KORONAVİRUSA YOLUXANLARIN SAYI - CANLI STATİSTİKA

DSX sosial şəbəkələrdə yayılan videoya — MÜNASİBƏT BİLDİRİB

DSX sosial şəbəkələrdə yayılan videoya
20:54
08.11.2019
7849
Ölkə
A
Dövlət Sərhəd Xidməti (DSX) Fərid Əzizli ilə bağlı sosial şəbəkələrdə yayılan videoya mübasibət bildirib.

"Ölkə.Az" bildirir ki, DSX-nin Mətbuat Mərkəzindən verilən məlumatda bildirilib ki, son günlərdə sosial şəbəkələrdə və “Youtube” videohostinqində Xidmətin zabiti, leytenant Əzizli Fərid Ceyhun oğlunun qurumun bir sıra vəzifəli şəxslərini hüquqa zidd əməllərdə ittiham etməsi barədə videogörüntüsü yayılıb.

"Bununla əlaqədar olaraq bildiririk ki, leytenant F.Əzizlinin ictimailəşdirdiyi məsələlər ilə əlaqədar DSX-də araşdırma aparılıb, aidiyyəti hərbi qulluqçuların izahatları alınıb, guya qeyri-etik davranışa məruz qalması bildirilən vətəndaş dinlənilib. Araşdırma nəticəsində göstərilən hallar öz təsdiqini tapmayıb, özünə qarşı hər hansı qeyri-etik davranışın, yaxud fiziki təsirin baş verməsi əsgər valideyni tərəfindən tam inkar edilib", - məlumatda vurğulanıb.

Məlumatda həmçinin qeyd olunub ki, F.Əzizli xidmətində yol verdiyi ciddi nöqsanlara görə bir neçə dəfə attestasiya qaydasında Silahlı Qüvvələrin ehtiyatına buraxılmağa təqdim olunub, DSX-nin rəhbərliyi tərəfindən gənc zabit olması nəzərə alınaraq xidmətində dönüş yaratması üçün ona imkan verilib, lakin xidməti fəaliyyətində nöqsanlara yol verməyə davam edib: "Hazırda attestasiya qaydasında Silahlı Qüvvələrin ehtiyatına buraxılmağa təqdim olunan və bununla əlaqədar tibbi şəhadətləndirilməsi keçirilən leytenant Fərid Əzizlinin zabitlərə böhtan atmasında əsas məqsədi şantaj yolu ilə özünün xidmətdə saxlanılmasına nail olmaq, bu alınmadığı halda isə DSX-nin şəxsi heyəti sırasından kənarlaşdırıldıqdan sonra bunu xidməti vəzifələrinin icrasında yol verdiyi nöqsanlarla deyil, guya “həqiqəti” yaydığına görə xidmətdən uzaqlaşdırılması ilə izah edə bilməkdir. Həmin videogörüntü Dövlət Sərhəd Xidmətinin vəzifəli şəxslərinə böhtan atılması, yəni yalan olduğunu bilə-bilə onların şərəf və ləyaqətini ləkələyən və ya onları nüfuzdan salan məlumatların yayılması ilə əlaqədar olaraq toplanılan materiallara müvafiq hüquqi qiymətin verilməsi üçün rəsmi qaydada Azərbaycan Respublikasının Hərbi Prokurorluğuna göndərilib, leytenant F.Əzizli xidməti vəzifəsindən kənarlaşdırılaraq sərəncama götürülüb".

Ölkə.Az

ŞƏRH YAZ
0

İki əsrlik 115 kəhriz bərpa edilir — VİDEO

İki əsrlik 115 kəhriz bərpa edilir
19:45
Bu gün
109
Ölkə
A
Şəmkir rayonunun Çinarlı qəsəbəsində tarixi kəhrizlərin bərpasına başlanılıb. Uzun illər yararsız vəziyyətdə olan və istifadəsi tamamilə dayanan su mənbəyi yenidən əhalinin istifadəsinə verilmək üçün hazırlanır.

Qəsəbədəki kəhrizlərin tarixi iki əsrə yaxındır. Su quyuları vaxtilə burada yaşayan almanlar tərəfindən qazılıb və əsas içməli su mənbəyi kimi istifadə edilib. Qəsəbədəki yeraltı kəhrizlərin ümumi sayı 115 ədəddir. Artıq 58 su mənbəyinin fəaliyyəti bərpa olunub. 

İlkin araşdırmalara görə, kəhrizlər Çinarlı qəsəbəsini iki əsas istiqamət üzrə içməli su ilə təmin edəcək. İstifadəyə verilən su quyularının dərinliyi nəzərə alınaraq, təhlükəsizlik tədbirləri baxımından kəhrizlərin üzəri xüsusi beton piltələrlə örtüləcək. Bu məqsədlə rayon İcra Hakimiyyəti xüsusi beton piltələr sifariş edib. Su quyuları vətəndaşların suvarma suyunu da yaxşılaşdırmaq gücündədir. Kəhrizlərin tam istifadəyə verilməsi nəzərdə tutulan müddətdə başa çatdırılacaq.

ŞƏRH YAZ
0

Yenidoğulmuşlarda göz dibi müayinəsi vacibdirmi? — HƏKİM RƏYİ

Yenidoğulmuşlarda göz dibi müayinəsi vacibdirmi?
19:31
Bu gün
101
Ölkə
A
Vaxtından əvvəl doğulmuşlarda postnatal korluq tor qişa damarlarının və tor qişasının periferik hissəsinin zədələnməsi, yenidoğulmuşların retinopatoyası səbəbindən yarana bilər. Hamiləliyin dördüncü ayından inkişaf etməyə başlayan tor qişa damarları doqquzuncu aya yaxın tam formalaşmış olur.

Bu barədə Mərkəzi Gömrük Hospitalının “Facebook” səhifəsindən yayımlanan “Həkim məsləhəti” rubrikasında hospitalın oftalmoloqu, tibb üzrə fəlsəfə doktoru Aynurə Əliyeva məlumat verib.

A.Əliyeva “Vaxtından əvvəl doğulmuşların göz müayinəsi nə üçün vacibdir?” sualını cavablandırıb.

Onun sözlərinə görə, hamilələyin 32-ci həftəsində və ya daha tez doğulan və 1500 qram çəkiyə qədər olan körpələr bu risk qrupuna aid olurlar:

“Bu səbəbdən çəkisi 1 kq 500 qrama qədər olan yenidoğulmuşlar 4-6 həftəliklərində göz müayinəsindən keçməlidirlər. Əgər vaxtından əvvəl doğulmuş körpələrdə prematur retinopatiya aşkarlanmasa 4-6 həftədən sonra təkrar müayinə edilməlidir. 

Vaxtından əvvəl doğulmuş risk qrupunda olan uşaqlarda ilk 4-6 həftələr müddətində patoloji damarlar yarana bilər. Məhz bu mərhələdə göz dibi müayinəsi önəmlidir”.

Həmçinin, 28-ci həftəsindən tez doğulan və 1-2 ay küvezdə qalan körpələrin də böyük risk qrupunda olduğunu deyən həkim, bu məqamda valideynləri ehtiyatlı olmağa səsləyib:

“Xüsusilə 1 kq 250 qram çəkili körpələr, ilk yeddi gün müddətində yüksək oksigen müalicəsi aldıqlarına görə mütləq oftalmoloq müşahidəsi altında olmalıdırlar. İlk göz dibi müayinəsindən sonrakı müayinələr göz dibinin vəziyyətindən asılı olaraq iki həftədən bir təkrarlanır. Uşaqlarda normal inkişaf getdikcə bəzən patoloji damarlar öz-özünə keçir.

90 faiz hallarda xəstəliyin inkişafı dayanır. Bəzi hallarda isə stabil qalır və ya ağırlaşaraq qansızma, tor qişa qopması, katarakta, ikincili qlaukoma, çəplik, ambliopiya ilə nəticələnə bilir.

Məhz bu vəziyyətə görə hər bir vaxtından əvvəl doğulan körpələr korluğa səbəb olan ağırlaşmaların qarşısını almaq məqsədilə mütləq göz dibi müayinəsini keçməlidirlər. Xəstəliyin mərhələsindən asılı olaraq lazer koaqulyasiya və medikamentoz müalicə tətbiq olunur. Bəzi hallarda cərrahi müdaxilələr də istisna deyil”.

ŞƏRH YAZ
0
BAĞLA
X Mostbet