KORONAVİRUSA YOLUXANLARIN SAYI - CANLI STATİSTİKA

Elçibəyin köməkçisi Firudin Cəlilovu BİABIR ETDİ — "Bunu ona sonadək bağışlamadı"

Elçibəyin köməkçisi Firudin Cəlilovu BİABIR ETDİ
12:15
10.10.2019
2465
Siyasət
A
“Keçmiş Təhsil Naziri Firudin Cəlilovun müsahibəsindən dostların zəngindən sonra xəbər tutdum. Gop, yalan,böhtanın sərhəddinin pozulduğu müsahibəni təəccüblə oxusam da, gözlənilməz deyildi. Çünki professor Cəlilov əvvəllər də verdiyi bəzi müsahibələrdə Əbülfəz bəyə qarşı etikaya uyğun olmayan formada qərəzini büruzə vermişdi. O zaman xəstəliyini nəzərə alıb cavab verilməmişdi. Amma indi elə iddialar səsləndirib ki, şahidi və iştirakçısı olduğumuz yaxın tarixi saxtalaşdırmasına dur demək zərurəti yarandı”.

“Ölkə.Az” xəbər verir ki, sabiq Prezident Əbülfəz Elçibəyin köməkçisi Oqtay Qasımov deyib.

“Müsahibədə : "İndiyə qədər mən bu barədə danışmamışam. Amma görürəm ki, artıq danışmaq lazımdır". Adamdan soruşarlar, “nə üçün Elçibəyin və Vurğun Əyyubun sağlığında yox, onların yoxluğunda danışmağa başladın?” Rəhmətə gedənin arxasınca danışmaq, özü də yalan danışmaq hansı milli mənəvi dəyərin göstəricisidir? Professor cəmiyyətdən ona yönələcək suallara yəqin ki, aydınlıq gətirər. Ona qədər bəzi məsələlərə açıqlıq gətirməyin faydalı olacağını düşündük”, - O.Qasımov deyib.

 O əlavə edib ki, əvvəla 1991-ci ilin avqustunda Elçibəyin təklifi ilə AXC tərəfindən Türkiyəyə göndərilən 50 tələbənin qəbul imtahanına rəhbərlik edən V.Əyyuba sənədlərin hazırlanması və texniki işlərdə AXC qərargahının ştatlı işçiləri kimi Ellada Məmmədli ilə kömək etmişik. “Prosesin yüksək səviyyədə və şəffaflıqla həyata keçirilməsi Elçibəy tərəfindən yüksək qiymətləndirilib və sonradan V.Əyyubun TQDK-ya sədr təyin olunmasında əsas faktorlardan biri olub.

2. Bir universtitet müəllimi olan Elçibəy təhsil sahədəki problemləri yaxşı bilir, bu sistemindəki korrupsiya və rüşvətxorluğu aradan qaldırmağın yolunun test üsulunun tətbiqindən keçəcəyinə dərindən inanırdı. Misirdə işlədiyi vaxtdan bu barədə düşünmüş, sonrakı dövrlərdə Türkiyədən gələn təhsil mütəxəssisləri ilə bu mövzuda xeyli müzakirələr aparmış, Test üsulunun tətbiqi məsələsini Seçki platformasına daxil etmişdi. İdeyanın müəllifinin Elçibəy olduğunu çox sayda şahidlər təstiqləyə bilər.

3. Elçibəylə F.Cəlilovun münasibətləri 1991-ci ilə qədər yaxın olsa da, o zaman Ali Sovetdə Latın əlifbasına keçidlə bağlı aparılan müzakirələr aralarında soyuqluq yaranmışdı. Belə ki, Elçibəy gələcəkdə yaranacaq vahid Türk əlifbası məsələsində onunla həmrəy olduğunu bildirən Firudun müəllimə aralarındakı razılaşmanın AS-dəki müzakirələrdə yeni əlifbada nəzərə alınmasını təklif etməyi tövsiyə edir. O, isə bu söhbəti mərhum İsmayıl Şıxlıya çatdıraraq prosesə mane olduğundan Elçibəy bunu ona sonadək bağışlamadı. Hakimiyyət dönəmində prezident tərəfindən qəbul edilməyən nazirin onun qapısını çırpıb getmək uydurması sadəcə gülüş doğurur və qeyri ciddidir. Firudin müəllimi Baş Nazirin müavini vəzifəsinə Elçibəy yox, Mütəllibov təyin edib və 18 may 1992-ci ildə Rəhim Hüseynov başda olmaqla Mütəllibovun 14 mayda təyin etdiyi bir çox şəxslərin təyinatı əldə edilən razılaşmaya görə AS-də təsdiq edilib. Elçibəyin Cəlilova soyuq münasibətinin nəticəsi və işindəki bəzi nöqsanlara görə Təhsil Nazirliyi iki yerə ayrılıb və digər hissəsinə mərhum Tofiq Hacıyev rəhbər təyin edilib”- o qeyd edib.

F.Cəlilovu yaddaşsızlıqda ittiham eədn O.Qasımov deyib ki, Firudun müəllimin yaddaşındakı problem ortadadır: “ Əvvəla TQDK Təhsil Nazirliyinə yox, birbaşa prezidentə tabe olduğundan bu qurumu onun yaratması fikri yumşaq desək yalandır. Bu qurum Elçibəyin fərmanı ilə yaradılıb. Digər tərəfdən 2000 nəfər Türkiyəyə göndərilən tələbələr üçün ayrıca imtahan keçirilməsi fikri absurddur. Bütün tələbələr üçün imtahan bir dəfə keçirilib.
Firudun müəllimə xatırlatmaq istəyirəm ki, Prezidentin iradəsi,istəyi olmasa istənilən nazir ən gözəl ideyasını belə həyata keçirə bilməz. Bu həm də Firudun müəllimə aiddir. Digər tərəfdən cəmiyyətin gözü tərəzidir. Bunu da unutmaq lazım deyil”.

Mürtəza
Ölkə.Az

ŞƏRH YAZ
0

Hökümət yeni idarəetmə modelləri tətbiq etməkdə israrlıdır — Şahin Seyidov

Hökümət yeni idarəetmə modelləri tətbiq etməkdə israrlıdır
10:30
Bu gün
132
Siyasət
A
Azərbaycan Respublikasının Prezidenti cənab İlham Əliyev tərəfindən bütün sahələrdə proqressiv iş davam etməkdədir. Son dövrlərdə keçirilən müşavirələrdə əsasən də idarəetmənin təkmilləşdirilməsi istiqamətinin önəm kəsb etdiyi görürük. Ölkə başçısı tərəfindən müşavirələrdə və görüşlərdə səsləndirilən fikirlər birmənalı olaraq yeni və təkmil idarəetmə modellərinin tətbiq edilməsi ilə bağlıdır. İşlək mexanizmin daha yüksək səviyyədə nəticələr əldə etməsi və dayanalıqlı davamlılığın təminatı üçün yeni təcrübə və metodların tətbiqi zəruridir.

Dövlət şirkətlərinin idarəetməsində “korporativ idarəetmə” prinsipləri tətbiq olunmalıdır

… fakt odur ki, əgər dövlət şirkətləri normal korporativ idarəetmə əsasında işləməyəcəklərsə, onda biz bu problemlərlə daim üzləşəcəyik. Bundan sonra buna dözmək olmaz…

…dövlət şirkətləri elə bil ki, sosialist iqtisadi modelində işləyir. Bu, dözülməzdir. Ona görə bu istiqamətdə çox ciddi addımlar atılmalıdır. Sizə tapşırıram, dövlət şirkətlərinin işi ciddi təftiş edilməlidir və yeni idarəetmə sistemi qurulmalıdır…

Bu fikirlər Prezident İlham Əliyev tərəfindən koronavirusla mübarizə sahəsində görülən tədbirlər və sosial-iqtisadi vəziyyətlə bağlı keçirdiyi müşavirədə səsləndirilmişdir. Burada ölkə başçısı tərəfində birmənalı olaraq məhz yeni metodların tətbiqinin zəruriliyi – mövcud idarəetmə sisteminin dəyişməsi vurğulanmışdır. Artıq dövlət şirkətlərinin mövcud işinin və iş prinsipinin müasirləşdirilməsi, gözlənilən nəticələri verməyən iş mexanizmləri yeni idarəetmə texnikaları ilə işlənməlidir. Bunun nəticəsində isə sözügedən şirkətlər ölkəmizin inkişaf tempi ilə ayaqlaşa biləcəkdir.

Dövlət şirkətlərinin səmərəliliyi “investisiyaların qaytarılması” (ROI) indeksi ilə ölçülməlidir

…Hesab edirəm ki, dövlət şirkətlərinə ayrılan vəsait o şirkətlərin səmərəliliyi ilə üst-üstə düşmür. Bu qədər vəsait ayrılıb, daha da böyük nəticə əldə olunmalı idi… 

…özəl sektorda əgər itki varsa, bu özəl sektorun subyekti müflisləşir, biznesini bağlayır və heç kim bunun köməyinə gəlmir. Amma dövlət şirkətləri öyrəşiblər ki, onların bütün qüsurları, bütün itkiləri dövlət tərəfindən bağlanacaq…

Prezidentin müşavirdə səsləndirdiyi fikirlərə əsasən biz deyə bilərik ki, sözügedən dövlət şirkətlərinin səmərəlilik göstəriciləri mütləq halda “investisiyaların qaytarılması” (ROI) indeksi ilə ölçülməli, nəticələr dəyərləndirilməlidir. Dövlət tərəfindən ayrılan investisiya və yatırımlar səmərəli istifadə edilmədiyi və yaxud düzgün strategiya ilə sərf edilmədiyi üçün bu gün gözlənilən nəticələrin alınmasında problem yaranır. Ölkə başçısının da qeyd etdiyi kimi, özəl sektorda itki olduğu zaman, müflisləşir və yekunda biznes bağlanır. Amma dövlət şirkətlərində bu hal baş verən zaman dövlət tərəfindən dəstəyin olması onlarda bu qüsurları yaradan amillərin aradan qaldırılması üçün yox, olduğu kimi davam etməsinə zəmin yaradır. Dövlət şirkətləri hökümət tərəfindən dəstəyin daimi olmamasını ehtimalını, hər hansı çətinlik dönəmində yeri gəlsə özəl şirkətlərlə bərabər nəticələrlə üzləşəcəyini göz önündə tutmalıdır.

Dövlət şirkətlərinin qısa və uzun-müddətli “əsas effektivlik göstəriciləri” (KPİ - Key Performance Indicators) müəyyən olunmalıdır
…onlar tam əmindirlər ki, dövlət həmişə bunların bütün problemlərini öz üzərinə götürəcək, onların götürdükləri və verə bilmədikləri kreditləri öz üzərinə götürəcək…

…Eyni zamanda, israfçılığa yol verilir, bəzi hallarda lazım olmayan layihələr icra edilir, yaxud da bu layihələrin icrasına start verilir. Təbii ki, bu layihələr gərək başa çatdırılsın. Bu layihələr başa çatandan sonra aydın olur ki, bunun səmərəsi yoxdur…
…xərclərə dövlət nəzarəti mexanizmi daha da təkmil olmalıdır…

“Əsas effektivlik göstəriciləri” (KPİ) öncədən müəyyən edilən zaman təyin edilən işin və idarəetmənin yekununda gözlənilən müsbət nəticənin əldə edilmə faiz dərəcəsi yüksək olur. Hər bir istiqamətdə işin təşkili zamanı sözügedən KPİ müəyyən edilməsi, qısa, orta və uzunmüddətli yoxlama nöqtələri təyin edilərək səmərəlilik artırılmalıdır. Bunun nəticəsində israfçılıq və dövlət tərəfindən öz üzərinə götürülməsi şəraiti yaranan problemlərin olması faizi də getdikcə aşağı düşəcəkdir. Həmçinin burada Prezident İlham Əliyevin şirkətlər tərəfindən olan xərclərə dövlət nəzarətinin təkmil olması məsələsi də vardır ki, bu sadəcə metodlar və yanaşmalar dəyişdirilərək hökümət tərəfindən gözlənilən ƏEG əldə edilə bilər.

Dövlət şirkətlərin idarəetməsində “Public-Private Partnership” (“PPP” modeli - dövlət-özəl sektor tərəfdaşlığı) modeli tətbiq olunmalıdır
…burada da dövlət-özəl sektor tərəfdaşlığı mümkündür, inkişaf etmiş ölkələrdə bu, var... 
…dövlət-özəl sektor tərəfdaşlığı gərək daha konkret layihələr əsasında özünü göstərsin. Deyə bilərəm ki, bu, hələ bir çox hallarda niyyət olaraq qalır. Bizdə bir neçə layihədə dövlət və özəl şirkətlər fəaliyyət göstərirlər, sərmayə qoyublar. Amma bu layihələrin sayı çox azdır. Ona görə burada mütləq yeni yanaşma olmalıdır…

Dövlət-özəl sektor tərəfdaşlığı – yəni əsl adı ilə 3P (PPP) modeli tətbiq olunan zaman bu sahədə bir çox istiqamətdə qazanc ədə edilə bilər. Məsələn bu modelin tətbiqi ilə maliyyənin azaldılması, risklərin bölüşdürülməsi, uzunömürlülük və yüksək keyfiyyət nəticələri əldə edilə bilər. Müşavirədə ölkə başçısı tərəfindən səsləndirilən fikirlərdə də bu tərəfdaşlığın mümkünlüyü, beynəlxalq təcrübədə - İEÖ-də bunun mövcudluğu qeyd edilib. Bu istiqamətdə layihələr üzərində iş aparılması, yüksək nəticələrlə hər tərəfli qazancın əldə edilməsi üçün dövlət-özəl sektor arasında olan tərəfdaşlıq münasibətləri sürətli formada inkişaf etməlidir.
Keçirilən bu müşavirədə səsləndirilən fikirlər göstərdi ki, ölkə başçısı tərəfindən su təsərrüfatının idarəedilməsinin təkmilləşdirilməsi kimi, digər sahələrdə də idarəetmənin təkmilləşdirilməsi istiqamətində gözləntilər mövcuddur və bunlar ən yaxın müddətdə artıq həyata keçirilməlidir.

Ölkə.Az

ŞƏRH YAZ
0

Ceyhun Bayramov Türkiyədə terror qurbanı olan şəhid diplomatları yad edib

Ceyhun Bayramov Türkiyədə terror qurbanı olan şəhid diplomatları yad edib
01:45
Bu gün
427
Siyasət
A
Bu gün Türkiyədə səfərdə olan Azərbaycan Xarici İşlər naziri Ceyhun Bayramov Türkiyə XİN-in binasında terror qurbanı olan şəhid diplomatların xatirə lövhəsilə tanış olub.

"Ölkə.Az" APA-ya istinadən xəbər verir ki, C.Bayramovu Türkiyə Xarici İşlər Naziri Mövlud Cavuşoğlu müşayiət edib. 

Nazir yazıb ki, xatirə lövhəsində adları əks olunan diplomatların arasında erməni terrorunun qurbanları da var. 

Terroru qətiyyətlə pislədiyini qeyd edən C.Bayramov şəhid diplomatlara rəhmət diləyib.

ŞƏRH YAZ
0
BAĞLA