərhəddə gizlədilən silahlar aşkarlanıb
10:58
15.11.2019
2585
Ölkə
A
Dövlət Sərhəd Xidməti tərəfindən dövlət sərhədinin etibarlı mü­hafizəsi və dövlət sərhədində rejim qaydalarına riayət olun­ması üzrə həyata keçirilmiş əməliy­yat-axtarış və qoşun tədbirləri nəticəsində sərhədboyu ərazilərdə gizlədilmiş odlu silahlar aşkar olunub.

Bu barədə "Ölkə.Az"a DSX-nın Mətbuat Mərkəzindən məlumat verilib.

Dövlət Sərhəd Xidmətinin Sərhəd Qoşunlarının “Şəmkir” sərhəd dəstəsinin xidməti ərazisində Ağs­tafa rayonunun Sadıxlı kəndi yaxınlığındakı sərhəd zastavasının xidməti sahəsində yerləşən “Qarayazı” Dövlət Meşə qoruğunda kolların arasında gizlədilən 1 ədəd 20 mm-lik ov tüfəngi, ona məxsus 9 ədəd patron və “Şəki” sərhəd dəstəsinin xidməti ərazisində Oğuz rayo­nunun Fil-filli kəndi yaxınlığındakı sərhəd zastavasının xidməti sahəsində Qalaçay çayının sahilində qaya daşlarının altında giz­lədilən istifadəyə yararlı 1 ədəd 1960-cı il istehsalı olan “TOZ-8” markalı yivli silah aşkar olunaraq götürülüb.

Qeyd olunan faktlar üzrə zəruri əməliyyat-istintaq tədbirləri davam etdirilir.

ŞƏRH YAZ
1

Yenidoğulmuşlarda göz dibi müayinəsi vacibdirmi? — HƏKİM RƏYİ

Yenidoğulmuşlarda göz dibi müayinəsi vacibdirmi?
19:31
Bu gün
57
Ölkə
A
Vaxtından əvvəl doğulmuşlarda postnatal korluq tor qişa damarlarının və tor qişasının periferik hissəsinin zədələnməsi, yenidoğulmuşların retinopatoyası səbəbindən yarana bilər. Hamiləliyin dördüncü ayından inkişaf etməyə başlayan tor qişa damarları doqquzuncu aya yaxın tam formalaşmış olur.

Bu barədə Mərkəzi Gömrük Hospitalının “Facebook” səhifəsindən yayımlanan “Həkim məsləhəti” rubrikasında hospitalın oftalmoloqu, tibb üzrə fəlsəfə doktoru Aynurə Əliyeva məlumat verib.

A.Əliyeva “Vaxtından əvvəl doğulmuşların göz müayinəsi nə üçün vacibdir?” sualını cavablandırıb.

Onun sözlərinə görə, hamilələyin 32-ci həftəsində və ya daha tez doğulan və 1500 qram çəkiyə qədər olan körpələr bu risk qrupuna aid olurlar:

“Bu səbəbdən çəkisi 1 kq 500 qrama qədər olan yenidoğulmuşlar 4-6 həftəliklərində göz müayinəsindən keçməlidirlər. Əgər vaxtından əvvəl doğulmuş körpələrdə prematur retinopatiya aşkarlanmasa 4-6 həftədən sonra təkrar müayinə edilməlidir. 

Vaxtından əvvəl doğulmuş risk qrupunda olan uşaqlarda ilk 4-6 həftələr müddətində patoloji damarlar yarana bilər. Məhz bu mərhələdə göz dibi müayinəsi önəmlidir”.

Həmçinin, 28-ci həftəsindən tez doğulan və 1-2 ay küvezdə qalan körpələrin də böyük risk qrupunda olduğunu deyən həkim, bu məqamda valideynləri ehtiyatlı olmağa səsləyib:

“Xüsusilə 1 kq 250 qram çəkili körpələr, ilk yeddi gün müddətində yüksək oksigen müalicəsi aldıqlarına görə mütləq oftalmoloq müşahidəsi altında olmalıdırlar. İlk göz dibi müayinəsindən sonrakı müayinələr göz dibinin vəziyyətindən asılı olaraq iki həftədən bir təkrarlanır. Uşaqlarda normal inkişaf getdikcə bəzən patoloji damarlar öz-özünə keçir.

90 faiz hallarda xəstəliyin inkişafı dayanır. Bəzi hallarda isə stabil qalır və ya ağırlaşaraq qansızma, tor qişa qopması, katarakta, ikincili qlaukoma, çəplik, ambliopiya ilə nəticələnə bilir.

Məhz bu vəziyyətə görə hər bir vaxtından əvvəl doğulan körpələr korluğa səbəb olan ağırlaşmaların qarşısını almaq məqsədilə mütləq göz dibi müayinəsini keçməlidirlər. Xəstəliyin mərhələsindən asılı olaraq lazer koaqulyasiya və medikamentoz müalicə tətbiq olunur. Bəzi hallarda cərrahi müdaxilələr də istisna deyil”.

ŞƏRH YAZ
0

Sumqayıtda qısqanc ər arvadını bıçaqlayıb

Sumqayıtda qısqanc ər arvadını bıçaqlayıb
18:13
Bu gün
275
Ölkə
A
İyunun 8-də Sumqayıt şəhəri, 4-cü mikrorayon ərazisində Aygün Şixkərimovaya çoxsaylı bıçaq zərbələri vurularaq qəsdən öldürülməsinə cəhd edilməsi faktı üzrə Cinayət Məcəlləsinin 29, 120.1-ci (qəsdən adamöldürməyə cəhd) maddəsi ilə Sumqayıt şəhər prokurorluğunda cinayət işi başlanaraq istintaq aparılıb.

Bu barədə "Ölkə.Az"a Sumqayıt Şəhər Prokurorluğundan məlumat verilib. 

Bildirilib ki, istintaqla zərərçəkmişin əri Teymur Şixkərimovun qısqanclıq zəminində aralarında yaranmış mübahisə zamanı bıçaqla çoxsaylı xəsarətlər yetirərək Aygün Şixkərimovanı qəsdən öldürməyə cəhd etməsinə əsaslı şübhələr müəyyən edildiyindən o, Cinayət Məcəlləsinin qeyd edilən maddəsi ilə təqsirləndilirən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

Cinayət işi üzrə müvafiq ekspertizalar təyin edilib, hadisə yerinə baxış keçirilib, maddi sübutlar götürülüb, şahidlər dindirilib və digər zəruri prosessual hərəkətlər yerinə yetirilib.

Hazırda cinayət işi üzrə istintaq yekunlaşdırılaraq baxılması üçün aidiyyəti üzrə Bakı Ağır Cinayətlər Məhkəməsinə göndərilib.

Ölkə.Az

 

ŞƏRH YAZ
0
BAĞLA
X Mostbet