KORONAVİRUSA YOLUXANLARIN SAYI - CANLI STATİSTİKA

“Ehtiyac olarsa, karantin rejimi uzadıla və sərtləşdirilə bilər” — Millət vəkili

“Ehtiyac olarsa, karantin rejimi uzadıla və sərtləşdirilə bilər”
22:59
29.06.2020
3444
Siyasət
A
“Koronavirusa yoluxma hallarının artım dinamikasını dayandırmaq və bu sahədə müsbət tendensiyaya, yoluxma hallarının azalmasına nail olmaq məqsədilə karantin qaydalarına birmənalı şəkildə riayət olunmalıdır”.

"Ölkə.Az" bildirir ki, bu sözləri ixtisasca həkim olan millət vəkili İlham Məmmədov deyib. O bildirib ki, bu gün koronavirus infeksiyasının kliniki gedişatında bir qədər ağırlaşma müşahidə edilir:

“İlkin mərhələdə xəstəlik özünü nisbətən yüngül büruzə verirdisə, bu gün təəssüf olsun ki, xəstəliyin gedişatı kifayət qədər ağır, kəskin və fəsadlaşmış şəkildə davam edir. Qısa zaman kəsiyində quru öskürək, yüksək hərarət, baş ağrıları və digər ağır simptomlar vətəndaşları çətin vəziyyətə salır. Azərbaycanda pandemiyanın ilk başladığı gündən apardığı preventiv tədbirlər, operativ qərargahın yaradılması, qərargah üzvlərinin vəziyyətə uyğun şəkildə qəbul etdiyi qərarlar bu gün ölkə daxilində yoluxma hallarını nisbətən də olsa, nəzarətdə saxlamağa kömək edir.

Prezident İlham Əliyev pandemiya ilə mübarizə çərçivəsində bir sıra sərəncam və tapşırıqlar verib.  Həmin tapşırıqlar əsasında ölkədə modul tipli xəstəxanaların inşasına başlanılıb. Bununla paralel olaraq isə vətəndaşların sosial durumunu nəzərə alaraq, onlara sosial yardım paketlərinin ayrılması istiqamətində müvafiq tapşırıqlar verib. Təəssüf osun ki, may ayına qədər müşahidə edilən stabil vəziyyət karantin yumşaldıqdan sonra nisbətən artmağa başladı. Bu isə mövcud vəziyyətə tam nəzarət etməyi nisbətən çətinləşdirir. Bu səbəbdən də karantin rejimi yenidən sərtləşdirildi. Karantin rejimi sərtləşdiriləndən sonra yeni yoluxma hallarında kəskin artım dinamikası dayandı  və gündəlik yoluxmaların orta sayı 520-550 arasında müəyyənləşdi”.

Millət vəkili onu da əlavə edib ki, karantin rejiminin sərtləşdirilməsi yoluxma dinamikasının aşağı düşməsində ciddi dəyişiklik yaradırsa, yeri gələrsə onun uzadılması, eləcə də əlavə tədbirlərin görülməsi zəruri hal ala bilər:

“Təbii ki, bu qərar operativ qərargah nümayəndələri tərəfindən müəyyən proseslər nəzərdən keçirildikdən sonra alına bilər. Əslində birmənalı olaraq bu yoluxma dinamikasından asılıdır. Ehtiyac olarsa, zərurət yaranarsa, karantin rejimi uzadıla bilər. İnsanlarımız da bunu anlayışla qarşılamalıdır. Daha əvvəl bu xəstəliyə inanmayanlar olurdu. Lakin bu gün hər kəs “mənim yaxınlarım arasında koronavirusa yoluxan var” cümləsini qurur. Bu təəssüf doğuran məqamdır, lakin vətəndaşlarımız bizdən inciməsin. Daha əvvəl onlar karantin rejiminə ciddi riayət etsəydi, yoluxma halları artmazdı.

İctimai nəqliyyatdan istifadə etdikdə, mağazaya getdikdə, küçəyə çıxdıqda tibbi maskalardan istifadə etmək, insanlar arasında sosial məsafəni gözləmək ilkin mərhələlərdə vacib idi.

Biz sanki müharibədəyik. Hər birimiz vətənimiz uğrunda müharibəyə gedib, canımızdan keçməyə hazırıq. Bu da bir müharibədir. Yalnız burada vətən uğrunda ölmək yox, vətən uğrunda yaşamaq və yaşatmaq lazımdır. Bunun üçün isə qaydalara riayət etmək şərtdir. Lakin vətəndaşlarımız buna hələ indi, yavaş-yavaş riayət etməyə başlayıb. Bu mənada, qarşıdan gələn günlərdə yoluxma hallarının sayının aşağı düşmə ehtimalı çox böyükdür”.

İ.Məmmədov sərt karantin rejimi qaydalarının pozulmasına görə tətbiq edilən cərimə tədbirlərinə edilən dəyişikliklərə də toxunub. O bildirib ki, bu gün Milli Məclisdə müzakirəyə çıxarılan karantin rejimini pozan şəxslərə tətbiq edilən cərimə miqdarının artırılması ilə bağlı məsələyə müsbət rəy verildi və qərar qəbul edildi:

“Burada söhbət cərimələri artırıb hər hansı bir formada cərimələməkdən getmir. Dövlətin məqsədi bu deyil. Sadəcə, bu gün atılan bütün addımlar insanları həm özlərinin, həm də ətrafdakı insanların təhlükəsizliyinə biganə yanaşmamaqları üçün qanuni çərçivəyə salmaqdır. Bu bəzi məsuliyyətsiz insanlara xatırlatmadır. Yaşayış yerini tərk edən insan tibbi maska taxmırsa, qapalı məkanlarda yoluxma riskini artıracaq davranışlara yol verirsə, o artıq özünü deyil, ətrafdakı insanların sağlamlıqlarını da bilə-bilə riskə atır. Hər bir vətəndaş bizim millətimizin üzvüdür. Bu gün biz özümüz-özümüzə irad bildirməliyik. İctimai qınaq mütləq şəkildə olmalıdır.

Tutduğu vəzifəsindən, ictimai-siyasi görüşündən asılı olmayaraq, hər kəs bu istiqamətdə təbliğat aparmalı və insanları birlik olaraq qaydalara riayət etməyə çağırmalıdır. Bu tək dövlətimizin deyil, bizim hər birimizin vətən, millət qarşısında borcudur.

Bütün sosial media bu gün qaydaların ayrı ayrı vətəndaşlar tərəfindən pozulması hallarını göstərib, bunun yolverilməz olduğunu diqqətə çatdırmalıdır. Əks təqdirdə karantin rejiminin sərtləşdirilməsinə, cərimə tətbiqlərinin digər ölkələrdəki kimi daha da artırılmasına zərurət yaranacaq. Axı bizə bu lazım deyil, elə deyilmi? İnsanın öz sağlamlığının qeydinə qalması üçün bu qədər cərimə tədbirlərinə ehtiyac varmı? Dövlət əlindən gələni edir ki, məsuliyyətsiz vətəndaşlara bu işin ciddiyyətini başa salsın. Mən xahiş edirəm ki, pandemiya dövründən ən az zərərlə çıxmaq üçün birlik olaq, qalib gələk”. oxu.az

ŞƏRH YAZ
0

Hikmət Hacıyevin EFE informasiya agentliyinə müsahibəsi bir sıra ölkələrin qəzet və xəbər saytlarında dərc edilib — FOTO

Hikmət Hacıyevin EFE informasiya agentliyinə müsahibəsi bir sıra ölkələrin qəzet və xəbər saytlarında dərc edilib
00:04
Bu gün
351
Siyasət
A
Azərbaycan Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyevin İspaniyanın EFE informasiya agentliyinə müsahibəsi İspaniyanın “Lavanguardia” qəzeti ilə yanaşı, ABŞ-ın “Holanews”, Dominikan Respublikasının “Diariolibre” qəzetlərinin elektron platformalarında, Argentinanın “Infobae” xəbər saytında, Yahoo! News- Yahoo! tərəfindən yaradılan xəbər aqreqatorunda dərc edilib.

"Ölkə.Az" AZƏRTAC-a istinadən xəbər verir ki, “Azərbaycanın səbri tükənməz deyil” sərlövhəsi ilə dərc olunan müsahibədə ispandilli oxuculara Ermənistan-Azərbaycan Dağlıq Qarabağ münaqişəsi, Ermənistan silahlı qüvvələrinin Azərbaycanla sərhəddə törətdiyi son hərbi təxribat və onun nəticələri barədə məlumat verilir.

Hikmət Hacıyev müsahibədə rəsmi Bakının Ermənistan-Azərbaycan münaqişənin danışıqlar yolu ilə həllinin tərəfdarı olduğunu bildirir. Qeyd olunur ki, Azərbaycan Respublikasının ermənilər tərəfindən işğal edilmiş Dağlıq Qarabağ bölgəsi və ona bitişik yeddi rayon BMT Təhlükəsizlik Şurasının qətnamələrində müəyyən edildiyi kimi qeyd-şərtsiz işğaldan azad edilməlidir.

Hikmət Hacıyev vurğulayıb: “Əks halda Azərbaycan BMT Nizamnaməsinin 51-ci maddəsinə uyğun olaraq öz ərazi bütövlüyünü qorumaq və sərhədlərinin toxunulmazlığını təmin etmək hüququnu saxlayır”.

O xəbərdarlıq edib ki, erməni silahlı qüvvələrinin Azərbaycanın işğal edilmiş ərazilərində qeyri-qanuni hərbi iştirakı qabaqcadan söylənilə bilməyəcək potensial nəticələr riskinin mənbəyidir və Ermənistanın işğalçılıq siyasətini davam etdirməsi onun orta əsirlərə dair fikirlərə bağlılığını sübut edir.

Hikmət Hacıyev həmin müsahibəsində deyir: “Ermənistan münaqişənin həllində maraqlı deyil, o, indiki status-kvonu möhkəmlətməyə və onun müddətini uzatmağa çalışır.

Otuz ilə yaxındır ki, biz danışıqlar prosesində iştirak edirik. “Strateji təmkin” adlandırıla biləcək bu fakt ölkəmizin məsələyə konstruktiv münasibətinin parlaq nümunəsidir. Lakin biz nəticə əldə edilməsinə yönəlmiş məzmunlu danışıqların tərəfdarıyıq”.

H.Hacıyev xəbərdarlıq edib ki, Bakı danışıqlar xatirinə danışığa getməyəcək, danışıqlar əbədi davam edə bilməz, çünki “indiki status-kvo yolverilməzdir və dəyişməlidir”.

“Azərbaycanın səbri tükənməz deyil”, - deyən H.Hacıyev vurğulayıb ki, işğal hərbi cinayətlərlə və insanlığa qarşı cinayətlərlə, etnik təmizləmələrlə müşayiət olunub. Münaqişə nəticəsində 1 milyondan çox azərbaycanlı qaçqın və məcburi köçkün vəziyyətinə düşüb. Prezidentin köməkçisinin sözlərinə görə, Ermənistan başa düşməlidir ki, XXI əsrdə beynəlxalq münasibətlər cəngəlliklər qanunu ilə nizamlana bilməz.

İyulun 12-dən başlayaraq Azərbaycan-Ermənistan sərhədinin Tovuz rayonu istiqamətində atəşkəs rejiminin vaxtaşırı pozulmasına, azərbaycanlı hərbi qulluqçuların və bir nəfər dinc sakinin həlak olmasına gəldikdə isə, H.Hacıyev bu hadisələri qəsdən törədilmiş təxribat, Azərbaycanın suverenliyinə və ərazi bütövlüyünə qarşı təcavüz adlandırıb. Onun fikrincə, Yerevan bu hərəkətləri etməklə bir neçə məqsəd güdür. Onun bir məqsədi qlobal neft-qaz və nəqliyyat layihələrinin Azərbaycanın şimal-qərbində Tovuz rayonunda yerləşən strateji infrastrukturuna ziyan vurmaqdır.

H.Hacıyev bildirib ki, Ermənistan rəhbərliyinin daha bir məqsədi Ermənistanda ictimai rəyi daxili problemlərdən, amanabənd sosial-iqtisadi vəziyyətdən, müxalifətçilərin təqib edilməsindən və COVID-19 pandemiyasından yayındırmaq idi.

Hikmət Hacıyev sonda diqqətə çatdırıb ki, Ermənistan Kollektiv Təhlükəsizlik Müqaviləsi Təşkilatını bu münaqişəyə cəlb etməyə çalışıb. Azərbaycan Prezidentinin köməkçisi vurğulayıb: “Azərbaycan Ordusu bütün hücumları dəf etdi və Yerevan öz məqsədlərinin heç birinə nail olmadı”.

ŞƏRH YAZ
0

Lukaşenko: “Mənim Kolyam heç vaxt prezident olmayacaq”

Lukaşenko: “Mənim Kolyam heç vaxt prezident olmayacaq”
23:35
06.08.2020
575
Siyasət
A
Belarus prezidenti Aleksandr Lukaşenko bildirib ki, 15 yaşlı oğlu Nikolayı özünə varis hazırlamır.

"Ölkə.Az"ın məlumatına görə, bu barədə o, “Dmitri Qordonun qonaqlığında” verilişində deyib.

"Yox, mənim Kolyam, yəqin ki, heç vaxt prezident olmayacaq. Mən istəmirəm (...ki, Nikolay prezident olsun - red)", - Lukaşenko “Dmitri Qordonun qonaqlığında” “YouTube” kanalında müsahibəsində bildirib.

O qeyd edib ki, seçkiqabağı kampaniyası ərzində oğlu Nikolay başqa uşaq olub, böyüyüb. Bu halda dövlət başçısı vurğulayıb ki, oğlu kimya, biologiyanı və ingilis dilini yaxşı bilir.

Belarusda prezident seçkiləri avqustun 9-a təyin edilib, ən yüksək dövlət postuna Lukaşenko da daxil olmaqla, beş nəfər iddialıdır. Lukaşenko altıncı dəfədir ki, prezidentliyə namizəddir.report

ŞƏRH YAZ
0
BAĞLA